На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Протоколы заседаний инициативной группы по созданию общества «Масторава»

2-це № протоколось

89.10.18-це чи

 

«Масторава» ЭМО-нь промкс

(инициативной группась)

Кевкстематне:

1) ванкшномс Уставонть;

2) нац. Театранть коряс студиецтнэнь сёрмаст;

3) лия оргкевстемат.

I. Уставонть коряс.

Надькин. Ялгат, ютазь середасто минь аравтынек течинень теемс Уставонть. Шаронов ялгась арась, Уставонь проектэнть вана путызь монь икелев. Ловносынек (ловнызе весень икеле). Кодат мельть кармить улеме?

Мусалев. Паряк, эряви татарткак обществантень совавтомс? Эрзят, мокшот, рузт лецтневить сестэ мекс татарт арасть?

Брыжинский В.С. Арсян «людоедтнэде» а мезекс Уставсо кортамс.

Надькин. Ёвтни таго мордва лемденть. Исторической источниктнесэ андрофактнэнь сюлмить мордватнень марто. Андрофакттнэ ульнесть ломанде ярсыцят. Нама, те весе эрьва кодамо ученоень мельть-арсемат, кода ульнесь алкукс вете эли седеяк ламо тыщат иеде икеле, кие содасы? Эряви велявтомс алкуксонь леменек. Уставонть одов витнемс, совавтомс «Пургазонь Русь» чарькодеманть. Смустесь улезэ теке, ансяк валакавтомс.

Чакин. Уставс, паряк, а эряви лирикась? Мезекс тозонь ведь валомс?

Надькин. Лирикась эряви. Коське конёвось седей а сыремти.

Савельев. Эмоциональной ёнксось кадома, ансяк витнема. Монь ули альтернативной проектэм Уставонть коряс. Сон а покш (Ловны). Кодат поладовкст кармить улеме?

Арискин. Кода те чарькодемс: ЭМО-нь членэсь а кармавтови важодеме вейсэ. Ули мелезэ – топавты ЭМО-нть мереманзо, арась – а топавты. Чей эрьва организациясо ули кодамояк дисциплина!

Савельев. Демократиясь улезэ аволь керязь. Бути ули ломаненть мелезэ, сон истякак карми виень путомо. Мелень каршо кияк а кармавтома. Демократической централизмась, зярдо седе ламотнень мелест свал ловови видекс, аламотнень – а видекс, несынек, мезес пачтимизь.

Сураев-Королёв. Зярдо карми лисеме ЭМО-нь «Вестникесь»? Кодамо сон карми улеме: «Эрзянь правда» ды «Мокшень правдась» седе виев эли аволь?

Надькин. Сон минек арась. Минь зярс ансяк тешкстатано, мезе-мезе тенст теемс.

Храмов. Кортынь юрист марто. Мерсь: васня юридически сёрмадстомс прянть, мейле весе лия тевтне.

Вдовин. Мон ловнынь зярыя Уставт. Эрьвасонть ули юрист ды экономист.  Уставонтень а совавтома покорямкат. Конёвось улезэ теезь валдо превсэ, корректна.

Кортамось моли эрзятнень ды мокшотнень вельмемадо. Секс а эряви тесэ лецтнемс рузт, татарт ды лият кить. Сынст весемень улить истят нациянь вельмевтемань организацияст. Миненек эряви муемс ды вельмевтемс эсь прянок, лиятне эсь прядост минденек пек мелявтыть. Татартнэнь Казаньсэ  оно кодамо центраст. Сынь ёртыть татар валонть, бажить лемдемс эсь пряст булгарокс.

Те обществась а максы кодаткак прават, сон максы миненек пек покш тевть народонок вельмевтемга. Секс сонензэ улема аволь республиканскоекс, аволь Союзноекс, - сонезэ улема весе мода-масторсо эриця эрзятнень ды мокшотнень центракс. Вана армятнтнэнень лездыть омбо масторсо эритця армятнэ. Паряк, лия масторсо эриця эрзятнеяк, мокшотнеяк миненек кармить лездамо? Монень маряви, кавксть иезэнзэ пурнамс съездт – те ламо.

Анисимов. Пильге лангс стямо шкасто вастневема седе сеетьстэ.

Сураев-Королев. Эрьва вастоманть алтамс кодамояк башка проблемантень. Мерьсынек, ванкшномс «Эрьзянь правда» ды «Мокшень правда» газетатнень. Мекс сынь беряньстэ невтить минек народтнэнь эрямост, мекс печатыть ансяк ТАСС-нь материалт? Кинень истят газеттнэ эрявить?

Национальной театрась. Бути минь а кепедьсынек те проблеманть, национальной театрась ёми, а ули. Устав, монь койсэ, миненек теемс рана.

Надькин. Уставтомо минек кияк а регистрировасамизь. Устав эряви. Эряви кавонест Проекттнэ (Шароновонсесь ды Савельевенсесь) вейсэндямс, саемс кавонест эйстэ весемеде эрявиксэнть ды анокстамс од проект.

Четвергов. Минь истя зярдояк а прядсынек сонзэ тееманзо. Шканть таргсетяно. Эряви седе курок.

Савельев. Валске пурнавомс ды теемс вейке редакция. Анокстамс пшкадема Березиннэнь: кадык «Эрзянь правда» ды «Мокшень правда» печатасызь минек коневтнень.

Вдовин. Неть конёвтне зярс аволь ЭМО-нь. Сынь Инициативной группань. Обществась зярс арась, секс кортнемс сонзэ лемстэ а мезть. Ули Инициативной группа. Пшкадемаськак теема инициативной группанть пельде. Уставонть ды Программанть мейле ванкшносынзе ды кемекстасынзе Покш промксось (съезд, форум).

Надькин. Инициативной группась теи Пшкадема, конанень путови Уставось ды Программась.

Гребенцов. Пшкадеманть алов эрявить лемть. Анонимнойтнень а ванкшныть. Истя, - «Масторава» обществась – сёрмадовкс ало кодамояк лезэ те пшкадемась а канды.

Надькин. Кие сёрмадсы пшкадеманть?

Ёвтазь колмо лемть: Шаронов, Савельев, Гребенцов. Пецясто кандомс.

II. Национальной театранть коряс.

Студиецтнэ сёрмадсть Березиннэнь сёрма. Надькин весень икеле марямга ловнызе.

Вдовин. А чарькодеви, мезе сынь вешить? Кодат вешемаст? Эрявить тешктсамс пунктонь пункт.

Надькин (велявты сёрманть студиецтнэнень). Поладынк. Пецясто кандсынк.

Сураев-Королёв. Эряви сёрмадомс седе патетичнойстэ. Мон лездан.

Брыжинский В.С. Тешкстама: республикантень 60 иеть топодить, национальной театранок те шкас арась.

III. Эрьва чинь важодема планось.

Надькин. Ялгат, ванкшкнома те планоськак. Проектэнть анокстызе Грачева. (проектэсь ловнозь марямга).

Грачева. Минь арсетяно ютавтомс покш семинар КПР-нь (культпросветроботниктнень) туртов, козонь тердевить эрзятне ды мокшотне весе Союзсто. Арсинек пурнамс ноябрясто. Кодат мельть тень коряс?

Сураев-Королёв. Седе паро ютавтомс февральстэ. Январьстэ студенттнэ туить каникулав.

Надькин. Февральс миньгак седе анокстатано. Паряк, Васенце Покш Промксонтькак (съездэнть) сестэ ютавтомс?

Савельев. Те паро идеясь. Сестэ сы вастомасто ушодомс Покш промксонть аноктсамо:

1) кочкамс оргкомитет.

2) седе вадрясто одов теемс робочей планонть.

3) ушодомс организациятнес коневонок пачтнемс. Ветямс агитация.

Четвергов. Планс теемс вастомат депутат марто. Кинь ды кие карми тердеме?

Грачева. Мон тердьса Осиповонь.

Сураев-Королев. Кадык эрьва членэсь саи шефства эрзянь, мокшонь веле ланга.

Алешкин, Брыжинский: Мукшномс эрзятнень ды мокшотнень историяст коряс материалт, пурнамс сынст вейс (книгакс) ды ламолгавтомс. Минек апаронок: народось а содасы историянзо.

Истямо ладсо: 1) одов витнемс-петнемс Уставонь Проектэнть;

2) одов ванкшщномс, поладомс Березиннэнь, студиецтнэнь сёрмаст;

3) одов теемс робочей планось;

4) ушодомс Покш промксонть (съездэнть) анокстамо.

«Масторавань» прявтось Д.Надькин

Сёрмадыцясь Р.Кемайкина

P.S. вастомань омбоце пельксэсь ульнесь алтазь поэзиянтень, музыкантень. Д.Надькин ды Р.Кемайкина ловность эсест стихть, Г.И.Сураев-Королёв ёвтнесь эрзя-мокшонь пентатоникадонть (ламо вайгельсэ морамонь койтнеде).

Инициативной группань

3 № протоколось

89.10.25-це чи

Надькин. 1) Ялгат, течи миненек эрявить ванкшномс педе-пев весе коневтне ды кемекстамс сынст.

2) Ули мель марямс, кие мезе тейсь те недлянть перть.

Эсем пельде пачтян: панжозь эрзянь ды мокшонь кельтнень тонавтнемаст коряс теле-радиофакультет. Эрзянь кель – Надькин Д.Т. Мокшонь кель – Поляков О.Е.

Райгазетатне алтасть печатамо неть уроктнень.

Педиститутсо ютавтовсь партийной промкс. Ульнесть обкомсто Грузнов ды Никитин. Ёвтынек ЭМО-нть теемадо арсеманок. Эзть пшкаде а кисэнзэ, а каршонзо.

Михатов. Минь ветенек (Михатов, Мусалев, Анисимов ды кавто студент) ульнинек «Советской Мордовиясо», кандынек Анисимовонь складявт сёрманть, конань алов путнекшнынек леменек. Вастымизь беряньстэ, мерсть: вансынек печатамс-а печатамс.

Надькин. Кода миненек улемс, ялгат, лия нациянь ломантнень коряс: совавтомс сынст ЭМО-с, арась?

Вельмискин (м). Эряви совавтомс. Кинь ули мелезэ пшкадемс эрзятнень, мокшотнень кис, кадык сови.

Мишанина (м). Сави кортамс сестэ рускс? Сынь а чарькодить эрзякс, мокшокс.

Надькин. Арась, кортамо карматано эсенек кельсэ. Ялатеке пекстнемс кенкштне лия нациятнень туртов а эряви.

Анисимов. Минек весемезэ 22 яволявтомат: 16 эрзят, 6 мокшот.

Теде мейле кортазель Башкирияв делегациянь кучомадо. Арсезель кучомс эрзяткак, мокшоткак. Эрязтнень пельде молить Кемайкина, Седашкин, Плотников. Мокшотнень пельде молеме мель кияк эзь сае.

Национальной театрадонть. Студенттнэ вастневсть Грузнов марто. Явсть тенст вете квартират. Лениснкой РК-нь кудонтень, келя, эряви покш реконструкция.

Вайгельть. Ялатеке эряви вешемс те кудонть.

Грачева ёвтнесь радиос эрзянь спектаклянть сёрмадомадо А.Терешкинэнь «Сурань пакся» ёвксонть коряс.

Мастин пачтясь вирь Тавлань художественной школадо. Тосо аволь ансяк чувтосто налшкеть керсить, тосо кастовить эрзят. Эряви васняяк арсемс эйкакштнеде, сынь минек сы шканок. ЭМО-сь эряви. Кемтяно, лезды минек школанть кепедемантеньгак.

Вельмискин. Эряви арсемс организациянть регистрировамодо. Кие учредителенек?

Уставонть коряс.

Надькин ловнызе од витевкс мартот Уставонть.

Чиняев. Эряви тешкстамс обществанть задачанзо: национальной самосознаниянть кепедемась, народонть юронзо, историянь памятенть вельмевтемась. Тень вельде сон карми лездамо перестройкантень.

Арискин (м). Обществась карми улеме аволь ансяк республикань, секс тешкстама весе союзонь эрзянь ды мокшонь эрямо регионтнэяк соваст тезэнь.

Савельев. Сестэ границянь томбальдеяк арсема. Ды Покш промксось улезэ аволь съезд-форум.

Таго лангс лиссь «мордва» терминэсь.

Абрамов В.К. ёвтни мордватнеде (секень, мезде ламоксть кортазель минек вастоматнесэ, мезде ёвтнесь Надькин). Ансяк сон лови, а эряви потамс мордва лемденть.

Вельмискин. Те а виде: эрявить вельмевтемс эсь леменек.

Надькин. Мордва валось аволь минек.

Савельев. Уставсо сёрмадомс: эрзя-мокшонь организация.

Мишанина. Мекс аволь мокшэрзянь?

Тесэ уставасть пелькстамот, конатнеде мейле теезь истя: эрзятне сёрмадыть эрзя-мокшонь общества, мокшоёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёёётне кадык сёрмадыть эсест ладсо, кода мелест. Но Уставс, весе коневтнес сёрмадомс ЭМО.

Ютавтозь панжадо голосования конёвтнень (уставонь, Программанть, райисполкомс яволявтоманть) кис. Каршо молицят арасельть, кирдевсь вейке – Абрамов В.К.

Истямо ладсо мерезь: 1) 1989 иень октябрянь 25-це чинь промксонть ловомс «Масторава» ЭМО-нть чачома чикс. 2) Надькин, Четвергов, Сураев-Королев, Вдовин, Грачева, Вельмискин таго одс ванносызь эрявикс конёвтнень, анокстасызь ды молить Ленинской райисполкомов кандомост. Коневтнень анокстамо совавтови истя жо Кудаев.

3) Сы серадантень анокстамс арсемат седе келей промксонть туртов, кона ютавтома ноябрянь 26-це чистэ 10 чассто. Арискин кевкстьсы университететэнь гостиноенть (эряви зал), лиятненень арсема чинь повестканть коряс.

4) кода карматано лисеме Сарансконь томбалев?

5) Кода вастомс МАССР-нь 60 иетнень.

Вастоманть прядовомсто одов велявтозь национальной театрадо кевкстемантень. Ловнозь Березиннэнь сёрмась, теезь витевкст: эряви кучомс аволь ансяк Березиннэнь - Совминс председателентень Учайкиннэнь (Чиняев): «ленточкатнеде» зярс кортамс а савкшны, секс сёрмантень а эрявить (Грачева).

Меельцекс кортазель эмблемадонть. Художникень союзонь председателесь Алёшкин мерсь: эряви эрзянь-мокшонь символиканть коряс теемс. Алтась арсемс тень коряс.

Теде башка те промкссонть «Электровыпрямитель» заводонь кочкицянь клубсо пачтямо тейсь Еряшев ялгась.

Вастоманть ветясь Д.Надькин

Сёрмадсь Р.Кемайкина



Эрзянь келень чи Сарансо!

ЭРЗЯНЬ КЕЛЕНЬ ИДЕМА ФОНДОНТЬ ОД ПРЯВТОЗО - ЛАРИНА ТАТЬЯНА ИВАНОВНА

Нуянь Видяз - 27-це Лауреат!

Подписка на газету "Эрзянь Мастор"

Раськень Озкс-2019

Эрзянь келень чись Московсо

ЧТО ЗНАЧИТ «ЖИТЬ»?

Этническая территория

ПОСЛЕ V-го АРКТИЧЕСКОГО ФОРУМА  

Протоколы заседаний инициативной группы по созданию общества «Масторава»

День эрзянского языка в Пензе

День эрзянского языка в Кочкуровском районе

Эрзянь келень Чи в Шандрове

Эрзянь келень Чи в Шандрове

Эрзянь келень Чи в Шандрове

«Торама» готовится покорить Пензенскую губернию!

Тундо. Панькина Татьяна



главная новости архив номеров ссылки гостевая книга