На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


КРИТИКАНЬ «ВЕЧКИЦЯ» ВЕРЬГИЗ. Иван Шумилкин

Басня

***

Верьгизэсь — фермань прявтось — яла свал

Кортнесь реветнень туртов: «Ялгат!

Содадо: критикась — эрямонь сал.

Сокадо сонзэ эйсэ седе алга

Апак пеле ды эрьва зярдо.

Косо ули сон — тевтне молить ардозь».

Ды вана вейке промксонь шкасто

Ревесь, кона икеле

Валгак эзь ёвтне, эрясь пелезь,

Стясь эсензэ таркасто

Ды мерсь: «Кортнекшни яла тенек

Верьгизэнек,

Свал, келя, критикась вети эйсэнек

Икелев,

Секс мон ёвтаса эсень мелем

Минек прявтонть аволь мазы койдензэ

Сельмес тензэ.—

Верьгизэнть кальцк пеензэ.—

А вейке ие уш фермасо эрян,

Ламо неинь прявтнэде превейть, чавот,

Ансяк неенсенть кондят, витьстэ мерян,

Неемс эзь саво.

Неень прявтонок,

Мезе мелезэ, сень теи мартонок.

Сон мезекскак а лови минек эйсэ.

Мартонок а кортнекшни вейсэ

Фермань тевтнеде,—

Эсень, келя, превтне тынк коряс ламо седе.

Пшкадят каршонзо вал — сусктанзат нейке

Ды поваськак эйстэнек уш а вейке...

Те зярс карми улеме, кевкстемс сави?

Монь койсэ, тенень пе путомс эряви!»—

«Умок эряволь бу!»— весе реветне серьгедсть.

Верьгизэнть сельмстэ толт мик верьгедсть.

Кунсолось ды чикордсь пейсэнзэ,

Раужо кежтне лакасть седейсэнзэ...

Се промксстонть мейле лиссь истямо тевесь:

Ёмась фермасто Ревесь.

Лият се шкас вечкить критиканть эйсэ,

Зярс сон а сусксынзе пшти пейсэ.



Раськень Озкс-2019

Эйзюрковонь 8-це чись - Тейтерь-авань Чи!

21 ФЕВРАЛЯ - МЕЖДУНАРОДНЫЙ ДЕНЬ РОДНОГО ЯЗЫКА

НКА – удавка на шее коренных народов России?!

Я СДЕЛАЛ ОТКРЫТИЕ

Почему на вывесках в российских городах чёрт язык сломает?

В сыктывкарских автобусах начали объявлять остановки на коми языке

СЕРДЦЕ  ЭРЗЯНЬ МАСТОР

Парадокс

Од путовкс!

АПАК КАВТОЛДО КАВТОЛДОЗЬ. Ёвтнема. Дригань Толай

Международный день родного языка в Кочкуровском районе РМ

КРИТИКАНЬ «ВЕЧКИЦЯ» ВЕРЬГИЗ. Иван Шумилкин

Валмеревкст



главная новости архив номеров ссылки гостевая книга