На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Арсемам, монь арсемам… Нуянь Видяз

Поладкс. Ушодксось «ЭМ»-нь 508-515-це № №

***

МАЗЫЙ ЁВКС

Кежиявтат-арась лангозон, а содан, ансяк мон вечкемадонть цёранть ды аванть ютксо ёвтан теть аволь лембе, а экше, бути а кельме, валт. Вечкемась – те мазый ёвкс. Кадык сёрмадозь эйстэнзэ аволь вейке миллион романт,поэмат, стихть, моразь ды моравить седеяк ламо морот, путозь, а лововить зяро, фильмат ды спектаклят. Косо ды кода илязо уле, киносо эли эрямосонть, эрьвань эрямозо чары те ёжонть перька.

Мон, мезе лангскак апак вано, таго теке валтнэнь ёвтасынь: вечкемась – мазый ёвкс. Ули-арась? Те уш лия кортамось. Ули. Теде пелькстамот чуросто верьгелить. Кадык лиясто кевкстнитькак. Кодамо сон, кода невтемс, мезе те истямось? Мезть кевкстнемс… Миллионт романтнэ кода ансяк эзизь невте! Истямокскак, а мезть кавтолдомс, лемдизь: сардынень палома. Монгак текекс арсян. Гувк - ды те толнэсь арась! Чачозь валдозо кадови зярскак? Аволь свал. Бути а меремс… чуросто. Вечкемась, зярдо тешттне, маряви,палыть-цивтордыть чипайденть пек, зярдо, маряви, теть аволь эскелят-молят – уят, зярдо…превстэть а лисни мелесь неемс сонзэ олгонь тюс черензэ, марямс, зярдо… Арась истямокс сон, пеняцяк-иля, а кадови. Мезе кадови? Кадови лажаня, чуросто-зярдо ламбамо тансть.

Алкукс-аволь виевдеяк виев вечкемась, кода кемевтить сёрмадейтне ды морыця поэттнэ, кортыть цифратне. Пеледест ламо «куломозост вечкиця» полыицятне (урьвакстыцятне-мирденень лисицятне) - явить. Апак явозетнень эйстэяк «ломанькс» эрицятнеде а мерят «тыц» эли верьга-ланга. Седеяк тандавтни ды ризкст рашты истямо «вечкеманть» «пулозо». Иестэ иес ламолгадыть ськамост эриця аватне. Иестэ иес ламолгадыть тетявтомоэй какштне. Те кажодояк кажо.

Покш, зэрниця война, кода ниленьгеменце иетнестэ, теке а ветяви. Эно косто саевсть зняро урозонь кудотне? Мекс аволь аламо пешксесэтне ёртнить эйдест шукшпряс? Паро, кеняркс ёжосо эриця ломань, седе сеедьстэ, тетявтомо ды урозонь кудонь эйкакштнестэ а касы. Ламот эйстэст понгить тюрьмасо эрицятнень юткс.

Вана кодамо питне сави пандомс «мазый ёвксонть» кис.

Поладксось сы номерсэ.



21 февраля - Международный день родного языка

Эйзюрковонь 8-це чись - Тейтерь-авань Чи!

Аванень инжекс. Татьяна Панькина

Авань лембезэ. Татьяна Панькина

АВАДО ВАЛМЕРЕВКСТ

Поваделесэ келень-моронь покшчи!

Песнь о Путине

От губерний -  к подлинным республикам

«Сятко» ды «Мокша» журналтнэнень – 90!

Орден Ине Эрзя!

ПОПЛАВКИ

КТО ВЫ, УЧИТЕЛЯ ЭРЗЯНСКОГО?

Кенгелемань кувтастонть...

Вана истят эрзянь цератне...

Арсемам, монь арсемам… Нуянь Видяз

Родиться, чтобы умереть...Салтанонь Видяз

Пеедькшнемат



главная новости архив номеров ссылки гостевая книга