На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Эрзянь келень читне Кочкуронь буесэ

2018 иень чадыковонь 16-це чистэ Кочкуронь буень эрзянь велетнесэ ютавтозельть зярыя мероприятият, васняяк – Эрзянь келень чись. Те покшчистэнть, эрьва велесь, школась, эрицятне невтизь эрзянь келенть гайгевчинзэ моросо, валморосо, ёвтнемасо.

Кочкур буень национальной культурань, народной промыслань ды ремеслань кудосонть ютавтозель мероприятия — Эрзянь келень чи. Школань тонавтницятне морасть морот, ёвтнесть валморот, киштсть, невтсть пьесат.

Чадыковонь 14-це чистэ Од Пурня велень клубсо вейсэ библиотекань ды клубонь важодицятнень марто те чинтень анокстазь ульнесь «Аштемань кудо». Икельце таркасо ульнесь анокстазь портрет марто ковкерькс «Эрзянь ды мокшонь келень ушодыцят». Лия, мазыйстэ артозь лопасонть тешкстазельть Эрзянь лецтнема ды покш читне. Богомолова В.А. ушодызе ёвтнеманзо Авксентий Филиппович Юртовонь покш путовкстонзо эрзянь келентень. Библиотекаресь Жидкина А. Ф. анокстась тонавтницятнень марто валморот, кода седикеле аватне морсесть эйкакшост туртов нурсемань морот. Весенень мельс тусь ютавтозь мероприятиясь.

Эрзянь келень чистэ (2018.04.16) Кацялай велень библиотекасо пурназель выставка «Свал гайгезэ тиринь келесь». Эйсэнзэ невтезельть Кочкуронь буень содавикс сёрмадыцянть Брыжинский М.И. ды Люлякина С.М. сёрмадовксост, сынст эрямонь кист. Книгаст неть сёрмадейтнень пештезь талновтыця ёжомарямосо, тиринь ёнксонь ды келенть певтеме вечкемасо.

Теке чистэнть ютавтозь мероприятия: «Молян чачома масторган», косо кортнесть чачома велень Кацялаень койтнеде-кирдатнеде, мельтнеде ды ёжомарямотнеде. Весе сыцятнень марто ютавтозь викторина-налксема «Кода содаса Тиринь ёнксон». Адушкина Т.А. – велень эрицясь, ёвтнесь эрзякс валморо. «Лейне» авань ансамблясь морась эрзянь гайгев морот. Инжекс сакшнось эрзянь «Вайгель» радиосо важодицясь, Кацялай велень эрицясь Старкина Елена. Сон ёвтнизе Люлякина С.М. «Валске» стихотворениянть. Мероприятиясь прядовсь ды весе кадовсть мельспаросо.

Теке чистэнть Тиринь келень чись тешкставсь Мурань велень библиотекасо. Библиотекав тердезельть велень эйкакштнэ. Сынст туртов ёвтазель «Ёвксонь паргине» лементь ало вастовома.

Эйкакштнэнень инжекс сакшность эрзянь ёвксонь содавикс персонажтнэ Дуболго Пичай, Ловняське, Пелькине ды лият. Вастовомадонть мейле эйкакштнэ седе ламо кармасть содамо эйкакшонь литературадонть. Теньсэ сыненст лездась невтемась «Эрзянь кель» - Ашо килей чуди лей», косо пурназельть книгатне, конатне алтазь эйкакштнэнень.

Чадыковонь 16-це чистэ Кочкурвелень эйкакшонь библиотекасо ульнесь панжозь выставка «Монь вечкевикс эрзянь келем». 6-це классонь тонавтницятнень марто ютавтозель вастовома «Чилисема» журналонть марто: «Чилисеманть минь панжсынек, эрзянь келенть а стувтсынек». Те вастовомасонть гайгсть содамоёвкст, нурькаморот, валморот, ёвкст, пеедькшнемат.

Тиринь валонть марто вастовомась — те алкуксонь покшчи эйкакштнэнь ды покштнэнь туртов. Эрзянь келень чись тешкстызе сонзэ келенть эрявиксчинзэ, невтизе мазы ды эрявиксчинзэ.

Наталья Васильевна Еврюшкина,

библиотекарь МБУК «Кочкуровская ЦРБ»



Подписка - 2018

МЕКС, ЭРЗЯ, А ВЕЧКСАК ЭСЬ «ЭРЗЯНЬ МАСТОР» ГАЗЕТАТ?

ЭРЗЯ, ЗА ЧТО НЕ ЛЮБИШЬ СВОЮ ГАЗЕТУ "ЭРЗЯНЬ МАСТОР"?

План работы правления Мордовского республиканского общественного Фонда спасения эрзянского языка на 2018-2019 гг.

БИБЛИЯ СПАСЁТ ЭРЗЯНСКИЙ ЯЗЫК?

- Интернет-подборка

ЭРЗЯНЬ КЕЛЕНЬ КОРЯС ОЛИМПИАДА “ЭРИЙ ВАЛ”

В УЛЬЯНОВСКЕ В ПЯТЫЙ РАЗ ПРОШЕЛ ПРАЗДНИК «ШУМБРАТ»

10 лет Эрзянской Википедии!

Нуянь Видязонь тешкст

Мокшонь культурань шитне Эстониясо

«Древо жизни».

ТОН ВАКСОН. Алёна Маторкина

Эрзянь келень читне Кочкуронь буесэ

Япононь ялганок Наоки Ватанабе кучи тенек лембе валт

АРСЕМАМ, МОНЬ АРСЕМАМ… Нуянь Видяз



главная новости архив номеров ссылки гостевая книга