На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Поваделесэ келень-моронь покшчи!

2018 иень якшамковонь 26-чистэ Дубинькань буень Поваделесэ (Мордовия), конанень покшолманзо кис мерильть «китай», ютавтовсь эрзянь келень тонавтыцятнень марто промкс. Семинаронть лемезэ: «Технология формирования читателькой компетенции обучающихся на уроках родного (эрзянского) языка и литературы в условиях ФГОС». Эряволь, койсэнь, программанть сёрмадомс эрзякс, а теманзо лемдямс седе чарькодевикстэ. Кода-бути малас а аравтовить: эрзянь кель ды истя, та-кодамо човор кельсэ тапардазь лем.

Пурнавкшность те промксонтень 70 малава ломанть, васняяк эрзянь келень тонавтыцят, библиотекарть.Сакшность ниле буестэ: Дубинькань, Покш Березникень, Отяжбуень, Чаунзань. Программанть коряс ютавтовсть кавто урокт: 1) «Прилагательноесь кода кортамо пелькс» (6-це класс, Касимкина О.П.); 2) «Чачома велень сёрмадейтне. Кельвалонь кастомань урок» (10-це класс (Кокнаева Т.А.). Седе тов, тешкстазель: 13 ч. 30 мин. вастовома Четвергов Е.В. сёрмадеенть-публицистэнть марто. Эсенек лемезэ те вастовоманть: «Морось, музыкась Нуянь Видязонь литературань шкинемасо».

Мон ёвтнинь книгадон, конат лиссть ламо иень перть: «Сиреневая луна», «Велень вайгельть», «Иень тюст», «Янгамо», «Ванине», «Тесэ ды Тосо» ды седе тов. Экранс лиснесть мельга-мельцек книгатнень ламо тюсонь фотографияст. Меельцекс невтевсь «Сырнень човалят» валксось. Ёвтнинь, теке басом, кода невтеви сёрмадовкссон эрямось, кода ды косто саевить сюжетнэ; пачтинь моротнень, музыканть питнечидест откертнень потмоёжост панжомсто, сюлмавкстнеде моронть ды сюжетэнть ютксо, романтнэнь, келей ёвтнематнень кельдест ды седе тов. Весемезэ сёрмадовксон ёнкскес валгсть, келемтизь сёлмост, ды мусть лембе тарка ниленьгемень малава морот эрзянь ды рузонь кельсэ; се кельсэнть, конаньсэ эсь шкастост гайгсть-элякалесть эрямосонть.

Мария Ефимовна Матезиус, Грацень Марюш, МАССР-нь Заслуженная артисткась (сопрано) морась моротнень, конат совавтозь монь книгатнес. Ютксост: войнань шкань морось «На позицию девушка провожала бойца...»,  эрзянь кезэрень морось «Вай, верьга, верьга…», советэнь шкань пек содавикс паксянь, велень вечкемадо морось «Пшеница золотая», романсось од шкань ледстнемадо «Я встретил вас…», «Не жалею, не зову, не плачу» (валтнэ Есенин Сергеень), Джузеппе Вердинь «Травиата» оперань ушодксось-вальсэсь - «Высоко поднимим все кубок веселья…». Эрьва ёвтнема пельксэм, моронь  невтевкс марто, прялевсть мельспаро кувать цяпамосо. Те ульнесь эсензэкс литературань-музыкань валдо ёжонь сыремтиця каштаз.

Мезе мельс эзь туе - кевкстемат темань коряс арасельть. Тувталось — ве шкасто кавто тевень ютавтомась. Сизекшнесть ломантне. Омбоце дёготь пенчесь – Отяжелестэ, Березникстэ ды Чаунзасто сакшныцятнень-тонавтыцятнень виест эзь сато саемс ды пачтемс школатнес 2017-це иестэ, аволь умок омбоцеде нолдазь «Сырнень човалят» валксонть, тонавтнемань пособиянть. Алкукскак, истя парсте, мелень путозь ютавтозь Покшчинть аламодо раужалгавтызь эрзянь келень, сави меремс, авечкемасост.

Ловт, кавто ковонь перть 300 нолдазь книгатне, Мордовиядо башка, срадсть аламонь-аламонь Россиянь келес. Саизь валксонть ломанть, конатнень профессияст кодаяк апак сюлмаво эрзянь келенть марто (врачт, инженерт, ушмодейть, важодицят…). Ансяк интернет вельде сайсть ниленьгемень малава (Москов, Санкт-Петербуг, Ленинградская область, Тольятти, Тюмень, Самара, Пенза, Нижний Новгород, Челяба, Мурманск, Кемерова, Калуга…). Куроксто пачкодсть «Човалятне» Эстононь Мастордо ды Суомиде башка, натой Нидерландов! А вана Отяжонь ды Чаунзань буень эрзянь келень тонавтыцятне ютасть …ваксканзо.

Эрявиксэкс ловизь омбоце нолдазь книганть Дубинькань буень эрзянь келень тонавтыцятне ды библиотекартне. Сынь сайсть 30 экземплярт, лиси, эрьва эрзянь велес совасть эрямо колмонь-колмонь книгат. Те лезды, а мезть кавтолдомс, паролгавтомс чачома келенек ёжонзо, рашты бажамонь мель седе ламо содамс. Ламо вийть, мелявкст-превть вастовоманть ютавтомга путсть Бурнаева Валентина Николаевна, Поваделень куншка школань прявтось, ды школань коллективесь. Мель явсь буень библитекань прявтось Полякова Лидия Михайловна. Лездась парсте ютавтомс истямо, пек чуросто пурнавкшныця, промксонть Дубинькань буень прявтонть полавтыцязо Николай Вениаминович Карасёв. Весенень алов сюкпря. Истятнэнь марто ве мелень-тевень топавтомась вити седей, максы паро мельть ды ёжот.

Нуянь Видяз,

Саран ош



21 февраля - Международный день родного языка

Эйзюрковонь 8-це чись - Тейтерь-авань Чи!

Аванень инжекс. Татьяна Панькина

Авань лембезэ. Татьяна Панькина

АВАДО ВАЛМЕРЕВКСТ

Поваделесэ келень-моронь покшчи!

Песнь о Путине

От губерний -  к подлинным республикам

«Сятко» ды «Мокша» журналтнэнень – 90!

Орден Ине Эрзя!

ПОПЛАВКИ

КТО ВЫ, УЧИТЕЛЯ ЭРЗЯНСКОГО?

Кенгелемань кувтастонть...

Вана истят эрзянь цератне...

Арсемам, монь арсемам… Нуянь Видяз

Родиться, чтобы умереть...Салтанонь Видяз

Пеедькшнемат



главная новости архив номеров ссылки гостевая книга