На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Вана истят эрзянь цератне...

Вирь Тавла велесэ, кода лия эрзянь велетнесэяк, ломанентень свал максыть питне васняяк сонзэ тевензэ коряс. Истямокс ловови тесэнь эрицясь Ширманкин Василий Григорьевич. Секскак сондензэ марят ансяк паро кулят-валт.

Чачсь-кепететсь те цёрась эрзянь покш семиясо. Тетянстэнь-аванстэнь савсь стявтомс пильге лангс кото эйкакшт, Вася — очко нардавксось. Меремс, семиястост содавиксэкс Мордовиянть келес теевсь аволь ансяк чувтосто керсицясь Василий Григорьевич. Патянзо, Любовь Критининань, ютазь пингень 80-90 иетнестэ текекс содылизь весе эрзянь ды рузонь раськетнень моронь вечкицятне ды кунсолыцятне. Сонзэ лия енов а молиця, чоледиця вайгелензэ пек вечкилизе «сонсь» Люлякина С.М., конань марто морыцясь ульнесь паро ялгакс. А стяко сон кандтни МАССР-энь культурань Заслуженной важодицянь лементь.

Аволь шождынель Васянь эйкакшпингезэ. Савсь кирдемс зярыя кажо ды стакачить, аволь свал пешксель пекезэ. Тень лангс апак вано, чувтосто керсицясь эйкакшчинзэ ледстни ансяк паро валсо-мельсэ. Велень эрямонь лувось, пертьпельксэнь певтеме мазычись, аванзо лембе оймезэ, эйкакшпингень налксематне, парочис бажамось а стяко пачтизь чувтосто керсемань тонавтома кужонтень.

Редизе сонзэ ёрокчинзэ Мастин Н.И., васенце тонавтыцязо. Сон ламо максь тензэ чувтосто керсема тевсэнть, эсь лангозонзо кемемантень ды икелев бажамонтень. Ламо, текенекс, оймеёжо макссь цёрантень тонавтыцязо Рябов П.В. Цёрынесь прянек-пильгенек совась керсемань тевентень, артомантень, сайсь мель тонавтнемс седе тов. 1987 иестэ Ширманкин В. прядызе М.Киров лемсэ Ицялонь художествань училищанть. Седе мейле зярдояк эзь кавтолдо мекс сонзэ эрямозо сюлмавсь чувтонь скульптуранть ды эйкакшонь тонавтоманть марто.

Аламос важодсь тонавтыцякс Кочкуронь буень Мурань велесэ. Кавто иетнень, кода лия цёратнеяк, максынзе армиянтень. Пазось свал ульнесь маласо, несь Васянь ёрокчинзэ-бажамонзо, паряк, секскак эзь максо явома вечкевикс тевензэ марто армиясояк. Ламо паро керсевкст тейсь тосояк. Свал ловнось, тонавтнесь, шка эзь ёмавтне, тейнесь эрьва кодат артовкст-эскизт сы шкань керсевкстнэнень, вешнесь эсь прянзо, тонавтнесь Белоруссия масторонь Могилев ошонь чувтосто керсицянть Иванченко Р.Я. пельде. Те макссь цёрантень кеме юр, нарде, кармавтызе велявтомо вечкема Тавла велев ды, потамонь апак сода, сюлмамс эрямонзо мартонзо.

Сеске армиядо мейле зярыя иеть Ширманкин В. важодсь «Тавлинский сувенир» кооперативсэнть. Прянзо невтизе чувтосто виев керсицякс, васов ваныцякс, прянь а шныцякс. Неть иетнестэ урьваксь, сюлмизе эрямонзо эсь велень Баляйкина С. тейтеренть марто. Вейке-вейке мельга раштасть кавто эйкакшт: Слава цёраст, ней важоди врачокс, ды Марина тейтерест — тонавтни врачокс. Мерема, эйкакшонь трямосонтькак Василий Григорьевич топавтынзе покштятнень-сырькайтнень свалшкань вешематнень. Мезес тонадсь эрямосонть, максызе эсензэ, ды аволь ансяк, эйкакштненень. Тонавтызе чувтосто парсте керсеме Слава цёранзояк.

 Од ломатне бажасть валдо эрямос. Вейксэнькеменце стакадояк-стака иетне эзть юта од семиянть вакскаяк. Аламос кадовкшнось важодемавтомо. Эйкакшт, ни, апак прядо кудо, зепнесэ - варма. Ков молемс, мезе теемс? Текень лангс, стардызе седеяк покш зыян - сэредема. Марявсь, эрямось варшнесь цёранть нардензэ эрьва ёндо, цидярды-арась? Ламо паро цёрат мендявсть, пряст каизь цяркантень. Ансяк аволь Вася. Сон эзизе кадо эсь вечкема тевензэ, стясь кеместэ пильге лангс ды тейсь истят эскелькст, конат теизь сонзэ содавиксэкс весе Мордовия Республиканть келес ды лия ёнга.

Сон, ловт васенцекс, совась Вирь Тавла велень чувтосто керсицянь «Эрьмезь» вейсэньдявксонтень ды неень шкас кеместэ важоди те шкинемань сюлмавкссонть. Ловови Вирь Тавла велень керсицятнень ютксо ветицякс. Прядызе Н.П.Огарев лемсэ национальной культурань институтонть. Ней уш 20 иеть важоди Саран ошонь 43-це лицейсэ чувтосто керсемань тонавтыцякс. Тонавты эйкакштнэнь мазычинь редямо, пертьпельксэнь вечкеме, эрзянь ды лия раськень культуратнень содамо ды чарькодеме.

Ширманкин Васянень ули мезес тонавтомс эйкакштнень. Сон керсесь чувтосто ламо «тавлань налшкеть», конатне ванстовить Россиянь зярыя музейсэ; умок кандтни Россиянь народной мастерэнь лем; умок совась Россиянь артыцянь Вейсэндявксонтень. Теевксэнзэ невтневить ламо эрьва кодамо выставкасо Мордовиясо ды Россиянь ламо оштнева, велетнева ды мик финнэнь ды угрань мастортнесэ — Эстониясо, Венгриясо ды Финляндиясо. Покш эскелькс керсицясь тейсь парконь скульптурань теемасо. Сон маштсь ванстомо ды тёкшос кепедеме Вирь Тавлань керсемань «пластиканть» покш чувтонь рунгонь теемстэ. Те покш тев, чарькодема ды ёрокчи. Сонензэ аволь весть савсь керсемс чувтосто парконь покш скульптурат фестивальтнесэ: Мордовиясо, Удмуртиянь, Эстононь мастортнесэ ды лиясо-косо. Кавксть керсесь Ульян ёнксонь Кузоватонь буесэ Россиянь раськеютконь фестивальтнесэ. Сайнизе васенце тарканть. Модамасторонь раськеютконь кавксоце «Югра-2014» фестивальсэнть саизе изницянь 1-це таркань дипломонть. Вана истямо Вирь Тавлань эрзянь цёрась!

Паряк, Вирь Тавла велень чувтосто керсицятнень ютксо улить седеяк паро маштыцят, ансякШирманкин В. важодезь муизе эсенэ керсема лувонзо ды теньсэ седеяк сюпалгавтызе керсицянь вейсэнь каштазонть. Теке марто, ташты ды покшолгавты эрзянь раськень культурань эрямо парензэ. Даволковонь прядома читнестэ мазычинь шкиницясь, чувтосто ёроков керсицясь тешксты чачома чинзэ. Сонензэ топодить 50! Маряви, Мордовия Республикань раськеютконь культурасонть Ширманкин Василий Григорьевичень питнезэ кодамояк онксо а онкстави. Умок уш прявтнэнень редямаль те эрзянь церанть ды каземаль покш питнесэ — культурань Заслуженной важодиця.

-------------

«Эрьмезь» чувтосто керсицянь вейсэньдявксось арси Ширманкин Василий Григорьевичнень кеме шумбрачи, шкинемасо од изнявкст ды икелев молиця тевть.

Калаганонь Керяз,

Вирь Тавла

-------------

Тынк марто, чувтосто керсицят, шумбрачинь вайгель максыть «Эрзянь Масторонь» теицятне ды ловныцятне. Эряк, Тавлань цёра, невак зняро иеть!



21 февраля - Международный день родного языка

Эйзюрковонь 8-це чись - Тейтерь-авань Чи!

Аванень инжекс. Татьяна Панькина

Авань лембезэ. Татьяна Панькина

АВАДО ВАЛМЕРЕВКСТ

Поваделесэ келень-моронь покшчи!

Песнь о Путине

От губерний -  к подлинным республикам

«Сятко» ды «Мокша» журналтнэнень – 90!

Орден Ине Эрзя!

ПОПЛАВКИ

КТО ВЫ, УЧИТЕЛЯ ЭРЗЯНСКОГО?

Кенгелемань кувтастонть...

Вана истят эрзянь цератне...

Арсемам, монь арсемам… Нуянь Видяз

Родиться, чтобы умереть...Салтанонь Видяз

Пеедькшнемат



главная новости архив номеров ссылки гостевая книга