На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


ВИДЬКСТАМО. Людмила Рябова

Паряк, эрязь, теинь ильведькст ламо,

Покордамонь валт оймезэть ёртынь.

Паряк, эзинь машто мон марямо,

Кунсоломань таркас — ансяк кортынь.

 

Паряк, эзинь машто чарькодеме:

Неинь аволь сень, мезе эряволь...

Мон а маштан эрямо тонтеметь!

Мон тонтеметь — менель, кона чаво.

 

Мон тонтеметь — тол, кона а эжди,

Ведь, кона а явавтсы симемат.

Мон тонтеметь — седейтеме меште:

А талнома эйсэнь, а кемема.

 

Мон тонтеметь — седейтеме меште...

Ансяк тон эрямом смустте пештик.

***

Лексян састо, илязатан пувта.

Зярдо туян, тон илямак стувто.

Зярдо туян, кудот иляк кадо.

Лия муят, сови тезэнь кадык.

Зярдо туян, тон иля аварде

Ды лиятанть вакссо иля тарде.

Лексек састо, сонзэ иляк пувта.

Бути туян, тон илямак стувто.

***

Илямак чумондо, эрямом — ансяк тон.

Илямак чумондо, тонтеметь а лексеван,

Тонтеметь теке пондонь канст кедьпеван.

Ансяк а кандан кеняркс тонеть мон.

Бути а кандан кеняркс тонеть мон,

Сестэ монь марто стакадояк стака

Ды кельме гуекс вакссон весь кувака...

А содангак, кода цидярдат тон.

Илямак чумондо, а туян эйстэть мон,

А муян вий эсь прям лиясто вешнемс

Ды таго бажан лексемасот эжнемс,

Ды янксян, мекс а эждеват тень тон.

***

Бути аволить уле эрямосон,

Паряк, аволь кирвазне тол кудосон,

Паряк, чоподат свал улевельть вальман,

Аштевлинь вакссост ськамон, теке палмань.

Бути аволить уле эрямосон,

Паряк, улевель якшамо кудосон,

Паряк, монень а кинь улевель эждемс,

А кинь кутмордамс ды а кинь эйс неждемс.

Бути аволить уле эрямосон,

Паряк, аволинь сода, кудом косо.



Чачома чи марто, эрзят!

Подписка на I полугодие 2019 г.

Акция «Штатол» («Свеча»)

После этого «Единый мордовский»?

И снова ложь...

«Раньше я и не знал, что есть книги на эрзянском языке»

«ЭРЗЯНЬ  ПОЭЗИЯСЬ» В МУЗЕЕ

Тихвинская ярмарка

Виктор Живаевень Чачома чистэнзэ 90 иетненень

Арсеман, монь арсеман... Нуянь Видяз

ВИДЬКСТАМО. Людмила Рябова

Сурвелень свадьба. Надежда Родионова



главная новости архив номеров ссылки гостевая книга