На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Марямизь, «Эрзянь Масторонь» ломанть!

Вечкевикс ялгат-оят, эрзят!» Эрзянь Мастор» кулялопась эри мартонок 25-це ие! Сон минек каштанчинэк. Шнадо пря: Россиянь келес истямо газета вейке ды муевсть ломанть, конат 25-це ие, бурятнень-даволтнэнь лангс апак вано, ускить сонзэ нолдамонь стакадояк стака тевтнень.

25 малава иеть лисни, ламонь кувалма, тынк вийсэ, тынк мельсэ, тынк превсэ. Кие целковой, кие кавто, кие кодамояк кедьёнкске ды каи вейсэнь тевентень. Секс «Эрзянь Мастор» - алкукскак раськень, алкукскак «народной» кулялопа. Сюконян тенк паро тевенк кис. Мариндерятадо сялдомат, илядо кунсоло. Вийтнень коряс, кодат минек, сон аволь ансяк вадря, — пек вадря. Ловнынк, невтемань кис, тесэ максовикс Г.Цукерманонь статьянзо («Idel.Реалии», «ЭМ» 22/534 №) ды, кеман, мертядо: «Эрзянь Масторось» - превей, эрявикс, лезэнь максыця газета эрзятненень ды лия раськетненень. Текекс, виевть, арсеме тонавтыцят статьяст: Ёгань Минькань, Альберт Разиннэнь, туссь эрямостонть Мацьказонь Лёфаень, Дригань Толаень ды лиятнень. Сынст ловнат паро мельсэ.

Эрзянь келентень, сонзэ икелечизэнзэ, «ЭМ»-нь максынь колоньгемень иеть. Варчнинь эрьва кодат нарьгамот кода верде, истя алдояк, эсенектнень пельде. Пиземеть, кежей вармат, псить-якшамот… Весень пачка ютынь. Секс монь истя сэредсти седеем: аламот, аламот ловныть парос тердиця, те, алкукскак, Ине кулялопанть. Пицезь пици те мелесь: ломантне мезеяк, ловт, а ловныть ды мель а кирдить витемтемс рунгонть, эскелямс прянь кепедезь. Неян, марян, кода тынь, ломанть, шаштадо аловпандт чоподачинтень. А вана лездамс тенк мейсэяк а лездаван.

Секс оймем а таркасонзо, секс истя тарди-мелявты.

Вечкевикс ялгат, сёрмадстомань коволось прядовома лангсо. Лездадо, пек энялдан – лездадо! Кой-кить ловить питнеекс сёрмадстома питненть. Паряк, истя. Ялатеке, аволь аламонень 400 целковойтне – а ярмакт. Мекс вейке экземпляр а сёрмадстомс ламонь лемс, коллективс? Сарансо ансяк школатнеде ведьгеньде ламо! Кавксоньгеменде ламо эйдень кужот! Вана теть сёрмадстома. Ламодояк ламо эрьва кодат ООО-т, библиотекат, школат, администрацият, ормаменькс кудот, аптекат, судт-прокуратурат, администрацият… Тевесь, лиси, малавгак аволь 400 целковойтнесэ! Малавгак аволь!

Саранонь эрицят! Садо-совадо сёрмадстомо редакцияс (Коммунистическая, 33/3 -527). «Эрзянь Мастор» — индекс П5202, пель иень питнезэ 405 целковойть 78 трёшникть. Эрьва сёрмадстоманть кис максовить питневтеме кавто ковкерькст. Учотано.

Мельвановикс цёрат-ават, одт-сыреть, эрзят, рузыязь эрзят! Паряк, меельцеде тенк пшкадян: ледстямизь ды марямизь, лездадо кувсиця келенк туртов, казиде тень кеняркс, сёрмадстодо «Эрзянь Масторс»!

---

Тынк Нуянь Видяз, «Масторава» вейсэндявксонть пурныцятнеде вейкесь,

Эрзянь келень идема Фондонть теицязо,

«Эрзянь Мастор» кулялопанть икелень редакторозо,

Мордовия Республикань культурань важо

************************

По сведениям Росстата РФ: Мордовия в Приволжском Федеральном округе с 1995 г. в течение 23 лет занимает последние места по рождаемости и заработной плате, первые места по смертности и естественной убыли!!! Её сельское население за этот период уменьшилось на 185,3 тыс.чел. (28,9%)!!!

Господа Волков В.Д., Чибиркин В.В.!

Остановите, в конце концов,в Республике демографическую катастрофу!



Марямизь, «Эрзянь Масторонь» ломанть!

УБИЙСТВО ЯЗЫКОВ, ИЛИ СУИЦИД ИЗ-ЗА НЕЗНАНИЯ РОДНОГО

«Азор» в Саранске!

Гундяевские страдания

ФЕСТИВАЛЬ

Что происходит?

ЭРЗЯНСКИЕ И ТАТАРСКИЕ ТАВЛЫ – СКОЛЬКО ИХ БЫЛО?

Руководство Мордовии призвали публично отчитаться по вопросу сооружения памятника Инязору Пургазу

Аудиокниги на эрзянском языке!

К ИСТОКАМ ЭРЗЯНСКОГО ЭТНОСА

Валморот

Сурвелень свадьба. Надежда Родионова

ЭРЗЯНЬ КЕЛЬСЭ МАРТОТ КОРТАМС. Дригань Толай

Мезесь седе маласо?



главная новости архив номеров ссылки гостевая книга