На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Сурвелень свадьба. Надежда Родионова

Поладкс. Ушодксось «ЭМ»-нь 524-529-це № №

Раськень койть

------------------------

Од содамонть кудонзо ванномась.

----

Свадьбадо икеле одирьванть малавикс роднятне сыть женихенть кудос улипаронзо, кудонзо-чинзэ, кардазонзо ванномо.

Кудо вакссо сынст вастсынзе сы шкань атявтось:

Ох, роднят састь улипаронь ванномо,

Паро роднякс ловомо…

Совадо, роднят, совадо!

Инжетне ды сватось совить кардазов, невтнесы тенст кудонзо-кардазонзо, банянзо, латонзо, утомонзо, нешкензэ (бути улить). Мейле тердьсынзе столь экшес истямо тердема марто:

Вай, озадо, озадо,

Сватонок таргазь

Столь экшес,

Ламо запас теинек,

Ули мейсэ каванямс,

Ули мейсэ чествовамс.

Сватонок тейсь варения,

Сватонок тейсь парь брага…

Женихенть кудосто туемстэ инжетне сюконить кудазортнэнень:

Вай, кудынем, боярнэм,

Вай, сваха, бояравине,

Пасиба кшизэнк-салозонк,

Пасиба паро валозонк.

Сралить кудова.

 -----------

Горобиянь (парень) ускома.

***

Зярдо свадьбантень улить анокт, од содамонть ёндо сыть ветешка цёрат. Мартост ускить горобия, шумбракши ды зярояк пижень ярмакт. Ускицятнень каванясызь. Одирьвась мартост максы паргине, козонь женихенть туртов путы панар. Инжетне сюконить каванямонть кис ды туить.

 -------------

Кашас ёвтнема.

***

Вана састь тетянь-авань кудосо одирьванть эрямонь меельце чинзэ. Вечкевикс ялганзо эли сазоронзо наряжасызь сонзэ, ды весе туить кашас  ёвтнеме. Ютасызь весе веленть, роднятнень-раськетнень, ёвтыть тенст   кашадо ярсамодо ды свадьбань читнеде:

Моледе Марюшань кашас.

Садо Марюшань эрьгес.

Садо сыре бабань пес,

Садо пенчень кирдицянь пес.

Меельцекс совить женихень кудонтень. Тосо уш учить эйсэст. Озавтсызь столь экшс, симдьсызь-каванясызь. Мейле женихесь кильди алаша, инжетнень усксынзе одирьвань кудос. Чопоти.

Наряжазь одирьвась лиси женихенть каршо, кедьсэнзэ кирди брага кече ды викшнезь нардамо. Лотки икелензэ, венстясы кеченть, цёранть кирьгава каясы нардамонть. Тона казьсы ярмаксо (2-3 целковойть). Мейле кавонест озыть рядсек столь экшс. Морамот-киштемат, пеедькшнемат.

----------

Кашадо ярсамо.

***

Одирьвань кудо. Валске. Сыть кашас тердезь роднятне. Эрьвась канды каша чакш, брага ведра, сюкорот ды лия ярсамопель. Одирьванть ды оянзо икеле – горобия эли парь, конань тей усксызь женихенть кедьстэ. Кашанть каясызь. Тейтертне одирьванть марто совить каштомикелев, мейле стить столенть пев, меельцекс – одирьванть ваксс велявтыть.

Одирьванть кедензэ трокс каязь нардамо. Каша ваканонь кандыцясь аварькшни:

Вай, пецька-бояравинем,

Вай, пецькань азоравинем,

Вай, пиди-пани ялгинем,

Вай, стряпаиця оинем,

Васолдо ванозь – лов пандат,

Маласто ванозь – пор пандат.

Качамот нолдыка верьга,

А псинеть нолдыка алга.

Ужо велявтан-чаравтан

Эсень пиже дуганть икелев.

Вай, пиже дугай, Марюша,

Вай, пиже дугай, сазорнэм,

Тон тундонь цёковкс цёкордат,

Сёксень нармушкакс чоледят.

Мон течинь чине, Марюшкай,

Уш рана валскестэ саезь

Вачо пекедеть мелявтан.

Секс тантей каша теть пидинь.

Марюш, саикая тон пенчеть,

Амольдяк, Марюш, кашине,

Мазый кургот келес панжика,

Тантей кашадонть амольдяк –

Ятонь семиянтень молемс

Пурнак вийть тон, шумбрачи пурнак.

Горобиянть лангсо весе кармить кашадо ярсамо. Зяро вакант сэвить кашадонть, зняро парентень эли кудоматкантень порсо тейнить тешкст. Тень коряс кудатне ды урьвакстыцясь чарькодьсызь: истянь зяро свадьбасо кармить одирьванть пельде роднятнеде. Мейле одирьвась мери: «Кадык а мезень теемеде содамось ловносынзе чакштнэнь. Соды, кодамо покш роднянок».

************

Поладксось сы номерсэ.



Чачома чи марто, эрзят!

Подписка на I полугодие 2019 г.

Акция «Штатол» («Свеча»)

После этого «Единый мордовский»?

И снова ложь...

«Раньше я и не знал, что есть книги на эрзянском языке»

«ЭРЗЯНЬ  ПОЭЗИЯСЬ» В МУЗЕЕ

Тихвинская ярмарка

Виктор Живаевень Чачома чистэнзэ 90 иетненень

Арсеман, монь арсеман... Нуянь Видяз

ВИДЬКСТАМО. Людмила Рябова

Сурвелень свадьба. Надежда Родионова



главная новости архив номеров ссылки гостевая книга