На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Сурвелень свадьба. Надежда Родионова

Поладкс. Ушодксось «ЭМ»-нь 524-533-це № №

******

Раськень койть

************************************

Кекшема кудо.

Кудосо моли лашт. Самай те шкастонть одирьвась салава лиси цюлансто, ялганзо марто (3-5 тейтерть) туить кекшема кудов (те сеедьстэ эрси шабрань кудо), сонсь ушова ютамсто урни:

Монь туемеде ней мейле,

Монь лисемеде мееле,

Ох, Верепаз-корьмакай,

Сэнь пельнеть тон таргик,

Толонь пиземеть нолдыка…

Сэрень сулеем валика:

Илязан муев ногайнень,

Илязан муев башкирнэнь.

Пелест ялгатне туить мартонзо, пелест кадовить теске, кудонтень, кармить гулюшань учомо. Свахадо башка, кудатне озыть таркаваст. Свахась моры, сонсь веши гулюшанть эйсэ.

Симема-ярсамо шкастонть кудатнень мельс леди одирьвась.

Косо сэрей умиринанок,

Косо тешкстазь чувтонок?

Гулюшанть кирдезь, весень эйсэ свахась терди одирьвань вешнеме:

Свахась, уредевесь ды од содамось зярыя тейтерь марто сыргить одирьвань вешнеме. Уредевесь саи вина, кудатне – брага, свахась – гулюша марто сюкоронть, сонсь молемстэ моры:

Ох, кудан, кудан-ягудан,

Монсь покш полянань малинань,

Ужодо варштан сэренк кувалма,

Кода школязь тынк рунгтнэ,

Тынь суконнойсэ оршниде,

Лаковойсэ карсниде,

Нижегородской шляпат путыде.

Кудатне совить кекшема кудонтень. Тесэнь икельце уголсо ашти столешниксэ вельтязь столь. Сонзэ куншкасо – шумбракши, салдырькс, кирвазтезь штатол. Икельце уголсонть озадо – одирьвась ды кавто ялганзо. Весе оршазь вейкетьстэ. Фатасткак вейкеть. Нама, одирьванть а шожда содамс.

Пеедькшнезь-моразь сови свахась. Каванямкатнень вачкасынзе столь лангс. Тов истя жо путы сиянь суркс ды пижень ярмак. Уредевесь путсы вина суликанть. Свахась ушоды моро:

Тейтерть-бояравинеть,

Надо варчинк, варчинка,

Ош-калаця гулюшам,

Седей витий монь прякам,

Пеште товонь сюкором…

Кудатне гулюшанть лангс путыть сиянь ярмакт (10-15 трёшникть), лоткить пелькстамодо. Ялатеке столь экшс а озавтсызь. Сыненст эряви содамс, кона одирьвась. Тень топавтома-теема женихентень. Сон моли столенть малас ды невти кедьсэнзэ тейтертнень эйстэ вейкенть лангс. Тона кепедьсы фатанть, ды цёрась чарькоди: те аволь вечкевиксэзэ. Тень кис женихесь каи конёвонь ярмак. Мейле невти фатасо вельтязь лия тейтеренть лангс. Таго маняви. Весе згилить-ракить. Окойники одирьвась муеви, женихесь озы сонзэ ваксс. Пижнить: «Содавсь, содавсь, содавсь!»

Тейтерь-аватне уредевентень казить пижень суркс. Уредевесь сынст тердьсынзе гулюшань варчамо. Лутасы кувонть, венстясы тейтертненень. Тонатне путыть лангозонзо суркс ды макссызь свахантень. Свахась сурксонть тапарясы лукшо кувосонть ды путсы мештензэ потс (сонензэ тень кандома содамонь кудонтень).

Лукшонь печксемстэ тейтертне терявтнить ноцковтомс уредевенть кедьстэ пееленть, кисэнзэ ярмаконь вешемга. Лукшонть керсемстэ уредевесь сацтни шканть. Сон секе тев лоткси лукшонть керсемстэ, сонсь корты: «Ношкалгадсь пеелем, эряви човамс.» Неть пеедькшнематнень каршо кияк эйстэст канды тензэ вина цярка: «На, човик!»

Уредевесь симсы. Пейдемань кис истя теить зярыяксть.

Керсезь гулюшанть ды сюкоротнень тейтертне шаштсызь малазост. Сынсь ярсыть ды шныть ярсамопеленть. Мейле лисить ушов, косо эйсэст учить кильдезь лишметь. Туить велева ардтнеме. Весе веленть ютасызь. Тейтертне морыть:

Вирьга юты Машура,

А мельганзо – од цёра.

Ужо, Машур, учомак.

- Учовлитинь, од цёра,

Од алашась а ашти, –

Ветицязо вишкине,

Куш вишкине – ёжовне …

Вана лишметне велявтсть тейтеренть кудонзо икелев, косо свадьбась весёлгали. Одирьвань ускицятнень озавтнесызь столь экшка. Ней пряст невтизь урьваля аватнеяк (а умок мирденень лисезтне). Кирьгасост нардамот. Эрьва куданть карксасызь нардамосо. Тейтертне морыть шнамонь морот:

А урьвань саи сватонок,

А урьвань вешни сватонок!

Казне казтяно шолковой,

А каршонзо – целковой.

Теке моросонть пшкадить уредевентень, покш кудантень, свахантень…

Казнетнень саемадост мейле кудатне, од содамось ды одирьвась стить столь экшстэ. Покш кудась сайсы од содамонть, тона – одирьванть, колмоксть ютыть столенть перька.

--------------------

Поладксось сы номерсэ.



Марямизь, «Эрзянь Масторонь» ломанть!

УБИЙСТВО ЯЗЫКОВ, ИЛИ СУИЦИД ИЗ-ЗА НЕЗНАНИЯ РОДНОГО

«Азор» в Саранске!

Гундяевские страдания

ФЕСТИВАЛЬ

Что происходит?

ЭРЗЯНСКИЕ И ТАТАРСКИЕ ТАВЛЫ – СКОЛЬКО ИХ БЫЛО?

Руководство Мордовии призвали публично отчитаться по вопросу сооружения памятника Инязору Пургазу

Аудиокниги на эрзянском языке!

К ИСТОКАМ ЭРЗЯНСКОГО ЭТНОСА

Валморот

Сурвелень свадьба. Надежда Родионова

ЭРЗЯНЬ КЕЛЬСЭ МАРТОТ КОРТАМС. Дригань Толай

Мезесь седе маласо?



главная новости архив номеров ссылки гостевая книга