На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


ШУМБРАТ, ОД ИЕ!

Васень лов. Маризь Кемаль

---

Чинзэ стямсто монгак стинь

Ды ушов чиезь ношкстынь:

Вай, паксянок ёмасть ков?

Пертьпельганок сравтовсь лов!

 

Латось – ашо, пиресь – ашо,

Чувттнэнь прява – манкань каша…

Вана мекс шержей варакась

Исяк чокшнэ карнозь ракась!

***

ТЕЛЕНЬ BE. Татьяна Мокшанова

---

Телень весь сравтынзе шержей чертнень,

Ташто пирявт алов оймась ловось.

Апак капша курго авти ковось,

Нолды стакалгадозь сельмекертнень.

 

Мерят свал сон аштесь виренть велькссэ,

Эсь нурсемань моронь коцтонть кодазь,

Конань эйстэ таго уды модась,

Ловонь вельтявкс ало чевтьстэ лекси.

 

Ононь лопат масторось велявтни,

Кельме коштсонть каштмолемась нурси,

Сиянь лекшсэ тарьксэсь чувттнэнь пургси,

Зярс ковось нузялдозь курго автни.

 

Менель келес тештев паця каязь.

Таго монень а педи удомась.

Прянек вень мазый моронтень ваязь,

Яла бажан тонь онозот ёмамс.

 

А коласа, кольнезь, сэтьме ёжот,

Мелем — лембекс седейзэть валовомс.

Зярдо тешттне теке цецят ожот,

Мерть онозот совамс ды кадовомс.

***

ШУМБРАТ, ОД ИЕ!Николай Ишуткин

---

Шкась уцорсо айги, чии,

Вана таго сыть, Од ие!

Кецни тонеть эрьва кие:

— Шумбрат, вечкевикс Од ие!

Астяко тонь эйсэ учнить —

Кемемат весенень кучнят.

Од арсемат, од бажамот

Кандтнят тон миненек ламо.

Казнят весенень тештинеть —

Кинень покшт, кинень вишкинеть.

Гайтев морыне серьгелят,

Гувны тол седейс верьгелят.

Бажамонок лиезь лиить.

Ютак икелев, Од ие!

Ульть весенень тон шождынекс,

Валдо уцяскань кандыекс.

Весе апарось айгезэ,

Леметь виевстэ гайгезэ!

Кецни тонеть эрьва кие:

— Шумбрат, вечкевикс Од ие!

***

МОРО ТАШТО КШУМАНЦЯДО. Римма Жегалина

(Моравксось «Вай, луга, луга» раськень моронть)

Пек умонь велесь Ташто Кшуманцясь,

Кезэрень велесь - эрзянь Кшуманцясь.

Мейсэ содавикс те эрзянь велесь?

Мейсэ марявикс Ташто Кшуманцясь?

Вадря ломаньсэ те велесь сюпав.

Инжень вечкицякс велинесь марявсь.

Эрьва иестэ веленть куншкасо

Пурнавкшныть эрзят - коень кирдицят.

Эрьва кизэстэ озкске ютавтыть,

Эрзянь ломантнень озномо тердить.

Ледстнить кулозтнень, кортыть ютазденть,

Мелявксост, ризксэст, арсемаст невтьсызь.

Букине печкить, ярсамне пидить,

Пуреть-брагинеть аватне теить.

Морсить ды киштить, зярс мелест сатыть,

Седейшкавань валт ютковаст кортыть.

Вана кодамо те эрзянь велесь,

Кезэрень велесь - Ташто Кшуманцясь.



Од ие марто, мельвановикс ловныцят!

Подписка на 1-е полугодие 2018 г.

Эрзя года - 2017

Сказ про то, как Меркушкин Кремлю служит

Улыбочку!

ЧЕТВЕРТЬ ВЕКА МУЗЕЮ

«История и культура древних удмуртов»

Культурная столица 2019 года

В собственном соку или уникальный опыт «поддержки» национальной культуры в РМ

ШУМБРАТ, ОД ИЕ!

ЭРЯСКИНЭНЬ ЭРЯМОСТО. Мацьказонь Лёфай

Литовантень – 20 иеть

Сёрма Дригань Толайнень

Арсемам, монь арсемам… Нуянь Видяз

Явдано седейризкс!



главная новости архив номеров ссылки гостевая книга