На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Арсемам, монь арсемам… Нуянь Видяз

ОЙМАК, КАДЫК ТЕВЕТЬ!

Аволь вейкень-омбоцень пельде пачколесь пилезэнь: кадык теветь, кадык, саты теть, оймсек. Те истя превть тень максыть: лоткамс каштордомадо, теке чеерь, конёвтнесэ, газетань, книгань пень а содыця тевтнесэ. А содыть, конёвтнень велькссэ нурнемась – те мон, монь седеем. Эсеть эйстэ, кода кортави, ковгак а туят. Кардыть тень эйстэ, конань лемезэ монь туртов –эрямо. «Каштордомавтомонть» а содан кода улемс, мезе теемс. А арситькак, «лездамонь» валсост кармавтыть удалёнт велявтомс эрямонь смустьстэнь ды, лиси, ильтить Тов, косто мекев ветиця ки арась.

Кой-кить майсевить, седе сеедьстэ, пенсияв туемстэ; стака тенст явовомс свалшкань, тонадовикс, кадык малавгак аволь шкинемань, тевест марто. Мезть кортамс сестэ покш эли вишкине талант марто ломантнеде.

Превень максыцятненень тунь а чарькодеви, мезе карман тееме, саиндеряса кирьгастом эсь олясо каязь сивексэнть - конёвтнень велькссэ эрьва чинь нурямонь тевень. Кизна эно, прянтень оймсемань таркас, лисян ушов; саян-автордан койме, ангорь эли мезеяк лия. А шлёберькай рудазов сёксня, тельня мезе кармавлинь тееме? Час мельга час полгарьгавтнеме сельметь «чаво пря» ящикенть лангс ванозь? Тов, тозонь, косо човсить, прянь шназь, келест? Эли, паряк, сэставомс диван лангс ды чинь-чоп, мейле чокшнеяк полавтнемс бокат?

Мезе, пародо башка, човоряви, мезе нерьгеви ломантнень удемс самай те ящикенть вельде, превскак а саеви. Теке марто, кадык аволь весенень, чарькодеви: таргить кунсолыцятнень колгансто, кода тунда килейтнестэ ведь, удем нейронтнэнь, калавтыть ломаненть, Россиянть икелечинзэ. Ансяк «калавтомадо» кортамось лия темань.

Историянь уроктне – а урокт

Монь удомам сезнить газетанть (ЭМ-ть) стакасто, кижнэзь лексемазо, виень кирдийтнень нулгодькс тевест – а максомс тензэ кошт. Теде башка, стявтсть, кадык анеявикс, кшнинь пирявкс - а нолдамс омбоцеде «Сырнень човалят» валксонть. Весемеде пек лажны-аварди седеем неезденть, кода туи, кадозь кады эйсэнек чачома келенек. Неемс неян, а теемс кодамояк вельмевтиця, кодамояк лезэв тевне тень а тееви - а максыть…Чумось - покш ды вишкине кабинетэнь прявтнэ.

Берянь, пек берянь: сыненст историянть уроконзо – а урокт. Прок арасельтькак. Кадсть оймевтеме, Тов ильтясть колоньгемень малава миллионт. Ней тень неенцетне марыть, вачкить коммунистнэнь лангс. Те, келя, сынь зняро верь валсть. Ды те – виде. Эно мекс течинь чис лангсост суд арасель? Лиси, коммунистнэ а чумот? Сестэ кить? Аймельгадат: ве ломанень маштомань кис судиятне макснить комсь малава иеть, а зярыя миллиононь маштыцятненень - казнеть ды покш лемть.А омбоце Микилаень (ламо миллионт ильтясь тоначив) мик «святоекс» лемдизь

Кода ней, кавксоньгемень иень ютазь? Арась, се якстере уроконть течинь «большевиктне» урококс а ловить. Текень, ансяк аламнеде лиякс артозь, теить, теке арасельгак 1941-це иень урокось. Нейгак «Калашниковнень» тев мукшныть. Сондензэ башка мусть седеяк виев «леднемапель» - оймень костямо. Эрзянь келенть лангс каявсть вачо верьгизэкс; «човалятнень» каршо стявтозь пирявксось, кургонь потомдомась ды лиятне-мезтне – те улияк оймень костямо-саема.

70-80 иеде икелень зыянось онкстневсь врадовтозьсэ. Мейсэ, кодамо онкстсо карми онкставомо неенцесь? 30-це иетнестэ враги народа, алкуксонь ятт-врагтне, сайнесть ойме «врагов народа», ней ойметь а саить – чамдыть ойме. Мезес те пачтясамизь? Илязо пачкоде… 40-це иетнень Германия мартонцесь. Паряк, …масторонь каладомас? Кие соды… Монень теде уш а содамс. Мондень мейле неть тевтне кармить теевеме. Тувтал ды поладкс (причина и следствие) философиянь коенть кияк эзизе полавто ды зярдояк а полавтови. Секскак питне карми максовомо..

Самай теде истя сеедьстэ содавтни умоктояк умок шержей прям навола-кельме мелесь.

***

Поладксось сы номерсэ.



ЧТО ДАЛ ЭРЗЯНАМ СЪЕЗД ПРОШЕДШИЙ?

Каталония...

Подписка на 1-е полугодие 2018 г.

Назначение боярина Волкова

Лапша на уши!

ПОДМАРЬ – рузокс «булочка»?

Ономастика – это часть нашей истории

Власти Марий Эл не знают, на что содержать маркеловские храмы

Филатов – продолжатель дела Степана Эрьзи

Арсемам, монь арсемам… Нуянь Видяз

Кода эрить минек ломантне Финляндиясо?

«Азор» - васенце эрзянь кинофильма!

Эрзянь кельсэ васенце кино

Мелень ёвтамо.



главная новости архив номеров ссылки гостевая книга