На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


СВАЛ ГАЙГЕЗЭ ТИРИНЬ КЕЛЕСЬ!

Дубенкабуень Культурань кудосонть ютась «Свал гайгезэ тиринь келем» Тиринь келень чи. Сон пурнась эрьва велестэ, тонавтнема таркасто эсь келенть ды культуранть кисэ мелявтыця ломанть.

Эрьвелема чинтень анокстазельть паро выставкат. Невтемакс, Кочкур велень тонавтыцятне анокстасть тантей пидевкст-паневкст, човов поза. «Дубенкабуень библиотека» МБУК-нь важодицятне теизь содавиксэкс инжетнень од книгатнень марто, конатнень сёрмадызь минек ёнксонь сёрмадейтне. Мазый артовкссо тердсть «Эйдень шкинемань центра» МБОУДО-нь тонавтницятнень теевкстнэ. Кенярдовты се, кодат кедьчелькев ломанть важодить тесэ, ламос сынь тонавтсызь тов якиця эйкакштнень. Ды, васняяк, вечкеме эсь тиринь ёнксост, тиринь келенть, культуранть.

Ды, содави, кода эрси истямо покш чистэ, эрьва велесь, школась невтизе эрзянь келенть гайтевчинзэ моросо, баснясо, стихотворениясо, ёвтнемасо. Сынст сёрмадыцяст Дубенкань буень содавикс поэттнэ ды писательтне. Ледстязельть А.Щегловонь ды А.Араповонь лемтне, гайгсть сценанть лангсто сынст сёрмадовксост. Ламо кенярксов мизолкст алтазельть Кенде велень тонавтницятненень, конат невтизь А.Щегловонь «Пурцуз» ёвтнеманзо коряс путовксонть. Од сёрмадеесь Светлана Фадейкина алтась стихотворения Александр Араповонь лемс, конань ловнызе Дубенкань школань тонавтницясь Анастасия Сутайкина.

Поводелесь – минек ёнкссонть кезэрень веле. Тесэ неень шкас каштансто кандовить кезэрень койтне-кирдатне. Ламо тееви келенть ванстоманзо, сюпалгавтоманзо коряс. Тесэ чачсть ды кассть ламо кедьчелькев ломанть. Неть – республикань ды Россиянь келес содавикс скульптортнэ Григорий ды Николай Филатовтне, чувтосто керсицясь Николай Василькин, Социалистической Трудонь Героесь Н.М.Суродеев, сёрмадейтне Людмила Рябова, Ольга Сусорева, Юрий Пальтин... Ды а умок велесэнть «чачсь» «Эри ведь» од эрзянь ансамблясь. Пек парсте морыть гайтев эрзянь морот.

Аволь умок аволь ансяк Дубенка ёнкссо, весе республиканть келес Кенде велень содавикс «Эрзянка» ансамблянтень макссть «Народной» лем. Те минек пек кенярдовты. Тесэнь морыцятне лездыть а стувтомс тиринь келенть. Нейгак пек вечкевсть сынст морост. Истя жо морась Дубенкань школань «Эрзяночкась» ды лият.

Сценанть лангс лиссь минек ёнксонь содавикс сёрмадеесь Любовь Дергачева. Ловнось эсь сёрмадовксонзо, кортась эрзянь келень ванстома лувдонть. Видеяк, зярс минь кортатано, сёрмадтано эрзякс, семс эри минек сюпав, мазый, гайтев келесь.

Келенть сюпавчиде, сонзэ ванстома лувдонть кортасть Социальной важодемань управлениянь прявтонь полавтыцясь Н.М.Коломенцева, Дубенкабуень Келень, культурань, литературань вельмевтемань советэнь прявтось Е.Л.Бурнаева.

Тиринь кель... Седе малавикс, седе лембе костояк а муят. Эрьвелема чись ютась. Ойментень кадовсть паро валт:

Эрзякс кортак, эрзякс арсек,

Эрзякс морот тон морак,

Эрзякс пеетькшнемат марсек,

Кель седе ён а муят...

Е.БУРНАЕВА.

Дубенкабуе

Газета «Эрзянь правда»,

25.04.2018 иень 16 №.



Панжиковсто Чачома чист тешкстыть:

Подписка 2018 - II полугодие

Эрзянь келень идема Фондонь ОД ВЕТЯМКУРО

ЙОВЛАНЬ ОЛО - ТЫ БУДЕШЬ ВСЕГДА В НАШИХ СЕРДЦАХ!

Коренные народы возмущены!

ЗААРКАНЕННАЯ НАУКА

ЧТО ОБЩЕГО МЕЖДУ ЛАТВИЕЙ И МОРДОВИЕЙ?

ЭРЗЯНЬ КЕЛЕНЬ ЧИСЬ ОСЬКИНАСО

ДЕНЬ ЯЗЫКА И СМЕНА ПОКОЛЕНИЙ

25 ЛЕТ ТРАДИЦИЯМ

ЭРЗЯНЬ ИНЕКУЖОНЬ ПРЕВКУРОНЬ МЕЛЬКЕМЕКСТАМОСЬ

СВАЛ ГАЙГЕЗЭ ТИРИНЬ КЕЛЕСЬ!

Колмо шляпат. Дригань Толай

АРСЕМАМ, МОНЬ АРСЕМАМ… Нуянь Видяз

Мон аволь тонь... Эрюш Вежай



главная новости архив номеров ссылки гостевая книга