На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


МЕКС, ЭРЗЯ, А ВЕЧКСАК ЭСЬ «ЭРЗЯНЬ МАСТОР» ГАЗЕТАТ?

- Чуросто вастневить эйсэнзэ вечкевикс, седеень кецневтиця материалт? Паряк, теде?

- Те а истя. Самай тень эйсэ явовиеяк ЭМ-сь лия кулялопатнеде. ЭМ-сэ ламо сёрмадовкст, конатнень лиясто костояк а ловносыть (сялдомат прявттнэнь, кортамот озномань тевтнеде, ёвтнемат эрзянь ине ломантнеде, эрзянь историядо…)

- Чуросто лисни?

- Миненекак те а вечкеви ды ковгак теде а туят. Ярмакт эрявить. Пароль, куш таргозонзо весть лиснемс! Арась, эзть сато виенэк тень теемс.

- Вельть пшти, кежень кирьвалиця? Ламо сёвны уличинь кирдийтнень, власттнень?

- Те истя... маряви! Кулянь лия лисьмапрятне, СМИ-не, содыть вейке: цяпамс, шнамс, лиякс-кода савтнемс прявттнэнень. ЭМ-сь невти: кие уле ки. Секс маряви пиципалаксокс. Секс кабинетэнь вечкицятне бажить сонзэ сявдиксс понгавтомс натой «экстремизманть». Витькстамо: ушосонть аволь 1937-це ие. Кодаткак судт (кеменьксть савсь судямс) минек кулялопастонть те самай «экстремизманть» эзизь муе. Кадык начальниктне а тандавтнить!

- Аламо ёвтни эрзянь историядонть?

- Истя аволинек мере. 24 иень перть, зярс нолдави ЭМ-сь, ёвтнинек шкань (хронологиянь) лувсо ды откерьденек сёрмадозь. Ламо ёвнезель Ине Пургаздо. Историянь темась, мерема, вельть мельс тукшныця.

-Чуросто, маряви, вастневить сёрмадовкст эрзянь ине ломантнеде?

- Аволь чуросто. Васенце номертнестэ саезь печатынек ламотнеде «Национальные герои Эрзя народа» кувтанть ало. Нолдазель, теде башка, эрзянь умонь ды малавикс шкань откерьтнеде башка номерсэ кавто покш лехат. А.П. Рябовонь лемсэ Казнень лауреаттнэде нолдазель ламо тюссо мазылгавтозь буклет. Максовить неть ине лемтне Нуянь Видязонь книгатнесэ «Эрзянь Масторонь седейсэ. Их имена бессмертны» ды «Поладкстомо».

- Аламо кулялопанть эйзэнзэ сёрмалицянзо?

- Ламо газетатнень теить-стыть корреспондентэст (редакциясь). Чарькодеви, аволь стякодо. ЭМ-нь а неть, а тонат арасть. Сёрмадыть питневтеме. Сёрмадыть кить вечксызь чачома келест, раськест, историяст. Секс валост лисить мештестэ. Сынь ванькст ды манейть, а содыть кенгелема, прянь шнамо. А содыть прянь комавтнема «бояртнэнь» икеле. ЭМ-с сёрмалесть ды сёрмалить аволь ламо. Те истя. Сень кис кодат! Ютксост О.Б. Ткаченко, член-кореспондент, филологиянь доктор, профессор (Киев), Мацьказонь Лёфай (Лежиков А.Л.), дипломат, полиглот, писатель, журналист-международник (Москов ош); Биушкина М.Р., филологиянь кандидат (Москово ш); Дригань Толай (Осипов А.Г.), сёрмадей, публицист (Самара ёнкс); Сазонов Л.Н., перть-пельксстэнть лирикань ёвтнеминень автор (Саран ош); Разин А.А., философиянь кандидат (Ижевск ош), Ёгань Минька, политикань ванкшныця (Красноярск ош); Аношонь Тумай (Аношкин Н.И.), Лукоянонь буень эрзянь культурань музеень прявт (Ало ош); Салтань Видяз (Салтанов В.В.), поэт (Пенза ёнкс). Неть лемтне сюпалгавтовлизь ды мазылгавтовлизь куш кодамо покш редакциянть.

- Ламо, маряви, ЭМ-сь сёрмады рузокс?

- Мезе виде – виде. Ламот эрзятне эрзякс ловныть стакасто. Аволь аламо истятнэдеяк, конат допрок а содасызь эрзянь келенть. Секскак… Лиясто савкшны макснемс материалт весеменень чарькодемга. Рузонь келесь – те сюлмавкс ламо лия нациятне марто. Секскак мелензэ явома.

- Беряньстэ сюлмавомась вейсэнь алтыманть, интернетэнть марто зыян а канды?

- Арсетяно, сюлмавксонок алтыманть марто аберянть. Ламо эрьва кодат кулят совить ЭМ-с модамасторонь алтыматнестэ. Теде башка ЭМ-ть эсензэ сайтезэ. Совсить эйзэнзэ иень перть 25-30 тёжат ловныцят.

- Мекс лиссни ансяк раужо-ашо тюссо? Каня те максы вийть кулялопантень?

- Содазь, а максы. Ансяк вана ламо тюссо нолдазь номерэсь сти кавксть питнейстэ. Тень эйстэ киштть.

- Питней?

- Виде. Питней. Лиякс кодаяк а лиси.Теке марто, тевесь аволь ярмасо. Эрь яволявтано сёрмадстома, мердяно, 100 целковойде. Мейле мезе? Арсетядо ловныцянок сядоксть ламолгадыть? Тувталось аволь питнесэнть. Коськсь эрзякс эсь прянь марямось (самосознаниясь).Кие карды сёрмадстомс пельпитнеде вейс путозь (в складчину)? Анся велетнеде ды лия эрмо таркатнеде Мордовиясо 300 малава (?). Эрьва таркасо почта, клуб, библиотека, сберкасса, велень совет, школа, а школасонть класст, кафедрат, певтеме учрежденият…… Вана теть сёрмадстома таркат! А зяро эрьва кодат прявткурот ды тонавтнемакурот Сарансо, Орданьбуе ошсо, Чаунзасо? Тёжа экземпляртнэ, чавовольгак эрзятнень мештьсэ седеесь эрзякс, сёрмадстовольть виень апак путо.

***

СОДАДО ДЫ КИРДИНК МЕЛЬСЭНК: МИНЬ, ЭРЗЯТНЕ, КОДА ЭТНОС, КОДА РАСЬКЕ, ЭРЯТАНО СЕМС, ЗЯРС ЭРИ «ЭРЗЯНЬ МАСТОР» КУЛЯЛОПАСЬ. ЛЕПИИ СОН – ЧАТЬМОНЕМАНЬ ОТЬМАС ВАИ ЁВКСОНЬ КОНДЯМО МАЗЫЙ «ЭРЗЯ» ВАЛОСЬ.



Подписка - 2018

МЕКС, ЭРЗЯ, А ВЕЧКСАК ЭСЬ «ЭРЗЯНЬ МАСТОР» ГАЗЕТАТ?

ЭРЗЯ, ЗА ЧТО НЕ ЛЮБИШЬ СВОЮ ГАЗЕТУ "ЭРЗЯНЬ МАСТОР"?

План работы правления Мордовского республиканского общественного Фонда спасения эрзянского языка на 2018-2019 гг.

БИБЛИЯ СПАСЁТ ЭРЗЯНСКИЙ ЯЗЫК?

- Интернет-подборка

ЭРЗЯНЬ КЕЛЕНЬ КОРЯС ОЛИМПИАДА “ЭРИЙ ВАЛ”

В УЛЬЯНОВСКЕ В ПЯТЫЙ РАЗ ПРОШЕЛ ПРАЗДНИК «ШУМБРАТ»

10 лет Эрзянской Википедии!

Нуянь Видязонь тешкст

Мокшонь культурань шитне Эстониясо

«Древо жизни».

ТОН ВАКСОН. Алёна Маторкина

Эрзянь келень читне Кочкуронь буесэ

Япононь ялганок Наоки Ватанабе кучи тенек лембе валт

АРСЕМАМ, МОНЬ АРСЕМАМ… Нуянь Видяз



главная новости архив номеров ссылки гостевая книга