На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Сакшность озномань койтнень тонавтнеме

2018 иень Велень Озксонтень минек Игнатбуев сакшность инжекс  Алтай ёнксонь Залесовской буень Борисово велень эрицят: Валерий Фёдорович Надёжкин (сон Борис велень администрациянь прявт), Ольга Ивановна Надёжкина ды Татьяна Ивановна Авдошкина.  Сынь вестькак икеле арасельть Эрзянь Масторсо, Мордовисо.  Интернет вельде марсесть минек буесэ Чукало велесэ  ды Ташто Кшуманцясо ютавтовикс озкстнэде. Мелест ульнесь ванномс ды тонавтнемс озномань коень  ютавтомань ды теемань тевентень. 

Кода лиссь-топавтовсь неть ломантнень  мелест истя васолдо самось? Сындест информациянть муизь интернетстэ минек буень культурань прявтнэ.

 «Алтайская краевая общественная организация по сохранению мордовской культуры «Эрзянь мастор» - истямо лем ало вейсэндявксось теезель 2015 иень  якшамковонь 27 чистэ. Сон  официальна регистрировазь. Вейсэндявксось бажи содамс ды ванстомс весементь, мезе ули сынст раськетнеде, удокстнэде. Ютавтыть покш важодема тень кувалма.  2016 иестэнть сынь ютавтсть «Эрзянь коень-кирдань вельмема» раськень культурань 1 фестиваль. Сон пурназель-ютавтозель  Алтайской краень губернаторонть лезкс вельде.  

2017 иестэнть ютавтызь  «Вастома ялгат»  национальной культурань  2 фестиваленть. Сонзэ ютавтомс лездась  А.С.Прокопьевень социальной поддержкань фондось.

Александр Сергеевич Прокопьев  -  Алтайской краенть пельде Российской Федерациянь Федеральной собраниянь  Государственной думань Депутат. Сон лездаськак самс миненек  васоло инжетненень Мордовияв. Интрнетсэ «Одноклассник» сайтсэнть сынст ули «ЭРЗЯНЬ МАСТОР» курост, косо сынь ёвтнить ды невтнинть эсь тевест.

Минек Покш Игнат буень прявтонокак теизь весементь, мезе эрявсь инжетненень сынст тонавтнема тевсэст.  Монь путокшнымизь сынест лездыцякс-мелявтыцякс (кураторокс).

Инженек аволь ансяк ванызь Велень Озксонь коенть, кона ютавтозель Покш Игнатвелесэ. Сынь ванкшнызь весе материалтнэнь, конат пурназь минек библиотекасо ды музейсэнек тень кувалма, сайсть, мезе тенст эряви. Минь ардтнинек Раськень Озксонь паксянтеньгак. Ваннынек «Раськень Озкс – 2004» невтеманть. Паро мельсэ вастневсть инженек велень эрицянок марто, ваннызь, кода эрить тесэнь эрзятне. Валерий  ды Ольга парсте кортыть эрзякс. Монень шожда ульнесь сынст марто важодемс.  Валентина Васильевна Нетяевань пельде инженек сёрмадсть лайшемат, свахань морот  ды урнемат. Ташто Чамзасо инжетне невтсть мако марто капстань прякинень пидемань-панемань  мастер класс. Истямо ярсамопелесь ловови, келя, Борисвелень «визитной карточкакс». Алтай ёнксось ловови  медень саицянь таркакс. Ульнесть инженек минек буень нешкепиресэяк.

Инжетнень марто минь ютынек весе Игнатбуень содавикс таркатнень, ульнинек Болдинасояк ды Саран ошсояк. Минь теевинек мартост паро ялгакс.Нейгак сёрмалетяно вейке вейкенек туртов интернетсэ, гайневтнетяно телефонсояк. Кизна сынь таго ютавтыть «Вастома ялгат»  фестиваленть ды пек тердсть минек самс тенст инжекс.

Арсян, валсолдонь инженек кадовсть самодост покш мельспаросо.

Антонина Болькина — Покш Игнатбуень библиотекань прявт.



Од ие марто, мельвановикс ловныцят!

А я еду, а я еду  в «Эрзянь Мастор»!

Раськень Озкс-2019

С Новым годом, друзья!

Детский сад- благо или зло?

Татары запустили детский телеканал на родном языке

Установить памятник родному языку предложили в Татарстане

Руководство Мордовии призвали публично отчитаться по вопросу сооружения памятника Инязору Пургазу

Кода тынь арсетядо?

ИСТОРИЧЕСКИЕ РЕАЛИИ

Мордовский шлагбаум...

Эрзятненень арсемазост….

Поздравляем Виталия Картышкина!

Впервые фестиваль «Стихия Авторская» представила сольный концерт!

«Азор» - первый полнометражный художественный фильм в истории Мордовии продолжает путешествие:

Сакшность озномань койтнень тонавтнеме

Новый год. Салтанонь Видяз



главная новости архив номеров ссылки гостевая книга