На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Сурвелень свадьба. Р.Щанкина

Раськень койть

******************

Свадьбась - эрьва ломаненть эрямосо сехте кенярксов чи. Ды васняяк сетнень, конатне арсить эйкакшонь нолдамо, эстест кудонь стявтомо ды садонь озавтомо.

Од ломантнень ютксто ламотне свадьбаст арсить ютавтомс седикелень койтнень коряс. Покштятнень-бабатнень пельде сынь, улема, марсекшнесть: сеть умонь койтне тонавтсть вейке-вейкень вечкеме, вейсэнь эрямосо ильведевксэнь а нолдтнеме. Се берянесь - а весе содатано, кода ютнесть кезэрень свадьбатне, эдь неенсетнес совасть рузонь ды лия раськень ламо ёнкст, конатне куловтыть минек паро-мазый койтнень.

Тесэ минь терявтано невтеме, кода седикеле мольсть свадьбатне Кочкурбуень Сурвелесэ, мейсэ сынь явовить лия велень свадьбатнеде.

*******************************************

Ловныцятненень.

Эрзянь свадьбань койтне - культурань покштояк-покш сюпавчи, конанть пингеде пингес таштасть минек покштятне-бабатне. Седикеле неть койтнень ванстасть, снартнесть кандомс сынст сы шкань эрицятненень. Ансяк эрямось а ашти вейке таркасо. Полавтовить шкатне, полавтовить эрямонь койтнеяк. Ков ие ёми, минек эрямосто нардави весе се, мейсэ сюпаволь минек раськесь. Иестэ иес стувтовить мирденень лисема ды урьвакстома койтнеяк. Свадьбатнень ней налксить аволь седикеле ладсо. Одирьвась ней а соды урнемат, а машты, кода ветямс прянть авань-тетянь кудосто туемстэ, мирдень кудос совамсто. Паряк, текень кувалма неень од семиятне аволь кеметь, од ломантнень ютксо чуросто зярдо ладявкшны вейсэ эрямонь лувось.

Эсенек пусмосонть минь терявтано невтеме, кодат ульнесть мирденень лисема ды урьвакстома койтне седикеле, философиянь кодамо домка смусть сынь кандсть ломантнень эрямосо. Тень туртов а стяко кочкинек Кочкурбуень Сурвеленть. Те велесэнть, кода эрзянь лия велетнесэяк, пек сюпавольть урьвакстома койтне.

Сурвелень свадьбань койтнень авторось пурнынзе ды сёрмалинзе XX пингень 1994 иестэ. Те тевсэнть сонензэ лездасть Давыдвелень эрицясь Ксения Николаевна Кирюшкина, кона чачсь 1909-це иестэ Сурвелесэ (кулось 2001-це иестэ), Сурвелень эрицятне Александра Николаевна Бызгаева (1923-2008), Вера Васильевна Шуляева (1926-2000), Красная Зорька велесэ эрицясь Четайкина Елизавета Антоновна, кона 1920-це иестэ чачсь Сурвелесэ.

Эрзянь свадьбань койтнень содамось аволь ансяк кастасы ловныцянть мелень-превень сюпавчинзэ, теке марто кепедьсы мельёжонзо, эсензэ раськенть кис каштанчинзз.

Р. Щанкина

***********************

Сурвелень свадьба

Одирьвань кочксема

Сёксень меельце лембе чить. Вирь кужосо налксить эрзянь тейтерть ды цёрат. Цёратне оршазь пона коцтонь сёрмав суманьсэ. Тейтертнень лангсо нанкат, каратайкат, пильгсэст сбор марто кедень кемть, котат, семеричка карть.

Вирь чирестэ сценанть лангс лисить од цёра ды тейтерть. Чокшнень ульцясо киштемадо-морсемадо мейле цёрась сыргась кудов вейке тейтеренть ильтямо.

Цёрась сайсы тейтеренть кедензэ ды корты тензэ: «Ох, Марюша-ойминем, седейбелькскем, ванды учок кудат. Кода уш кортнинек мартот».

Кудосо цёрась ёвтасы тетянстэнь-аванстэнь урьвакстомадо мелензэ ды вечкема тейтерензэ лементь. Семиянек кармить тейтеренть прясто-пильгс «судямо-редямо». Сеедьстэ тей тердтнить родняткак. Окойники лоткить кочксемеде, оймить содавикс, весенень мельстуиця тейтеренть лангс.

----------------

Поладксозо сы номерсэ.



Чачома Чи марто, Пичай!

Что написано пером, то...

СО СЪЕЗДА ПИСАТЕЛЕЙ — 2005 г.

75-летие журнала «Сятко», 2003 г.

80-летие журнала «Сятко», 2008 г.

Территория диалога

Минпросвещения РФ предложило оставить один урок родного языка в неделю

В Казани будут судить организатора митинга в защиту татарского языка

Госдума приняла законопроект о добровольном изучении родных

Финно-угорский музыкальный мир

РУССКИЙ ЛИ РУССКИЙ ЯЗЫК?

ИЗ ПРОЧИТАННОГО

ЧМ-2018: тысячи гостей Саранска тянутся к культуре

Нуянь Видяз ТЕШКСТ

Книга сельской учительницы

Сурвелень свадьба. Р.Щанкина

Этнографическая фольклорная студия "Мерема" ищет артистов-певцов - народников-музыкантов!

АРСЕМАМ, МОНЬ АРСЕМАМ… Нуянь Видяз

Тусь Тоначив пародо паро цёра, мадьяр раськень ломань…

Явдано седейризкс...



главная новости архив номеров ссылки гостевая книга