На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Эрзянь буйтешкс

Неень шкань эрзянь ёвкске

------------------------------

Ламодо ламо пингень перть эрьва эрзянь буенть, кудораськенть ульнесь эсензэ буйтешксэсэ. Буйтешксэнь максомась ды улемась – эрзянь раськень кезэрендеяк кезэрень кой. Буйтешксэсь максовиль велень промкссо. Ансяк весть. Максовиль атянтень, цёрантень, кона ушодыль-путыль эрзянь од буе. Седе тов буйтешксэсь максовиль буень од цёратненень, зярдо сынь касыльть 16-18 иес, зярдо сынь урьвакстыльть ды теильть башка кудораське ды кудо-кардаз.

Мезекс эрявиль эрзянь буйтешксэсь? Васняяк, эрзянь раськень буень коень-илань ванстомга ды од кирдакстнэнень (поколение) максомга. Буйтешксэсь путовиль: кудо коняс, утом кенкшс, кардос, ортас, вальма лазс, эрямопарьс, нешкес, кильдемкас, нурдс, озокс, крандайс-орабас, сокас, изамос, важодема кедьёнксос, ярсамонь-симемань кедьёнксос, кудо ракшань пилес. Эйсэнзэ тешкстыльть вирень керямо ды тикшень ледема таркатнень, паксятнень, калонь кундамо таркатнень, буентень явозь модатнень ды вирьтнень.

Эрзянь аватне эсь буень чешксэнть викшнильть коня пангос, руцяс, покайс, панарс. Пек мазыйстэ ды неявиксстэ. Викшнезь буйтешксэнть коряс эрьва эрзясь содавиль, кинь сон, кодамо велень, кодамо буень. Улема, ульнесть аволь ансяк буйтешкст, арсян, ульнесь велень чешксткак. Ансяк теде те шкас кияк эзь арсе ды эзь пурна содамопурнавкст.

Куломадо мейле буйтешксэсь пачк путовиль калмо лангонь палманьс. Те коесь ванстовсь мик неень шкань 20-це пингес. Ней сон састыне ёми. Буйтешксэнь ванстомась-путнемась кармась ёмамо советэнь кирдивиень шкастонть, зярдо кармась нельгевеме эрзятнень кедьстэ модась, виресь, паксятне, ракшатне. Буйтешксэнь путнемась-кирдемась ульнесь аволь ансяк Эрзя раськенть. Сон ульнесь весе малавикс кельсэ кортыця раськетненьгак. Россия кирдимасторонь раськетне ёмавтыть те коенть. А вана эсь мельсэ-олясо эриця раськетне мекевланк, пек ванстыть те мазый ды эрявикс коенть.

Сеедьстэ ледстнян Sven Lokka ялгам, кона вете иеть теде икеле тусь Тоначив. Сон невтнизе тень эсь буйтешксэнзэ: пенька (апак тарга мукорь). Суомитне эсь буечешксэст ней теить мазылгавтозь, стувор ланга ацавиця коцткень кондямокс. Эли стенас поводевицякс. Сынь казить буйтешксэст эрьва цёрынентень, кона касы цёрань иес: содамокс, коень ванстомакс, эсь буень каштанчикс. Ютасть иеть, зярдо Sven Lokka ёвтнесь теде тень. Кунсолынь сонзэ мельспаросо ды саинь мелезэнь. Секскак сынь истямо мельс-арсемас: - «Мекс эрзятненень а вельмевтемс одс эсь буйтешксэнь путома-ванстома коенть?»

Коесь пек мазый. Эйсэнзэ – раськень вечкема, эсь раськень каштанчи. Секскак арсинь-теинь ды вешинь Алёшин Паолонь, пек паро эрзянь артыдеенть, теемс тень эсь буйтешксэнь коцткес артовкс. Эсь буйтешксэнть мон парсте содаса эйкакшпингестэ саезь: минек буечешксэсь – ОРТАТ. Сонзэ тень невтизе вишка пингстэ Андрей покштям. Ней мон карман ванстомонзо. Анокстаса сонзэ казнекс-ванстомкакс Пичай ды Бажат ласькенстэнь (нуцьканстэнь). Кадык сыньгак ванстсызь ды мейле макссызь эсь цёранстэст.

Паряк, лия эрзятнеяк теить эстест истят стувор ланга сравтневиця буйтешксэнь коцткеть? Сестэ Эрзя раськенек а ёми...

Эрюш Вежай



ЯВЛЯЕТСЯ ЛИ ПРЕЗИДЕНТ РОССИИ ГАРАНТОМ КОНСТИТУЦИИ?

Подписка на I полугодие 2018 г.

Европейский суд коммуницировал жалобу татарского активиста Рафиса Кашапова

Казанский суд отказался вести заседание по делу ВТОЦ на татарском языке

Лидеры по уровню ксенофобского насилия -Санкт-Петербург, Москва и Татарстан

ЭХО НАРОДНОГО ОБРЯДА

От Ишима до Качима

Эрзянь буйтешкс

ЗАШИФРОВАННАЯ РУСИФИКАЦИЯ

Кенгелемань кувтастонть...

АРСЕМАМ, МОНЬ АРСЕМАМ… Нуянь Видяз

Гостевая книга «ЭМ»

Честесь - трудонь коряс!

Казнеть аграрийтненень

ЭРЯСКИНЭНЬ ЭРЯМОСТО

МАНИКСЭЛИНЗЕ...

Явдано седейризкс...



главная новости архив номеров ссылки гостевая книга