На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


АРСЕМАМ, МОНЬ АРСЕМАМ… Нуянь Видяз

Поладкс. Ушодксось «ЭМ»-нь 508-520-це № №

****

ИДИМИЗЬ, ВАЯТАНО!

Эряволь, умок эряволь эрьва-кодат радио-телевайгельтненень истя пижакадомс, серьгедемс мода-масторонть келес. А вана поптне Мода планетанть прядовомадо тандавтнесть ды тандавтнить апокалипсиссэст аволь ве тёжа иень перть. Сеересть - кирдсть тень эйсэ кедькоморсост мезеяк а содыця, чопода ломантнень. Мезде истямос пачкоди Модась, тувталдонть, эзть сода сынсь бачкатнеяк.

Ней тевтне лият. Лият штельксэнь пес. Ней бути а весе, ламот содыть: Планетанть, истямо мазый, эрьва месэ сюпав сэнь осканть, учи катастрофа. Содыть, кода капшазь солыть Арктикань эйтне, кода кузи псизэ-лембезэ, кодат келейчить-ёнкст, ламо-ламо ошт-велеть вельтявить ведьсэ, кодат вельмить ломанень ды лиянь од асодавикс ормат …

Абунгавты лиясь: теке кияк теде эзь марсеяк, теке куловтыця кажось а эци лангозонок: а кортамот, а талномат, а кардыця тевть. Кода свал, экрантне киштить, морыть, пейдить-ракить, элякалить. Диктортнэ прянь шназь, шкань апак сода, вачкить валт, зяро нолдасть ведь алга уйкшниця венчть (эрьвань питнезэ – марясак: озават!), зяро тейсть ракетат, коштвенчть, танкат… Яла аламо, а саты, яла эрьвась, удоманзо сезни, арси куш мезеяк амзордомс шабранть пельде.Тон, ламо содыця-арсиця, пешкедят зярдояк эли арась? Эли пешкедят ансяк сестэ, зярдо кудот тапардасы атомонь а ютыця теле?

Куродтадызь кельме ёжот мельденть, прок раськетне чинек-венек ветить пелькстамо:кие седе курок тюшумбар нолдасы Планетанть. Арктикань ды Антарктидань солавтовиця эйтне эли сонсь ломанесь - атом марто ведьалга уйкшниця венчсэнзэ? Ломанесь те пелькставтомасонть понгсь туворс, ды мик аволь вейкескак. Васенцесь – ваи эсь вацезэнзэ, нолдынк чумом те чинев валонть кис. Шукшпрякс велявтызе аволь ансяк Моданть, Океантнэнь. Венелев якамо таркакс теизе космосонтькак).Каня а истя? Кие вал ёвты тень каршо?

Мекс, ёвтык Инешкипаз, Модалангонь весемеде васов ваныця-неиця Инязорось истя капшавты-эрязкавты апокалисисэнть самонзо?! Невтемс ды кемекстамс церьковань икелечиденть ёвтамонзо? Ансяк? А кода улемс эволюциянть марто? Каня те сынст а талновты? Каня алкукс мелесь – улемс сюпавдояк сюпвокс – теинзе куловокс лия мельтнень-ёжотнень?

Умок сась шказо - пурнавомс Модамасторлангонь эрьва кода лемдязь прявтнэнень ды меремс пурьгинекс зэрниця вайгельэ: Моданть лангсо бомбатненень, ракетатненень, куломань кандыця венчтненнь а тарка! Модантень эрямс ды эрямс!

Поладксось сы номерсэ.



Панжиковсто Чачома чист тешкстыть:

Подписка 2018 - II полугодие

Эрзянь келень идема Фондонь ОД ВЕТЯМКУРО

ЙОВЛАНЬ ОЛО - ТЫ БУДЕШЬ ВСЕГДА В НАШИХ СЕРДЦАХ!

Коренные народы возмущены!

ЗААРКАНЕННАЯ НАУКА

ЧТО ОБЩЕГО МЕЖДУ ЛАТВИЕЙ И МОРДОВИЕЙ?

ЭРЗЯНЬ КЕЛЕНЬ ЧИСЬ ОСЬКИНАСО

ДЕНЬ ЯЗЫКА И СМЕНА ПОКОЛЕНИЙ

25 ЛЕТ ТРАДИЦИЯМ

ЭРЗЯНЬ ИНЕКУЖОНЬ ПРЕВКУРОНЬ МЕЛЬКЕМЕКСТАМОСЬ

СВАЛ ГАЙГЕЗЭ ТИРИНЬ КЕЛЕСЬ!

Колмо шляпат. Дригань Толай

АРСЕМАМ, МОНЬ АРСЕМАМ… Нуянь Видяз

Мон аволь тонь... Эрюш Вежай



главная новости архив номеров ссылки гостевая книга