На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Сурвелень свадьба. Надежда Родионова

Поладкс. Ушодксось «ЭМ»-нь 524-527-це № №

Раськень койть

*************************

ЧОКШНЕЛАНГОНЬ АВАРЬКШНЕМАТ.

Одирьвань кудонтень аварькшнеме пурнавить тейтерь-аватне. Одирьвась урни вальма эземсэ, алонзо тодов. Кедьсэнзэ кирди коцтонь паця (лажамо коцт), конаньсэ секе тев нардтни сельведензэ. Те шкастонть оянзо викшнить, кодыть, стыть – анокстыть казнеть.

Одирьвась урни сорнозь вайгельсэ:

Мень седейризкс саимим,

Мень седеймаштыкс теимим?

Кевкс кевензась седеем,

Повкс поводевсть сельведнем.

Бути мон эрьгединь, -

Лужадозян урексчис,

Бути мон пек кецинь –

Лондадозан вардоксчис!..

Урнемадо мейле одирьвась сти-ары вейке ялганть икелев, лавтовонзо лангс путсынзе кедензэ, энялды лездамс тензэ урнеме:

Вечкеминем-ялгинем,

Кельгеминем-оинем,

Поладыка вайгельнем,

Ледститяя, ялгинем,

Амуевикст монь валом.

Марясак, марясак, ялгинем,

Кода ёмси монь ёнось,

Кода маштнить монь превтне.

Ялгась кедензэ путсынзе одирьванть лавтов лангс, авардезеви:

Кода поладса, ялгинем,

Москов-баяга вайгельнеть?

Кода ледстясынь, оинем,

Амуевикс валынеть?

А маштан, ялгай, а маштан

Тонь вайгелеть поладомо,

Тонь валынеть муеме…

Одирьвась сти мирде экшсэ ава икелев, истямокс эрси уряжозо, лавтовонзо лангс путсынзе кедензэ, урнезеви:

Сакая, уряжкай, сакая,

Сакая, авакай, сакая,

Ёвтника, уряжкай, ёвтника,

Кодамо сон урексчись,

Кодамо сон вардоксчись?..

Ёвтника, урькай, ёвтника,

Ломань тетясь кодамо?

Ёвтника, авкай, ёвтника,

Ломань авась кодамо?

Мирдень кедьсэ авась эли уряжось:

Ёвтнеса, дугай, ёвтнеса,

Кодамо сон, урексчись,

Ёвтнеса, оям, ёвтнеса,

Кодамо сон вардоксчись.

Ве ёндо сон ваномсто

Пси кизэ чинь кондямо,

Мазычинь сон кондямо.

Малазонзо пачкодят, -

Эйзэнзэ эшкезеват,

Кшнинь подковась подковатанзат,

Кев пандова кузтянзат.

Одирьвась озы эсензэ таркас, урни седе тов. Аварькшнеманзо прядсы, сти ды мери:

Ух, адядо, ялган, адядо

Пиже лугава якамо,

Вай, баляга цецянь кочкамо.

Кенерькскетнень кочкасынек,

Пижинетнень кадсынек.

Мельганок касыть, оинень,

Пижеть, мазыйит дуганок.

Ялганзо ильтямсто энялды ськамонзо а кадномадо:

Ох, ялгинем, а Оря,

Вай, дугинем, а Оря,

Монь туемеде ней мейле,

Уш явомадон мейле

Тон сеедьстэ сакшнока,

Монь варштамо токшека.

Вальманть алов озавлинь,

Курго морот моравлинь.

Илямак, Оря, кадо

Ськамочисэ эрямо.

***

Поладксозо сы номерсэ.



ИСТЯТ ЛОМАНТЬ ТУИТЬ МИНЕК ЭЙСТЭ...

ПУТЕВЫЕ ЗАМЕТКИ – 2018

Фаузия Байрамова обратилась в ООН с просьбой защитить языки народов России

Фамилии на «ко»?.. Откуда взялись?

Европейские лингвисты озаботились национальными языками России

Этническая журналистика – основа защиты культуры и языков

БЫЛ ЛИ ХРИСТОС?

УШОДОВСЬ «КУЛЯТ ЭРЗЯКС» ПРОЕКТЭСЬ

День села в Иванцеве!

Монь эрзянь раськем!Эрюш Вежай

Пизёлтнэ таго кенерсть... Николай Ишуткин

АРСЕМАМ, МОНЬ АРСЕМАМ… Нуянь Видяз

Сурвелень свадьба. Надежда Родионова



главная новости архив номеров ссылки гостевая книга