На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


ЭРЯСКИНЭНЬ ЭРЯМОСТО

ВИКТОРИНА

Мария Фёдоровна классноенек географиянь коряс викториназонок тердизе весе школанть — истя тусь мелезэнзэ сонензэ анокстамонок. Дригув Лёня удалганзо моткодсь истя: келя, минек вийсэ-превсэ директоронть икеле прянзо шнавтсы. Сон истямо, яла алсто сардт вешни. Секс кияк эйсэнзэ а кунсолы, а Шкару Петя натой мерсь тензэ:

— Судозот чапик: эли келеть киртяса, эли пилеть керяса! Витенть...

— Мекс витенть? — талакадсь Лёня.

— Омбоцеде мезе керямс кадовозо!

Мария Фёдоровна эзь ильведе, викторинанок, видеяк, лиссь а берянь. Вейке-вейкенек икельдязь, ёвтнинек, зяро велесэнек лейтнеде, пандотнеде ды лушмотнеде, мекс кизна чись лисни Оскань Чавовт пандонть удалдо, а тельня — Та¬тар латко виренть экшстэ. Аламодо пупордякшнынек клас¬сноенек ве пельде варштазь истямо шожда кевкстемазонзо:

— Козонь каяви Ош пандо алдо ушодовиця Трокс леенть ведезэ?

Содазь, васенцекс кирнявтсь кирдевтеме Лёнянок:

— Козонь, козонь... Трокс леесь Андянь ало пры Эрзя леентень, тозонь каявияк ведезэ!

— Каяви, ансяк а ёми, Эрзя леенть ведензэ марто човоряви ды...

— А-а-а, чарькодинь! Узонтень пры. Узось — Сурантень, Сурась — Равонтень, Равось... Вай, истя Трокс леенть веде¬зэ Каспийганть Иранов мик пачколи?!

— Мейле сувокс кепедеви менелентень, тееви пелекс ды истя велявты мекев Ош пандо алов.

Сехте стака кевкстеманть Мария Фёдоровна кадызе меельцекс:

— Мекс тунда, лопатнень панжовомсто, эрси якшамо, а сёксня, лопатнень прамодо мейле, — лембе, сакшны сёксень кизэ?

Мезть ансяк эзть лапакса ялганок тесэ! Вейкесь мери: телень перть якшамонтень виезэ а ютавтови, секс сон вишка таликанзо кадсы тундос; лембесь секень тейнесы сёксня. Омбоцесь мери: весемесь те аравтозь чинть эждема программазонзо. Дригув Лёня лиякс яволявтсь: келя, истя Пазось мерсь...

Вантано, Мария Фёдоровнань кедензэ натой новольсгь, ёвтазесь а чулгови тензэ. Чарась, чарась, мейле Виряскиннэнь мери:

— Толя, паряк, тон мезеяк ёвтат?

Толянень удалгаяк, икельгаяк минь мерилинек Мохня, кортамо авечкеманзо кисэ, эли Софокл, ламонь содамонзо кисэ. Сон футболсо налксеме натой а тердевиль, зярдо мелезэнзэ туиця книга велькссэ поень чувтынекс тардиль. Тень кис зяроксть идимизь минень-сюнонь викторинасо-пелькстамосо!

Истямс истя, ды мондень башка кияк а содасы, косто То¬лянень сась содамочис истямо а онкстявикс бажамось. Минь сонзэ марто кавонек «пансетяно» классонок сехте мазый тейтерненть, Верьгизкень Маня мельга. Мохня каштмолезь, салава ладсо; мон панжадо, кидеяк апак кекшне. Нама, зярдо Маня мельганзо пансеманок редизе, тердимизь Толя марто ве ёнов ды мери:

— Пелян, тынь курок карматадо кисэнь сеябаран ладсо конядо коняс тостееме, секс мерян: мон седе тов карман мелень явомо эйстэнк седе превеентень.

Теде мейле Толя седеяк пезнавтызе прянзо книгатнес. Ужодо, ней мезть ёвты Мария Фёдоровнань кевкстеманзо каршо? Валонзо учозь, таймазкадынек натой, карво ливти — маряви. Окойники Софокл кортазевсь:

— Ледстяса тенк Ломоносовонь теориянзо, конань коряс виесь-энергиясь костояк а чачи ды ковгак а ёми, сон ансяк вей¬ке лувсто-ёжосто ютакшны кодамояк лияс: чудиведенть виезэ велявты электричествакс, пенгенть виезэ максы лембе...

— Тевентень седе малав! Нетнеде минськак содатано! Тон ёвтык, косто сёксень кизэсь саеви, бути лемдидизь Софоклокс! — пижакадсь таркастонзо кирдевтеме Дригув Лёня.

Толя ёнонзо эзь варштаяк, поладызе ёвтнеманзо:

— Тундаяк, сёксняяк Модас Чистэнть пачкоди секень знярт вий. Тунда панжовомстост лопатне сайсызь эйстэнзэ эсест таликаст, мезесь вети пертьпельксэнь якшавтомас. Сёксня мекевланг: певерезь лопатненень меньгак вий а эряви, секс сынст виень таликаст срады пертьпельксэнть келес ды аламодо эждясы сонзэ, тееви сёксень кизэ.

Видькстамс, истямо эйстэнек киньгак превс эзь сакшно. Аздатано, видеть-аволь Толянь арсеманзо, автень кургт учотано, мезе мери тень каршо Мария Фёдоровна. Маряви, сонгак минек эйстэ аволь пек васов тусь, кевкстни:

— Теде, Толя, костояк ловныть эли...

— Монсь, монсь теньс пачкодинь, Мария Фёдоровна.

— Сестэ... сестэ васня Пензав гайневтян, университетэнь биофаксто кевкстемс эряви...

Эх, а монень савить киртямс киштема таркава яксематне, лиякс, секень вант, ёмавтса оймень эждицям — Верьгизкень Манянь...

Cаезь А.Лежиковонь

«Мезть ульнесть весть» пусмостонть



ЯВЛЯЕТСЯ ЛИ ПРЕЗИДЕНТ РОССИИ ГАРАНТОМ КОНСТИТУЦИИ?

Подписка на I полугодие 2018 г.

Европейский суд коммуницировал жалобу татарского активиста Рафиса Кашапова

Казанский суд отказался вести заседание по делу ВТОЦ на татарском языке

Лидеры по уровню ксенофобского насилия -Санкт-Петербург, Москва и Татарстан

ЭХО НАРОДНОГО ОБРЯДА

От Ишима до Качима

Эрзянь буйтешкс

ЗАШИФРОВАННАЯ РУСИФИКАЦИЯ

Кенгелемань кувтастонть...

АРСЕМАМ, МОНЬ АРСЕМАМ… Нуянь Видяз

Гостевая книга «ЭМ»

Честесь - трудонь коряс!

Казнеть аграрийтненень

ЭРЯСКИНЭНЬ ЭРЯМОСТО

МАНИКСЭЛИНЗЕ...

Явдано седейризкс...



главная новости архив номеров ссылки гостевая книга