На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


ЭРЯСКИНЭНЬ ЭРЯМОСТО. Мацьказонь Лёфай

Аванькс вий

---

Бабазо кучизе Эряскинэнь шабрав, Матя бабанень: кадык, келя, сы тенек. Цёрынесь кавксть-колмоксть серьгедизе Матя бабань вальмалдо, ансяк каршонзо а куш а каш. «Секень вант, а мари», — арсесь цёрынесь ды совась кудос.

Кияк арась. Паряк, Матя баба каськас совась? Арась, каська кенкшесь пекстазь. Эряскин уш туиксэль, кода каштлангсто марясь:

- Ме-ке-ке-ке!

Цёрынесь варштась вайгеленть пелев ды натой озавсь, тандадомадонть черензэяк дубушки стясть — каштлангсто пряст венстизь... сюро марто кавто шайтянлевкст! Ансяк нерест мекс-бути ашот.

Эряскин седе курок ношкcтась кенкшканть.

- Бабай! Матя бабань кудосо идемевсть! — ульнесть васенце валонзо. — Сюро мартот! Кавонест ашот!

Зярдо нуцькат-бабат пачкодсть Матя бабань кузтемпес, тонаськак велявтсь косто-бути, кудос совамодо икеле нардтнесь поровт икеле рудазов кемензэ. Цёрыненть ёвтнеманзо кунсолозь, Матя баба вачкодинзе кедензэ:

- Вай, ды неть аволь сеялевкст, виде-паро идемевсть! Кода сынь каштлангс кузевсть? Тозонь парьсэ чапаксонть кепетеме кузтия, почттнэяк тоскольть... Весементь, нать, почаксызь, прах саевлинзе!

***

Чееренькарькс

---

Весть бабазо мери Эряскиннэнь:

- Нуцькам, весе пиренть чееренькарькс керьксызе. Лездака сонзэ кочкомс — эмежтне иляст каназкадо.

Эряскин бойкинестэ чийсь пирев ваномо, кодамо сон, се карьксэсь, ды мезекс эряви чеерентень.

Зяро эзь тапа пиренть, меньгак карькс эзь муе. Касовкстнэнь пачк редявсь ашо баягине-цецькине марто кувака нетькс тикшесь.

Мекс эзь редяво цёрынентень чееренькарьксэсь?

Пирев яксесь ансяк сестэ, зярдо мелезэль сеземс куяр эли таргамс морков.

***

Артексэ

---

Эряскин пурнась сехте ламо макулатура, ды тень кис кучизь Артекев. Тосо кодамо ансяк масторсто арасельть пакшат!

Весть чопоньпелев, зярдо весе оймсесть моря чиресэ, Ай-Петри пандонть экшстэ менелентень пурнавсь покш пель, конась пек мольсь мараля ёнов: шлёмозо цитни, судозо теке цётмар, сакалонзо шержейть. Пионервожатоесь кепедизе прянзо верев ды мерсь:

- Эрьга, пакшат, ёвтынк, кода богатыренть лемезэ?

- Робин Гуд! - мерсь Англиясто цёрынесь.

- Илья Муромец! - серьгедсь москвичесь.

- Вук Стойвыч, - пшкадсь хорваткась.

- Калев, — мерсь эстонкась.

- Кесик-баш, - ёвтызе валонзо Казаньстэ Ахметка. Пионервожатоесь учозь ладсо варштась Эряскинэнь пелев.

- Алёша Попович, - ёвтызе сон рузонь маралянть лемензэ.

---

Cаезь А.Лежиковонь «Мезть ульнесть весть» пусмостонть



Од ие марто, мельвановикс ловныцят!

Подписка на 1-е полугодие 2018 г.

Эрзя года - 2017

Сказ про то, как Меркушкин Кремлю служит

Улыбочку!

ЧЕТВЕРТЬ ВЕКА МУЗЕЮ

«История и культура древних удмуртов»

Культурная столица 2019 года

В собственном соку или уникальный опыт «поддержки» национальной культуры в РМ

ШУМБРАТ, ОД ИЕ!

ЭРЯСКИНЭНЬ ЭРЯМОСТО. Мацьказонь Лёфай

Литовантень – 20 иеть

Сёрма Дригань Толайнень

Арсемам, монь арсемам… Нуянь Видяз

Явдано седейризкс!



главная новости архив номеров ссылки гостевая книга