На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Виктор Живаевень Чачома чистэнзэ 90 иетненень

Таштамковонь 17-це чистэ  топодевельть бу 90 иеть РСФСР-энь ды МАССР-энь культурань заслуженной важодицянтень, актёронтень, журналистэнтень Виктор Михайлович Живаевнень.

Эрямонзо перть ламо вийть путсь тиринь культурань ванстомантень ды кастомантень. Важодсь артёрокс, журналистэкс, свал бажась кепедемс эсь раськензэ. Вейке цёра вейксэ сазортнэнь ютксо. Виктор —  Живаевтнень кудораськесэ ульнесь колмоце эйкакшокс. Биографиянзо ванномсто сеске каяты сельмс — свал ломань ютксоль, а виздиль кортамо вечкема эрзянь кельсэ. А сазортнэнь вечкилинзе тетянь вечкемасо. Те вечкеманть кандызе эрямонь перть.

1946-це иестэ туи тонавтнеме Москов ошов, ГИТИСэнь эрзянь ды мокшонь раськень студияв, конань прядомадо мейле велявты важодеме Саранов. Кото иень перть Мордовиянь театрань вечкицятне неить сонзэ драмань театрань истят постановкатнесэ, кода Островскиень «Воспитанница», Шишковонь «Угрюм-река», Лопе де Вегань «Девушка с кувшином» ды лиясо. Василий  Брыжинский Виктор  Живаевень марто теевсь содавиксэкс школасо тонавтнемстэ. Виктор Живаевень эрямозо свал сюлмазель шкинеманть марто.

Театрадо мейле сонзэ путсызь  Республикань шкинемань кудонь прявтокс, косо колмо иень важодемань перть лангс ливтсь зярыя содавикс морыцят, пурнась ламо коллективть. Те сонзэ пингстэ эрзянь ды мокшонь викшневкстнэнь кармасть кучнеме омбо масторонь невтематнес. Ютазь пингень кодгеменце иетнестэ Мордовиянь Гостелерадиокомпаниянь телестудиясо путозь спектаклятнень вечкилизь весе. Ютасть сынь виде эфирсэ, налксицятне театрань актерт, сёрмадыцят, журналистт. Истя Виктор Живаев кармась Мордовиянь телеспектаклянь эрямолувс совавтыцякс. Гостелерадиокомпаниянь Фондсо ванстовсь Виктор Живаевень «Родные напевы» фильмась. Журналистикасо кись поладови седе товгак: малав комсь иень перть ульнесь   СССР-энь Гостелерадиосо Мордовиянть пельде собкорокс.

Пенсияс лисемадо мейлеяк Виктор Михайловичень вайгелезэ сеедьстэ гайгсь радионь толкунтнэсэ.

www.mordoviatv.ru



Чачома чи марто, эрзят!

Подписка на I полугодие 2019 г.

Акция «Штатол» («Свеча»)

После этого «Единый мордовский»?

И снова ложь...

«Раньше я и не знал, что есть книги на эрзянском языке»

«ЭРЗЯНЬ  ПОЭЗИЯСЬ» В МУЗЕЕ

Тихвинская ярмарка

Виктор Живаевень Чачома чистэнзэ 90 иетненень

Арсеман, монь арсеман... Нуянь Видяз

ВИДЬКСТАМО. Людмила Рябова

Сурвелень свадьба. Надежда Родионова



главная новости архив номеров ссылки гостевая книга