На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Эрзянь келень чи Сарансо!

Кода уш зяроце ие ушодовсь те Ине покшчись «Тюштя» моронть гайгемасто, конань морызе сцена лангс лисемстэ Ромашкин Оло лемсэ «Торамо» морокурось.

Сыцятне вастызь те коенть стядо. Моронть прядомга кирвазстезель Пазонь штатол. Тень теизе, кода эрьва иестэ, весемезэ сыре покштясь Нуянь Видяз. Седе тов яволявтозель 2018 иень А.П.Рябов лемсэ Казненть Лауреатонть лемезэ – те Нуянь Видяз – Четвергов Е.В. Сонензэ максови Лауреатонь диплом.

Ветясть покшчинь лувонть Слугина Лена ды Мокшанова Таня.

1 ветицясь: Эрьва иестэ «Руця» эрзянь лезэпаргось ютавтни «Эрзянь вал» Интернет куросонть сёрмадома шкинемань «Эрзянь ойме» Казнес пелькстамонть. Эрьва ие сёрмадейтненень Казнекс максови арневкс (диплом) ды аволь покшке ярмаконь казне. Ярмактнень ансяк эсь мельсэст те пелькстамонтень кайсить «Руцяс» эрзятне. Казнетнень максынзе лауреатнэнень Татьяна Ларина.

(Лауреатнеде ловнодо сы номерсэ)

2 ветицясь: Мазый минек келесь, стяко сонензэ алтнесть эсь эрямонь пингест эрзянь учёнойтне. Ютксост Мордовиянь васенце профессорось Анатолий Рябов.

1-це ветицясь. Анатолий Павлович Рябов чачсь 1894 иень чадыковонь 16 чистэ Мордовия Республикань Ицялонь буень Ламбаське велесэ. Профессор, ламо келень содыця, васенце Эрзянь букварень пурныця-нолдыця. 1923 иестэ сти Московсо «Сыргозема» вейсэндявксонть прявтокс.

2-це ветицясь: 1934-це иестэ эрзянь келень васенце профессоронть А. П. Рябовонь тердизь Мордовской пединститутс мокшонь-эрзянь келень кафедранть прявтокс. Рябовонь профессоронть покш питнезэ, сон васенцеде сёрмадызе ды ловнызе неень шкань эрзянь келень курсонть, методиканть ды сонзэ историянзо. Ледезь 1938-це иень панжиковонь 23-це чистэ.

Сонзэ поладызь ламо учёнойть. Келенть танстенть бажасть миненек невтемс ды максомс Кузьма Абрамов, Дмитрий Надькин, Дмитрий Цыганкин ды ламо лият. Эрзянь келень ванстыцякс свал ульнесть раськень сёрмадыцятне.

Ялгат, те иестэ тештяви 30 иеть «Масторава» вейсэндявксонтень. Сеть васенцетнень ютксо ульнесть Дмитрий Надькин, Евгений Четвергов, Елена Грачёва, Валентин Девяткин, Маризь Кемаль.

Невтеви моронь клип — «Колмо штатолт». Валтнэ Маризь Кемалень, морогайтесь Йовлань Олонь (Ромашкин Олонь).

1-це ветицясь: Кунсолосынек эсензэ Тимофей Надькинэнь, «Масторавань» васенце прявтонть кортамонзо (максови радиосто саезь вальгелезэ)

2-це ветицясь. Эрзянь келень идема Фондонть ламо паро ялганзо лия регионтнесэ. Течи састь миненек инжеть Обран ёнкссто, - те Аношонь Тумай ды Володин Ю.К.(максови тенст Шнамолопат, максыцясь Кшуманцянь Пиргуж). Кемсисемге инжеть сакшность Пензасто ды Бессоновской буестэ.

1-це ветицясь: Тиринь келенть сюпавчиденть кортыть минек раськенть фольклороськак, койтнеяк ды мик викшнезь, суресэ сёрмадозь оршамопеленекак.

2-це ветицясь: Сюпав кельстэ лиснить мазый морот. Секс сонзэ гайтне ды валтнэ шождасто совить оймес.

1-це ветицясь. «Эрзянь Мастор» газетанть ули Сызрань ошонь сёрмадстыцязо – Юркин Иван Алесеевич. Иван Алексеевич чачсь-кассь Кочкуронь буень Семилей велесэ. Те иестэ сон эсензэ пельде кази казнеть: «Масторава» эпосонть ды иень подписка «Эрзянь Мастор» газетанть лангс:

1. Кочкур буень Семилей велень школантень.

2. Эрзянь келень тонавтыцянтень, школасо умок важдицянтень - Зоя Ильинична Казакованень.

3. Ине Отечествань войнань ветеранонтень (Казнесь тусь Пенза ёнксов).

2-це ветицясь. Минек республикасо тиринь кельсэ тонавтницятнень бажамост покшт. Стака кинть изнясы икелев ютыцясь.

Эрьва иестэ ютавтневи тиринь келенть ды литературанть кувалма Олимпиада, кона кармавты школасо тонавтницятнень одс варштамс эсь прянть лангс, онкстамс эсест виест сехте виевтнень ютксо.

Тесэ минь тештясынек вадрясто тонавтницятнень.

(Тонатницятнень лемест ловнодо сы номерсэ).

Мазылгавтызь Эрзянь келень чинть программасост Гангеев Олегень лия ёнов амолиця, пилень кецневтиця дуэтезэ. Парсте морасть «Ламзурь» ды «Толава» морокуротне.



Эрзянь келень чи Сарансо!

ЭРЗЯНЬ КЕЛЕНЬ ИДЕМА ФОНДОНТЬ ОД ПРЯВТОЗО - ЛАРИНА ТАТЬЯНА ИВАНОВНА

Нуянь Видяз - 27-це Лауреат!

Подписка на газету "Эрзянь Мастор"

Раськень Озкс-2019

Эрзянь келень чись Московсо

ЧТО ЗНАЧИТ «ЖИТЬ»?

Этническая территория

ПОСЛЕ V-го АРКТИЧЕСКОГО ФОРУМА  

Протоколы заседаний инициативной группы по созданию общества «Масторава»

День эрзянского языка в Пензе

День эрзянского языка в Кочкуровском районе

Эрзянь келень Чи в Шандрове

Эрзянь келень Чи в Шандрове

Эрзянь келень Чи в Шандрове

«Торама» готовится покорить Пензенскую губернию!

Тундо. Панькина Татьяна



главная новости архив номеров ссылки гостевая книга