На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


ПРОТОКОЛЫ ЗАСЕДАНИЙ ИНИЦИАТИВНОЙ ГРУППЫ ПО СОЗДАНИЮ ОБЩЕСТВА «МАСТОРАВА»

К 30-летию создания общества «Масторава»

**********************

3 № протокол (Маень 18-це чи)

****

 Ульнесть:

1. Абрамов К.Г.

2. Надькин Д.Т.

3. Цыганкин Д.В.

4.Брыжинский В.С.   

5. Анисимов А.К.

6. Седойкин Л..П.

7. Четвергов Е.В.

8. Петайкин А.И.

9. Кемайкина Р.С.

ды кавто инженерт

Тешкстазель: программань проектэсь аламонь-аламонь тусь кедь ланга.

Цыганкин Д.В.: Мон университетсэ кортнинь ламо эрзя ды мокшо марто. Мелень явицят аламот. Веенст пелить, омбонстнэнень мезеяк а эряви, ансяк састынька, мелявкстомо, ризкстэме эрявольть бу. Лият натой пейдить: ки соды мезть ушолетядо. Монень маряви, тевенек эйстэ мезеяк а лиси.

Четвергов Е.В. Мон ванан, Дмитрий Васильевичень, ёжозо кольсь, а кеми тевезэнек. Улкоть седе кемезь кортнесь.

Кемайкина. Ялгат, кодамояк покш тев сеске а сыргавтови. Тенень эряви шка. Капшить ансяк чичавонь кундсемстэ.

Четвергов. Мейле ушодовить ломантнень оймсема ковост, весе тукшныть, киньгак а пурнат.

Абрамов. Мон а чарькодян, мекс тесэ арасть мокшот.

Четвергов. Мон кортнекшнынь Пинясов марто, мерсь сы, вана арась.

Кемайкина. Девин, маринек, мерсь а карми «Вельмевтемантень» совамо?

Абрамов. Мон кортнинь Девин марто, мерсь, а моли. Ялгат, ялатеке мон арсян истя: эряви кортнемс мокшотнень марто. Сынст мезе, весень арась мелест вельмевтеме? Мон эсень лангс сайса Пинясов марто кортнеманть.

Еряшев (инженер). Минек заводсо комсешка ломанть ловнызь те проектэнть. Кавто ломанть сеске мерсть: те а эряви, колмотне (рузтнэ) мерсть: те национализма, лиятне тейсть истят поладовкст: программанть келейгавтомс экономикань проблемасо, истя жо ванкшномс юридической ёнксонть. Бути минь лоткатано ансяк национальной проблематнень лангс, минек кис пшкадицят улить пек аламо. Неть комстнень ютксо ульнесть эрзяткак, сыньгак мерсть национальной ёнксось пек уш икелев  ливтеви.

Кемайкина. Мезть дивсемс, эрзятне истя кортыть? Минек цють а сизьгемень иеть тонавтсть эсь прянок ломанькс а путомо. Эрзятнень арась национальной самосознанияст, а марить эсь пряст питнеекс. Весе эрямось невтсь: эрзякс улемась берянь, седе паро улемс рузокс. Секс эль ёми народонок. Куловтыть эйсэнек.

Еряшев. Ды физически а куловтыть эно. Русификациясь пек виевстэ моли.

Кемайкина. Те эно мезе, аволь кулома?

Брыжинский В.С. Ялатеке, ялгат, совавтома рузткак. А берянь ули татарткак.

Надькин Д.Т. Ялгат, проектсэнть те весе тешкстазь: «Вельмевтеманть» кенкшензэ панжадот весе нациянь ломантнень туртов, кить эрить Мордовиясо. Кинень малавикст минек меленек-бажамонок, кадык сови.

Абрамов. Нама, минек, национальной интеллигенциянть весемеде пек талновтыть национальной проблематне. Сындест вельть ламо, минденек башка сынст кияк кепедеме а карми.

Еряшев. Рузтнэнь мельс эзь туе, мекс покш мель явови национальной кевкстематненень. Бути программанть седе келейгавтсынек, совавтано экономической ды юридической ёнкст, сестэ, паряк, тевесь лиякстоми.

Надькин. Экономической ды юридической ёнкстнэ программасонть, видеяк, а невтевить. Минек оргкомитетсэнть арась вейкеяк специалист неть проблематнень коряс. Тесэ весе лингвистт ды журналистт, секс неть проблематне кадовсть апак ванкшно. Карминдеряйть улеме экономикань ды юриспруденцинь  коряс специалистт, сынь, нама, совавтомат оргкомитетс, кадык тейсызь программань те пельксэнть.

 Абрамов. Сестэ истя. Картнема мокшотнень марто. Тердемат вейсэнь вастомав. Мейле вансынек, мезе теема. Тень лангс течинь вастоманть прядсынек.

Арсезь: Цетьверькстэ, маень 25-це чистэ, вастовомс тесэ кото чассто. Тердемс мокшот.

 

 ---------------------------------------------

«Масторава» эрзямокшонь обществань промкс

(Инициативной группась)

1№ протоколось.

89/10.11-це чи.

 

Кевкстематне:

1. Обществанть тееманзо коряс мельтне-арсематне.

Кортасть: Е.С.Грачёва пачтясь, келя, вастовтано колмоцеде. Тунда вастневкшнынек, мейле вастоматне сезевкшнесть, ней вана пурнавинек таго. Грачёва ёвтни, кить састь те вастомантень:

Надькин Д.Т. – профессор. Ютазь вастомасо кочказь обществань прявтокс.

Малюков В.с. (э) – пенсионер

Мусалев Г.Д. (э) – математик

Анисимов А.К. (э) – авиациянь подполковник

Первушкина Н.П. (э) – пенсиясо ава

Храмов Н. (э) – артист

Седойкин Л.П. (э) –литератор

Скрипкин Д.П. – композитор

Четвергов Е.В. (э) – агроном, кандидат с/х наук

Кудаев С.П. – институтонь преподаватель

Алёшкин А. – студент

Плотников В. (э) – с/х факультетэнь студент

Бажанова Е.С. (э) – артистка

Макарова М. – артистка национальной театрасто

Пьянзин (м) – университ. типографиясто

Терешкин И. (м) – комсомолонь горкомсто

Чакин А. (э) – артист нац. театрасто

Беляйкин В. – артист нац. театрасто

Ермошкина  - артист нац. театрасто

 

Надькин Д.Т. – организациянь тевтнень коряс: Уставсо а эряви лирикась. Тесэ эряви невтемс структурась, кодат секцият, филиалт, кодамо карми улеме весемеде покш  органось, кодат конференцият кармить улеме, кодат сюлмавомат структурань верце ды алце лавцятнень ютксо, кодамо фондось, счётось – тенень улема Уставсо. Неень Уставонь проектэсь лавшо. Сон одов ваннома, теема-сёрмадома. Максомс А.М.Шароновнень.

Савельев Б.П. (э). Программанть коряс. Теезь превейстэ. Уликс эсь витевкстнэнь Савельев ловнынзе. Сынь совавтомат Программантень.

Кемайкина Р.С. Обществась эряви лемдямс аволь «мордовскойкс». Саты кантнемс те сёвнома валонть. Лемдема - обществакс эли эрзямокшонь общественной центракс. Аволь МОЦ —ЭМОЦ.

Надькин Д.Т. Ёвтнизе, косто саевсь мордва валось. Эрзятне, мокшотне а ловить эсь пряст «мордвакс», секс эряви велявтомс эсь леменек. ЭМОЦ карми улеме вадря.

Савельев Б.П. Национальной театрань коряс: арась сцена, а косо важодемс тедеде сазь студентнэнень. Паряк, программасонть тешкстамс: эряви вешемс театранть туртов эрявикс кудо.

Четвергов Е.В. Монень маряви, Программась а эряви пештямс истямо вишка детальсэ. Тов совавтомат покш кевкстемат, седе вишинькатне – эрьва чинь топавтомань программас (робочей программа). Театрань кудонть коряс эряви сёрмадомс сёрма Березиннэнь, сы середасто ванномс сонзэ, мейле кучомс.

Сёрманть мерезь анокстамс Чакин Сашанень.

Анисимов А.К. Явши яволявтомат обществантень совамга.

Марявсть вайгельть, кода ветямс конёвтне? Ней сынь весе сёрмадозь рузонь кельсэ. Содазь,  сынь теемат эрзянь ды мокшонь кельсэ. Программась максозь ютавтомс эрзякс Седойкиннэнь, яволявтомась – Кемайкинанень.

Грачева Е.С. Эряви анокстамс программанть, Уставонть, мейле анокстамс телепередачат, радиопередачат, газетатне тевс нолдамс. Газетатнес макснемс информацият: сестэ-сестэ ютавтови вастома истямо темань коряс, тердевить весе,  кинь ули мелезэ.

Терёшкин Игорь (м). Минек обществанть  васняяк эряви регистрировамс. Арсемс сонзэ структуранзо. Чаво кортнематне мезеяк а максыть. Арсян, эряви саемс КПСС-нь структуранть: ячейка перв. организации, райораниз. респ-ая.

Кемайкина Р.С. Кавто яволявтомат. Эрявить кучомс ломанть Уфав ды Йошкар-Олав. Башкириясо тешкстави маринь ды чуважонь обществанть 70 иетне, тердить  тов эрзят. Башкириясо эрить ламо эрзят, ансяк сынь семс яла удыть. Йошкар-Оласо комсомольской обкомось ютавты вастома национальной проблематнень коряс.

Надькин Д.Т. Марив кучома од ломанть. Паро вана национальной театрастонок. Уфав кортавтома Борисов А.Г., Люлякина С.М. ды Кемайкина Р.С.

Чакин А. Минь молевлинек мельспаросо. Ансяк а содатано, кода прявтнэ нолдасамизь-арась. Эряви кортнемс. Мейле пачтятано.

Истямо ладсо: 1) Уставонть саизь одс ванкшномс ды теемс Шаронов, Савельев, Терешкин, Алешкин.

2) Программанть эрзякс ютавты Седойкин.

3) Национальной театранть коряс сёрма тешксты Чакин А.

4) Анокстамс эрьва чинь важодемань план (робочей план) – Грачева.

5) Анисимов ушодсь пурнамо ярмакт (Фонд).

 

Сы вастовоманть ютавтомс сы середасто (октябрянь 18-це чистэ). Кортамс: финанстнэде, Уставдо, программадо. Эряви пурнамс писательтнень, журналистнэнь.

 

«Масторавань» прявтось Д.Надькин

Сёрмадыцясь Р.Кемайкина



Чадыковонь 16-це чись - Эрзянь келень Чи!

13 июля 2019 года в селе Чукалы Большеигнатовского района Республики Мордовия состоится Р а с ь к е н ь О з к с

«Биография» дня эрзянского языка

А.П.Рябову - 125 лет!

От съезда к съезду

У народа Эрзя есть будущее!

Нужна ли такая мода?

ПРОТОКОЛЫ ЗАСЕДАНИЙ ИНИЦИАТИВНОЙ ГРУППЫ ПО СОЗДАНИЮ ОБЩЕСТВА «МАСТОРАВА»

ФАЛУНЬГУН В КИТАЕ И В МИРЕ

Почти реквием. Нуянь Видяз о своём 85-летии и не только

Школьный Освенцим

Программа Kindred Peoples объявляет конкурс на премию Air Tree Award



главная новости архив номеров ссылки гостевая книга