На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Од книгат!

Заварюхин В. Ю. (Андрей Костюшкин)

Карми валдо чись: стихть, баснят, поэмат. - Саранск: РИЦ ФГБОУ ВО «МГПИ им. М. Е. Евсевьева», 2017. - 104 с. - Эрзя яз.

Заварюхин В. Ю. (Андрей Костюшкин) Будет светлым день: стихи, басни, поэмы.

В сборнике изложены стихи на лирическую тему о жизни, о любви, о своей Родине и бережном отношении к ней.

********************

Заварюхин Вячеслав Юрьевич (Андрей Костюшкин) чачсь 1957-це иестэ чадыковонь 25-це чистэ эрзянь масторонь Покш Березник ёнксонь Судозь веле ало вирень ванстыцянь кудосо. Важодеманзо ушодызе Саран ошонь СИС-ЭВС заводсо. Служась армиясо Кавказонь томбале Персиянть маласо, мезденть мейле одов велявтсь теке таркантень. Шкань ютазь комсомолось кучизе тонавтнеме СССР-нь МВД-нь Обран ошонь покш школав, конань прядомадо мейле велявтсь тиринь масторов ды оймсемав туемазонзо важодсь ОБХСС-сэнь тевтеицякс, теке марто тонавтсь кода чарькодемс минек масторонь койтнень-кирдатнень. Оймсема шкастонзо идесь кандидатонь диссертация историянь коряс. Заварюхин В.Ю. эзь вечке тевтеме аштемс, секскак мольсь тонавтомо Кооперативной институтов. Ульнесь публичной правань кафедрань доцентэкс, ветясь: «криминология», «уголовное право», «уголовный процесс», «криминалистика» ды лият.

Сон нолдась 130-де ламо тонавтнемань ды наукань пусмот, мезенть сонсь пек содылизе, секскак тонавтницятне паро мельсэ вастасть эрьва монографиянзо ды тонавтнема пусмонзо.

Теде башка Заварюхин В.Ю. эзизе стувтне эрямосо лия ёнксонтькак, покш мель путсь сенень, кода седе парсте-ёнсто невтемс тиринь масторонь мазычинзэ, важодемань вечкиця ломанензэ. Тень марто сюлмазь сонзэ меельце нолдавт пусмотне, кода: «Дубёнский район. История. События. Люди» (2008); «Сабанчеево и Мордовские Дубровки. История и современность» (2010); «Сан мон апак учо» (2011); «Тиринь ёнкс» (2012); «Васильковое море» (2014), «Всполохи» (2017); «Четверостишия»(2017).

--------------

КАРМИ ВАЛДО ЧИСЬ!

***

Сыредемась салавине

Вальмазонок вачкодсь.

Теке атине алкине

Вакссозонок пачкодсь.

 

Сыре прясь а кевкстни,

Кодат монь тевень.

Ансяк увныть ловажатне,

Евтыть эйстэст тень.

 

Течи сынь а максыть,

Лазномо пенгтнень.

Ванды, паряк, стяван,

Тейсынь неть тевтнень.

 

Берянь вармат пувасть,

Пизементь тей усксть.

Мадян течи каштлангс,

Лембе кирпець лангс.

 

Стиця валдо валскесь,

Кецявты ёжонть.

Ды Пазось велявтсы,

Туиця одксчинть.

 

Ризнан, кода эрямс,

Сэреди оймесь.

Ансяк парсте эряк,

Тон, монь масторось!

 

Сыречиденть ойман,

Ды пурнави вийсь.

Вадря тевс мон кундан,

Карми валдо чись!

 -------------------

«ЛЕДСЬ МЕЛЕЗЭНЬ ЭСЬ ВЕЛИНЕМ...»

***

Ледсь мелезэнь эсь велинем...

Вирьпотсо кода эринь.

Пандо ало од порынем,

Лей вакссо мон ютавтынь.

 

Тунда учинь ведьпанжома,

Лажны леев мон якинь.

Кал кундылинь апак стома,

Те тевенть мон свал вечкинь.

 

Учинь кенерезь кистыенть,

Вирев чиезь тов капшинь.

Пек вечкинь тантей инзеенть,

Теде вадря мон аздынь...

 

Вечкинь пиземе молема,

Вирьга пангт мейле туильть.

Кочкамс ульнесь покш кецнема,

Пильгень сынсь эйзэст ветнильть.

 

Учинь сексенть малав само,

Виренть теке артыця артыль.

Пештть кочкилинь мон пек ламо,

Истя пертьпельксэсь эйсэнь андыль...



Даволковонь Чачома чинь тешкстыцятне:

Подписка на 1-е полугодие 2018 г.

Россия-начало конца или начало перемен?

ВРЕМЯ ВЫБОРА

ТЕРРОР ПРОТИВ ЛИТЕРАТУРНОГО ЖУРНАЛА «СЯТКО»

Собчак: Татарстан сам должен устанавливать правила изучения татарского языка

Активисты: Школьников Кабардино-Балкарии заставляют отказываться от изучения родных языков

Он слишком много знал. Наталья Зараева

*ПРАКСТАПАЦЯ*

Кенгелемань кувтастонть...

Арсемам, монь арсемам… Нуянь Видяз

Од книгат!

ЭРЗЯНЬ ДЫ МОКШОНЬ НАЦИОНАЛЬНОЙ ДРАМАНЬ ТЕАТРАНЬ АФИШАСЬ

Явдано седейризкс!



главная новости архив номеров ссылки гостевая книга