На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Эрязо раськень чувтось!

Кочкурбуень Вирь ало Тавлань В.И.Ромашкинэнь лемсэ Этнокудонть вакссо ютась покш ды мельстуиця тев. Тесэ кудонть удало пирентень озавтозельть од чувтынеть. Истямо мелесь умок сась превс Этнокудонь прявтонтень, чувто ланга керсицянтень  Пётр Рябовнень.

– Минек Этнокудонтень тедеде таштамковонь 6-це чистэ топодить 13 иеть. Ламот кевкстнить, мекс а путтадо мезеяк. Монськак тень лангсо кувать арсинь. Мекс бу а теемс эрзянь раськень каштанчинь садпире? Минек улить ламо эрзянь ломанть, конатнень покш путовксост эрзянь раськентень, культурантень, келентень, сынст лезэв виест пиезь пии, лаказь лаки. Кадык озавтыть чувтот! Эрьванть карми эсензэ чувтынезэ, косо тешкстазь лемезэ. Те сюпалгавтсы минек экспозициянок, седе ламо макстано информация экскурсияв сыцятненень: кодат улить сёрмадеенек, артыцянок, морыцянок. Чувтынетнень саинек вирьстэ: пичинеть, кузнэть, пекшинеть, килейнеть, пизёлкст, лёмзёркст. Теде башка, паро ломанесь А.Аверьянов макссь тенек кемгавтово чувтот: умарькст ды чевгельть, – кортась Пётр Владимирович.

Васняяк, нама, весемесь ушодовсь аволь покш озкссто. Раськень штатолонть кирвазтизе Тавласо чувтосто керсема школань пурныцясь-панжицясь Н.И.Мастин. Лембе валт пурнавозтненень ёвтасть П.В.Рябов, Р.С.Кемайкина, А.М.Шаронов ды лиятне.

Теде мейле весе мельспаросо сыргасть чувтонь озавтомо. Уш шкадо икеле анокстазельть-чувозельть латкинетне, конатнень вакссо учость чувтынетне. Ускозель ламо ведь. Эрьвантень макссть перчаткат ды койметь. Пек кецявтымизь конёвнетне, косо сёрмадозельть озавтыцятнень лемест. Ней «Эрзянь правдантькак» карми эсензэ килейнезэ.

Чувтынеть озавтсть эрзянь писательтне, журналисттнэ, артыцятне, морыцятне ды киштицятне, библиотекасо важодицятне, общественной вейсэндявкстнэнь ветицятне.

Этнокудось свал дивавты инжетнень мазычисэнзэ, лембечисэнзэ. Зярдо кармить касомо-кепетеме чувтынетне, те таркась седеяк паролгады. Виде-паро этнопарк, кода арсевськак.

Чувтонь озавтомадо мейле весень каванизь сывелень ямдо. Ушосо пидезесь тынсь содатадо кодамо тантей! Кияк эзь капша туеме кудов. Меельцепелев «Мерема» ды Йовлань Олонь лемсэ «Торама» фольклорной ансамблятне серьгедсть эрзянь морот ды эждизь весень седеест.

*****

Татьяна Маторкина

«Эрзянь правда», 15.05.2019



Р а с ь к е н ь О з к с - 2019

ЭРЗЯНЬ КЕЛЕСЬ ГАЙГСЬ МАСТОРОНТЬ КЕЛЕС

Подписка на II полугодие 2019 года

К 1 июня - Дню защиты детей

ПАГУБНАЯ СТРАСТЬ К ПЕРЕМЕНАМ

Чачома Чи марто!

Дипломат, журналист, патриот

Шемышеень басня

Протоколы заседаний инициативной группы по созданию общества «Масторава»

Пазёлго велесэ вастовома

Эрязо раськень чувтось!

ЗОВ ТОРАМЫ - 2019

Зов торамы...



главная новости архив номеров ссылки гостевая книга