На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


АРСЕМАМ, МОНЬ АРСЕМАМ… Нуянь Видяз

Поладкс. Ушодксось "ЭМ"-нь 508-513№№

-----------------------------------------------

НИЛЕ ПИЛЬГЕ ЛАНГСО ЧИЕЗЬ ИКЕЛЕВ?

Кода тоньгак, монь пек талновты ломаненть икелень васолочизэ. Те ансяк неяви, келейстэ, оймень апак полавтне эскели сон икелев – чаньстьсэ пулькиця эрямонтень. Ансяк. Сельменть виевчизэ – неемс сень, мезесь лангсо. Мезесь потсо, нееви ансяк превтненень ды сеяк минень-сюнонь прибор вельде.

Мерят, келейстэ эскелязь мольтяно «валдо икелечинтень»? Видестэ тейтяно ?

Ужо, иля капша.

Ломаненть теке потомсть пилензэ: сон допрок лоткась морамодо. Аволь пек умок куш «Эрде, ялгат, паро ялгат», моронть сергелесть косо-зярдо. Ней сонгак опась. «Авкай, молян мон вирев» моронтькак мекс-бути меельце шкасто «стувтызь» телетне-радиотнеяк. Мекс – эряви арсемс.

Мезекс - содави, неяви сельмень конязьгак. Пугачёватне ды лия «тештне-планетатне» «андтадызь» «талантсост», а кенерят пилеть стявтомо.Ёзак диванонть, зяро мелеть, зярс озамо тарказот а пургондыть пуворькст. Истя телевидениясь, косто а лиснить пугачёватне-галкинтнэ, радио ялганзо марто, яжизь ломаненть морамонь ёрокчинзэ.

Мельганзо текекс потомдыть кургонзо. Вал а максыть ёвтамс, ансяк сынь, ансяк сынь, теле-радио кельтне, кортаст! Тонь теветь – кунсоломс матедевомазот. Чатьмонемадонть, парсте содат, каназкадыть курго сантнэ, коськить пряудемень сормсевкстнэ, лавшомгады келесь. Апак мора, апак корта, апак ловно, ялга апак яка, эрьмеи, ёвтык, ломаненть оймеёжонь ды шумбрачинь утомозо?

«Мекс, ломань, ютавтат стяко эрямот ды теят эсеть эйстэ ниле пильге лангсо эль якиця, парыця ракша? Каня а муеви теть лия, шубрачинь таштыця тев?»- меремаль кардамонь валт идемевсень «ящикентень». Тень кувалма чатьмони. Мерят, пек казямосто лемдия ваномапеленть?

Бути теицязо, ламо масторсо содавикс изобретателесь Заворыкин Владимир Кузьмич (чачь-кассь Муромсо, санганзо, кемеви, чудесь зяро-бути эрзянь верьгак) ловсь сонзэ зыянонь, покш зыянонь кандыцякс, кода лиякс тензэ мерят?

Истя ды, ламонь кувалт, текеде тееви Мода планетанть лангсо азорось киберсапиенсэкс. Ды кода тенень а улемс? Седе вере ёвтазь зыянтнэде «превакшось» лоткась якамо, венелевгак арды урныгайсэнзэ. А кецневти икелечинь те симптомось, а кецневти! Мезес сынь пачтизь ды пачтить, превть яжамс а эряви, чарькодеви аптюконтеньгак.

Кирдеви мельсэнь Солоухин Владимирэнь книгасто вейке эпизоднэ. Эйсэнзэ сёрмадеесь арси, кевкстни эсь прянзо: кить седе сюпавт ульнесть оймеёжосо (ней мерить «духовно»), сонзэ шкань цёратне-аватне, эли тетяст-аваст, покштяст-сыркаест? Ловнокшныя се книганть (аволь, каня, «Мать-и-Мачеха»?) колоньгеменде ламо иеде икеле. Ней арсек, кода полавтовсь неть иетнень перть эрямось ды мезе теевсь гомо сапиенсэнть марто. Пелян: чийнесь ды, сы шка, одс карми чийнеме, бути а лыкамо, ниле пильге лангсо.

Поладксось сы номерсэ.



ЯВЛЯЕТСЯ ЛИ ПРЕЗИДЕНТ РОССИИ ГАРАНТОМ КОНСТИТУЦИИ?

Подписка на I полугодие 2018 г.

Европейский суд коммуницировал жалобу татарского активиста Рафиса Кашапова

Казанский суд отказался вести заседание по делу ВТОЦ на татарском языке

Лидеры по уровню ксенофобского насилия -Санкт-Петербург, Москва и Татарстан

ЭХО НАРОДНОГО ОБРЯДА

От Ишима до Качима

Эрзянь буйтешкс

ЗАШИФРОВАННАЯ РУСИФИКАЦИЯ

Кенгелемань кувтастонть...

АРСЕМАМ, МОНЬ АРСЕМАМ… Нуянь Видяз

Гостевая книга «ЭМ»

Честесь - трудонь коряс!

Казнеть аграрийтненень

ЭРЯСКИНЭНЬ ЭРЯМОСТО

МАНИКСЭЛИНЗЕ...

Явдано седейризкс...



главная новости архив номеров ссылки гостевая книга