На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


АРСЕМАМ, МОНЬ АРСЕМАМ… Нуянь Видяз

Поладкс. Ушодксось «ЭМ»-нь 508-527-це № №

*****

ЭЙТНЕ ЯЛА СОЛЫТЬ, СОЛЫТЬ...

«Мода планетась кадови эрицятвтомо...» — яволявтсь 2018-це иень якшамковонь 14-це чистэ кенгелькай «сэнь сельмесь». Певердинзе валонзо тунь апак тално, прок кодамояк комолянь сталмосо тевде кортась. А кемемс? Аволить кеме, ды кемеват. Ютавтынек ловсо апак аца ацамковонок. Мертяно истя: а эряви тенень мель явомс, эрси истяяк. Мельганзоэскели якшамковось. Таго теке «мазысь» — а лов, а цятор якшамот. Течи аштемковонь 12-це чи. Кизэ. Ушосонть — сёксь. Лембе оршамотне лавтовтнень лангсто кодаяк а каявить! Визьксэнь ды сиземань апак сода омбоце пель ков азаргали, лекси кежей вармасо пелевеёнксось.

Пелевеёнксонь эйтне солыть, морятне-океантнэ домкалгадыть, сы шка, ды кармить вельтямо малаваст модатнень, лангсост мастортнэнь-оштнень. А радиотне-телетне чаво валсо пургсить, теке лиядо, бомбатнеде-ракетатнеде ды футболдонть башка, мездеяк а содыть... Мереват, теке сынст вельде прявттнэ арсить лоткавтомс пертьпельксэнть лембелгадоманзо. Ды лиси истя, кода морсевсь аволь пек умок: «И все, как один, умрём в борьбе за это...».

Мезе карми улеме, мезес пачкодить неень ды сы шкань эрицятне, ломанесь, эйтнень а ризнэвти; сынь яла солыть, солыть...

ВАЙГЕЛЬПЕТЬ

Школань кемень классон прядынь Дубинькасо. Те — чачома Орданьбуестэнь ниле вайгельпеть. Тов ниле, мекев зняро. Эрьва чистэ кавксо. Ялго. Сёксень рудазт, фуфайкинеть пачк эзэльдиця вармат, телень даволт, тундонь чадыть... — весе тонь. Кода илязо тандавтне венельксэсь — чийть, партат учи. Ацамковсто ды якшамковсто савкшнось лисемс кудосто чоподава. Колмо иеть (1949—1952) онкстнинь ёвтазь ютконть. Васень иенть — карьсэ. Книган-тетрадень кандтнинь сявдикссэ понгавтозь кескавнесэ.

Тов ды мекев — малав кавто част. Кавто част ськамот. Ансяк бути вармась эскели мартот, эли пильгеть ало чикордыця ловось ёвкст ёвтни. Тонсь эсеть лангсо азор. Эскелян, монсь тонавтнян стихть, баснят, романсто, пьесасто саевкст, монологт. Эрявсь, анокстынь экзаменэнь максомо театральной институтс. Морсинь, тонавтнинь морот. Сестэ, сизьгемень иеде икеле, ульнесь истя.

Ней?

Ней школьниктнень мельга ардтнить велетнева автобуст, усксить сынст покш велес. Ошонь школань кенкштнень икелев пурнавкшныть цивтёрдыця машинат, — тетятне-аватне усксить пакшаст школав сынст эйсэ. Те паро. Теке марто а эряви стувтнемс: парось, седеяк — шождачись аволь сеедьстэ ветить стакас, мик кажос. Секскак мон ялго якамом, аволь шождыне кавксо вайгельпень а полавтсынь кодамояк «Жигули» лангс.

Поладксось сы номерсэ.



ИСТЯТ ЛОМАНТЬ ТУИТЬ МИНЕК ЭЙСТЭ...

ПУТЕВЫЕ ЗАМЕТКИ – 2018

Фаузия Байрамова обратилась в ООН с просьбой защитить языки народов России

Фамилии на «ко»?.. Откуда взялись?

Европейские лингвисты озаботились национальными языками России

Этническая журналистика – основа защиты культуры и языков

БЫЛ ЛИ ХРИСТОС?

УШОДОВСЬ «КУЛЯТ ЭРЗЯКС» ПРОЕКТЭСЬ

День села в Иванцеве!

Монь эрзянь раськем!Эрюш Вежай

Пизёлтнэ таго кенерсть... Николай Ишуткин

АРСЕМАМ, МОНЬ АРСЕМАМ… Нуянь Видяз

Сурвелень свадьба. Надежда Родионова



главная новости архив номеров ссылки гостевая книга