На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


УШОДОВСЬ «КУЛЯТ ЭРЗЯКС» ПРОЕКТЭСЬ

Ялгат, кинь ули мелезэ саемс пелькс те программастонть (кучнемс кулят, ютавтомс эрзякс, путнемс эсь ошонь ды велень кулят) сёрмадодо: erzianjwal@gmail.ru.

Кунсолодо: https://soundcloud/com/user-116953451/kulyat-erzyaks-1

Кулятнеде мейле моры минек вечкевикс «Торамась».

Тынк учить кемень минутат кулятнеде: мода масторонь политикадо, экономикадо, культурадо ды спорттонть - эрзянь кортамосонть. Цензуравтомо ды рекламавтомо. Те минек васенце нолдавксось, васенце пачалксесь!

Тынк марто Боляень Сыресь.

**************************************

ВАСЕНЦЕ ЭФИР. УМАРЬКОВОНЬ 24-ЦЕ ЧИ

Шумбратадо, ялгат! Эфирсэнть «Кулят эрзякс» – «Олячинь Идель-Уралонь» башка проектэзэ. Минь кортатано модамасторонь политикадо, экономикадо, культурадо, спортто. Ды весе те эрзякс, цензуравтомо ды рекламавтомо. Микрофононть каршо Боляень Сыресь.

Течи умарьковонь 24-чись, студиянь шкаловитнесэ комсь вейкее част.

1) Ушодтано ризксэв кулясо. Те иень умарьковонь кевейксэеце чистэ кулось содавикс эрзянь сёрмадыцясь Числав Григорьевич Журавлев. «Ламо улить поэтт мастор лангсо, ды аламо истят, конат чачсть Поэтэкс». Те ёвтазь Числав Журавлевдо, кона чачокшнось алкуксонь поэтэкс. Эрзянь поэтэкс.

2) Теде башка пачкодсь эрзянь седейтнес нусманя куля лия эрзя ломаньде. Тусь тоначив Александр Алексеевич Наумов ялганок! Тусь тоначив кедьчелькев, покш седей, мизолдыця эрзясь, скульпторось. Сон тусь, ды эрямозо ютавтызе а стяко. Мартонок кадовсть сонзэ чувтос, кевс ды кшнис путозь мелензэ, арсеманзо. Мартост сонгак кадовсь эрзятнень ютксо.

3) Насса кучизе эсь чипельксэнь зондонть видьстэ чипаенть ёнов. «Паркер» чипельксэнь зондось, конась кучозель умарьковонь кемкавтовоце чистэ Канаверал нерьстэнть, васенцеде эрямочисэнть ливти чипаень коштонзо пачк. Лиякс меремс, сон токасы минек покш тештенть.

4) Умарьковонь комсь сисемеце чистэ США таго нолды Россиянь каршо од санкцият.

США прась мельс ушодомс од санкцият Россиянь каршо, Россиянь Федерациясонть Великобританиянь моданть лангс химиянь нолдамонть кисэ.

Од санкциятне кармавтыть киртямс Россиянтень сехте эрявикс товартнэнь нолднеманть.

Ней вана а содан, кодамо курортсо кармить оймсеме американь политиктнэ, бути сынст Россияв а нолдасызь?

5) Эстониясо панжсть кеврунго, конась алтави коммунизмань пингестэ маштозь ломантненень, питнезэ стясь кото миллионт евро

Меельце пшкадемась нурькинестэ редактортнэнь пельде - «Эрзякс кортамс шожда»!

Лиясто неяви, аволь ансяк кортамосонть, эрямоськак минек теевсь вейке сеедьстэ сультиця калькакс рузонь эрямостонть. Велявттано кортамозонок. Рузтнэ мерить «Спасибо», эрятне –«Сюкпря». Рузтнэ мерить «Большое спасибо», эрзятне мельгаст «Покш Сюкпря»! Ялгат, а чарькодеви, те кода? Сюкпря те прясо сюконямо. Покш сюкпрясь те покшпрясо сюконямо? Бути меленк ванозь ёвтатано Сюкпря, седе тов Сюконян пильгс, сюконян модас. Кортатано эрзякс. Тень пингстэ рузтнэяк а содыть мезе мерить. Спасибо, те «Спаси Бог, Спаси тебя Бог. Мезе истямось «Большое спаси тебя Бог» минь а содатано. Ультяно эрзякс, арсетяно эрзякс, кортатано эрзякс!

Эрзякс кортамс шожда, ялгат!

Вастомазонок!

От ред. Нама, кулятнеде эфирсэнть ульнесть седе ламо, кулялопас весе а кельгстявить. Косто кунсолама кулятнень, теде сёрмадынек седе вере.



ИСТЯТ ЛОМАНТЬ ТУИТЬ МИНЕК ЭЙСТЭ...

ПУТЕВЫЕ ЗАМЕТКИ – 2018

Фаузия Байрамова обратилась в ООН с просьбой защитить языки народов России

Фамилии на «ко»?.. Откуда взялись?

Европейские лингвисты озаботились национальными языками России

Этническая журналистика – основа защиты культуры и языков

БЫЛ ЛИ ХРИСТОС?

УШОДОВСЬ «КУЛЯТ ЭРЗЯКС» ПРОЕКТЭСЬ

День села в Иванцеве!

Монь эрзянь раськем!Эрюш Вежай

Пизёлтнэ таго кенерсть... Николай Ишуткин

АРСЕМАМ, МОНЬ АРСЕМАМ… Нуянь Видяз

Сурвелень свадьба. Надежда Родионова



главная новости архив номеров ссылки гостевая книга