На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Колмо шляпат. Дригань Толай

Эзь савкшно теть, ловныця, ве шкасто колмо таркава важодемс? Мон важодинь. Монень сатокшность колмо таркат, ды эрьва косо пандсть ярмакт. Аволь эрьвась истя машты, монь вана превень сатотсть. Кода мерят?..

Арсят, колмо важонь кис уця яжинь? Арась, мон кодаткак плант эзинь топавто. Важодеме кармав-тыцям арасель - монсь ульнинь прявтокс. Be шкас¬то колмо таркас эцинь! Стака? Эно кода. Вейкесэнть важодицякс, содави, ульнинь сёрмадозь монсь. Омбоцесэнть - Зина ним. Колмоцес эция Агафья Ива¬новна низанянть. Кавонест монь лемс бизаксасть конёвт (доверенность), ды эрьва ковсто сынст кис монень пандсть ярмакт.

Чарькодян, ловныця, тонь кельпрясот таго кевкстема нурьги: «Мезень кис ярмакось мольсь? Мезесь лездась тень весень манчемс?».

Колмонест важодема таркатнес сивединь секретаршат. Сынь чопонь-чоп совавтнесть чай монь стуворонть лангс. Раминь колмо вейкеть шляпат -стувор лангс. Эрьва совицясь чарькодиль: «Сергей Иванович аламос ков-бути лиссь... Вана лембе чай кедьгесэнть, вана шляпась учи азоронзо. Монгак аламос учан...»

Содазь, аволь весе цидярдыть учозь. Лия ломанесь сюдосамам ды туи. Ды эдь шкань-шкань мон совсилинь важодема тарказон, казилинь мизолкст вешицятненень-нерницятненень. Ансяк, видькстан, те ульнесь вельть чуросто!

Содан, истямо тевсэ улить монденьгак колт, чарькодицят. Колганост седеяк валдот. Истятнэ овсе мезеяк а теить, ансяк ярмакт ловить... Нама, ютазь шкатнестэ мон ульнинь партиянь ломанекс. Ней прявтсонок партиясь лия, ды тов пуромозтне монь ладсо ламо таркава мезеяк а теить, тень кис весе сюпавт... Сынст вакссо мон ансяк цецькине... Умарень сезицятнень раштынзе неень шкась, идем капитализмась...

Эх, сырединь вана! Ильтимизь пенсияв, эзь саво тень неень шкасто важодемс, депутатокскак ковгак эзинь понго... Колмо пенсият кияк тень эзь яво. Лисни, весе, мезе теинь, ульнесь шляпань питнесэ... ды шляпасо вельтязь. Кода мерить рузтнэ, всё дело в шляпе!

Саезь «Седейвал» пусмостонть.



Панжиковсто Чачома чист тешкстыть:

Подписка 2018 - II полугодие

Эрзянь келень идема Фондонь ОД ВЕТЯМКУРО

ЙОВЛАНЬ ОЛО - ТЫ БУДЕШЬ ВСЕГДА В НАШИХ СЕРДЦАХ!

Коренные народы возмущены!

ЗААРКАНЕННАЯ НАУКА

ЧТО ОБЩЕГО МЕЖДУ ЛАТВИЕЙ И МОРДОВИЕЙ?

ЭРЗЯНЬ КЕЛЕНЬ ЧИСЬ ОСЬКИНАСО

ДЕНЬ ЯЗЫКА И СМЕНА ПОКОЛЕНИЙ

25 ЛЕТ ТРАДИЦИЯМ

ЭРЗЯНЬ ИНЕКУЖОНЬ ПРЕВКУРОНЬ МЕЛЬКЕМЕКСТАМОСЬ

СВАЛ ГАЙГЕЗЭ ТИРИНЬ КЕЛЕСЬ!

Колмо шляпат. Дригань Толай

АРСЕМАМ, МОНЬ АРСЕМАМ… Нуянь Видяз

Мон аволь тонь... Эрюш Вежай



главная новости архив номеров ссылки гостевая книга