На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Изнямо марто, Алина!

Алина Подгорнова лиссь «Иень поэт» Весероссиянь пелькстамонь финалс. Кочксематне те пелькстамосонть мольсть 2017 иень перть. Те шканть перть жюрись питне путсь ламо тёжат сёрмадейтненень. Пелькстамонь финалс совасть 200 поэтт ды 100 прозаикть Россиянь 51 регионтсто.

Чачсь Алина 1991 иестэ Дубёнка буень Кобале велесэ. Школань прядомадо мейле тонавтнесь Н.П.Огарёвонь лемсэ МГУ-нь филологиянь факультетэнь «Журналистика» отделениясо. Колмоце курссо тонавтнемстэ тердизь важодеме «Сятко» журналс, косо важоди нейгак.

Сёрмады валморот эрзянь ды рузонь кельтнесэ, вастневи пакшат ды од ломань марто кода Мордовиясто, истя томбалеяк. Од сёрмадыцятнень туртов Мордовия Республикань Прявтонь литературань премиянь лауреат (2013 ие), Россиянь Писателень казнень сюлмаксонь член (2013 ие).

Валморонзо лиснесть «Сятко» ды «Чилисема» журналтнесэ, «Эрзянь валске» пусмосо, «Эрзянь Мастор» кулялопасо.

Алина - 2014 иень Эрзянь сёрмадома шкинемань «Эрзянь ойме» Казнень саицясь.

Васенце пусмозо «Марямга» (2013 ие), омбоцесь — «Кроме рифм» (2016 ие).

Алинань валонзо: «Илядо стувтне кельсэнк, оят! Зярс минь вечксынек келенек, зярс сон минек ули – минь весемеде сюпав ломанть!»

***

Эх-вай, тундокай!

Шумбрасто эрят, патяй?

Морат-зэрнят, чарат-велят,

Самонтень кенярдат, мерят?

Вай, тундыне, тундыне!

Пизьгатаев судыне,

Цецяв эрьгеть содыть кирьгас,

Якат паксява ды вирьга.

Эх-вай, корьмакай,

Зяро кеняркс, тундокай!

Ёртнинк, ломанть, телень понксонк-

Ине тундо минек ёнкссо!

***

Исяк давол вармась кандсь тень зыян.

Мон сонзэ прянь кепедезь вастыя.

Течинь чись седе уцяскав карми,

Ды а тандавтсамам кежей варма.

Ванды сувсо вельтяви менелесь,

Но валдо ули вандыде мейлесь.

Сон апаронть ютазь чинтень кадсы,

Весе паронть минек туртов макссы.

Истя, содан, свал улеме карми:

Кадык правтыть эйсэнь виев вармат,

Кадык сувсо вельтяви менелесь,

Уцяскав ули вандыде мейлесь.

***

Лембе ве. Тештинетне эзть вельме.

Костояк а пувазеви варма.

Тонь вановтот нусманя ды кельме,

Ды вайгелеть машнетеме кармась.

Вана истямо жо кизэнь вестэ

Ушодовсь нурькине вечкеманок.

Ильведевкс мартот теинек сестэ,

Мон тонь кис куломо ульнинь анок.

Арсян, мекс те шкас эзия редя:

Лембе ёжо тонь седейс эзь вельме,

Вечкемань ормась эйзэть эзь педя...

Вановтонок нусмакадсть ды кельместь.



Подписка 2018 - II полугодие

ЧАДЫКОВОНЬ 16-ЦЕ ЧИСТЭ ЭРЗЯНЬ КЕЛЕНЬ ЧИ!

ОГЛАСКА СПАСЛА ЯЗЫК?

ЭРЗЯТ, ВАНСТЫНК ЭСЬ КЕЛЕНК! Раиса ПЛОТНИКОВА

В Марий Эл учитель объявил голодовку

Эрзянь келень Чи

В Киеве создали «Свободный Идель-Урал»

РОССИЙСКИЙ ПАТРИОТИЗМ КАКОВ ОН НА САМОМ ДЕЛЕ?

Ванстомс «Сятконть»!

ЭРЗЯНСКИЙ ЯЗЫК В ОПАСНОСТИ

Учитель эрзянского—жертва порочной системы

Из «Гостевой книги «ЭМ»

Нуянь Видязонь тешкст

Изнямо марто, Алина!

Мекс монь авам – «мама».... Числав Журавлёв

ТЕСТЭ А САЙСАК, ТЕЗЭНЬ А ПУТСАК...Эрюш Вежай

ДЕНЬ ЭРЗЯНСКОГО ЯЗЫКА. ЭРЗЯНЬ МОРОСЬ СЕДЕЙ ВАНСТЫ

АРСЕМАМ, МОНЬ АРСЕМАМ…Нуянь Видяз



главная новости архив номеров ссылки гостевая книга