На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Кода эрить минек ломантне Финляндиясо?

Искусствоведэсь Светлана эрясь ды важодсь Московсо, мейле уцяскась пачтизе сонзэ Хельсинкив, ды сон ёвтни, кода эрить рузтнэ те якшамо масторсонть:

- Улить ломанть, конатне арсить туемс эрямо омбо мастеров, мон аволь сынст юткссто. Мон вечкса Московонть ды овсе эзинь арсе тосто туемс. Ансяк тень савсь лисемс мирденень омбо масторонь цёранень ды колмо иень ютазь сонензэ эрявсь туемс тонавтнеме Финляндияв. Нама, монень савсь туемс мартонзо.

***************************

Финнэнь эйкаштне а пелить мездеяк. Московдо мейле арсинь, понган якшамо масторс, косо ламо лов. Ансяк тесэ тельня лов а неят, седе ламо пиземеть ды кельме вармат. Тосонь эйкакштне теде а пелить, сынь яксить ушова чинь-чоп. Эйдень кужосо ушов а лисить ансяк сестэ, зярдо якшавты 25 градусс. Кизна эйкакштне секе-тев экшелить кельме Балтикань иневедьсэнть. Китнень ланга сынь яксить кепе, ды тетятне-аватне а пелить ормалгадомадост.

Тесэ телесь ушодови рана. Сундерьковсто саезь эйзюрковс обедтэ мейле колмо чассто уш чопода, ды финнтнэ неть ковтнестэ бажить туемс лембе масторов.

Кизэкс тесэ лововить читне, зярдо перть-пельксэсь эжи 15 градусс, ды весе кармить яксеме шортасо. 25 градустнэ тенст марявить уш пек псикс.

Эйдень кужось. Цёрынем якси эйдень кужов, ды сынь тосо чуросто тонавтнить валморот эли яксить стройсэ утренникев. Седе пек тосо налксить ды яксить ушова. Мон абунгалинь, тосонь тетятне-аватне пандыть эйдень кужонть кисэ зняро, зяро сынст ярмакост. Секскак сехте беряньстэ эрицятнеяк бажить ветнемс эйдест паро кужов.

Ютасть кото иеть, кода сынь тей, ды ней уш а янксян. Арсян, монь кудом тосо, косо семиям.

Васенце мелявкстнэ. Финляндияв туемадо икеле кавтошка иеть якинь финнэнь келень курсав Московсо. Финляндиясо жо минь васняяк кортынек англань кельсэ. Мейле седе пек карминь кортамо мирдем марто рузокс, келенть аволизе стувто. Вишка цёрынемгак ней корты финнэкс, рузонь келесь тензэ зярс маряви стакакс. Мон кевкстнян эйсэнзэ рузокс, сон лиясто каршон корты финнэкс.

Весе ломантне явовить вейкест-вейкест эйстэ. Финнтнэнь бу лемдевлинь сехте а кенгелиця ды паро коень кирдиця раськекс. Бути тесэ кияк муи празь кошелёк, сонзэ мекев велявтсызь азоронтень. Бути лавкасо финнэсь орши кодамояк панар ды ёртсы лався лангс, истят тевть тесэ а эрсить. Финнэсь путсы панаронть тарказонзо ды весе витнесы, кода эряви. Монь мирдем, бути неи празь конёв, сеске кепедьсы ды ёртсы шукшонь ведрас.

Сэтьмечинь мастор. Мезесь васняяк дивавты Финляндиясо - те сэтьмечись. Бути Московсо чинь-чоп ардыть машинат, Хельсинкисэ - ансяк кой-зярдо. Минек кудонь вальмасто маряви вармань, пиземень шалт ды яксяргонь сееремат. Тесэнь метросояк а неят ламо ломанть. Кото иес минь полавтынек кавто квартират, эйкакшом чачомадо мейле муинек эрьке ды вирь чиресэ эрямо тарка. Метронтень тосто ардтано 8 минутат. Кудонть вакссо ули пляж ды эмежень путомс мода. Мон лиснян копёр мельга кепе ды дивсян, эдь эрян прявтошсо, конась моли рай ёнов.

Эрямо таркась. Финнтнэ зярдояк а рамсить квартират сеске, сынь сайнить ипотекань кредит. Миньгак саинек квартира ды кредит 2,5 процентс. Колмо комнатань квартирась иневедь чиресэ тенек стясь 260 тёжат еврот. Бути ули меленк саемс квартира арендас, сестэ сонзэ питнезз - 500-800 еврот.

Минек кудосо эрить финнт, эстонецт, аргентинецт ды рузт. Весе сынь панжадо ойме ломанть ды пек чевте седейть. Кудось ашти «п» буквакс ды оймсема читнестэ кудо икельганть свал ютавтнить субботникть. Эрицятне урядыть киланготнень, озавтнить цецят, раужо шукшторовт, полавтнить чуваронть эйкакшонь площадкасонть.

Весе супермаркеттнэсэ ярсамопельтнень лангс питнетне вейкеть, ков бу а совавлить. Недлязонзо сави рамсемс 60-70 евронь питне. Танстест ярсамопельтнень пек вадрят ды тесэ ламо вегетарианской ярсамопельть.

Финнтнэ - спортонь вечкиця раське. Валске рана тесэ весе чийнить. Тельня сыре покштятне-бабатне секе-тев кирякстнить сокссо 20 вайгельпеть.

Саезь «Эрзянь правда» газетасто



ЧТО ДАЛ ЭРЗЯНАМ СЪЕЗД ПРОШЕДШИЙ?

Каталония...

Подписка на 1-е полугодие 2018 г.

Назначение боярина Волкова

Лапша на уши!

ПОДМАРЬ – рузокс «булочка»?

Ономастика – это часть нашей истории

Власти Марий Эл не знают, на что содержать маркеловские храмы

Филатов – продолжатель дела Степана Эрьзи

Арсемам, монь арсемам… Нуянь Видяз

Кода эрить минек ломантне Финляндиясо?

«Азор» - васенце эрзянь кинофильма!

Эрзянь кельсэ васенце кино

Мелень ёвтамо.



главная новости архив номеров ссылки гостевая книга