На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


ПОДМАРЬ – рузокс «булочка»?

Эрзянь валтнэде мельть-арсемат

Минек велесэ ули буелем ПОДМАРЁВ. Юрозо эрзянь. Кувать арасельть кодаткак видечис пракшныця мельть превсэм: кодамо валсто теезель те буелемесь?

Ланга ванозь, сон теезь рузонь ПОД педявтвалстонть (приставка) ды МАРЬ эрзянь валстонть.

Ансяк… Мейсь эрзятненень МАРЬ эрзянь валонтень педявтомс ПОД рузонь валпелькскенть?! Теньсэ кодамояк логика, койсэм, арась. Арсинь-теинь ды сынь вана истямо мельс: ПОД – тесэ аволь рузонь ПОД приставкась.

ПОД – те эрзянь ПОД валось, каштомонь «кияксось», конантень эрзякс мерить ПОД.

Сестэ лиси: эрзянь кельсэ ульнесь ПОДМАРЬ валось, конаньстэ теезь рузонь сёрмадомалувсо ПОДМАРЁВ буелемесь-фамилиясь. Ансяк течис минь стувтынек сонзэ зэмензэ-смустензэ. Мезть тейнемс? Койсэм, сонзэ, те мазый эрзянь валонть, эряви велявтомс неень шкань эрзянь келезэнек. Эрьва эрзянь валось – сырнень питне миненек.

Ёвтаса эсень мелем ПОДМАРЬ валонть кувалма. Койсэм, сон теезель кавто эрзянь валсто: ПОД+МАРЬ. Истя теезь истят эрзянь содавикс кезэрень валтнэ: УМАРЬ (УМА+МАРЬ), ЧЕЙМАРЬ (ЧЕЙ+МАРЬ), ОВТУМАРЬ (ОВТО+МАРЬ)…

Неть валтнэнь лангс ванозь сынь мельс: ПОДМАРЬ, те кезэрень шкасто ульнесь мезияк, мезесь панезель каштомсо, ПОД лангсо. Ланга ванозь, те паневксэсь мольсь кодамояк МАРЬ лангс. Секскак седикелень превей эрзятне лемдизь се паневксэнть ПОДМАРЬ валсо.  Ютасть шкат. ПОДМАРЬ валось эрий эрзянь кельстэнть нардавсь. Кадовсь сон ансяк минек велесэ ПОДМАРЁВ буелемсэнть-фамилиясонть. Секскак, неень шкань эрзятнень эрявикс тевест – велявтомс ПОДМАРЬ кезэрень валонть неень шкань эрзянь кельс. Кодамо смусть-зэмесэ? Эряви арсемс теде, вечкевикс эрзят. Кадык теде арсить васняяк эрзянь кельсодыйтне, доктортнэ-кандидаттнэ.

Мон, кода беряньстэ эрзянь келень содыцясь, ёвтаса ансяк эсень шождапрев арсемам. Койсэм, ПОДМАРЬ валось рузонь кельс ютавтовиль седикеле кода БУЛКА, БУЛОЧКА, САЙКА…

Арсян, кеман, мондень превей эрзятне седе превейстэ ютавт- сызь ПОДМАРЬ эрзянь валонть рузонь кельс. Ютавтодо, эрзят! Учан валдо превень меленк!

Эрюш Вежай

--------------------------

Вана кода арси те валдонть В.Даль:

ПОД м.пол, низ, земь, настилка долу, дно, печной под.

подмар м. каз., вернее поднарь, коник,койник (койка), кутник, прилавок в избе у дверей, подмарть, моск. яросл.

подмарь и подмарица влад. пономарь, пономарица, -иха.

марь растение, лебеда

койка ж. (покой, покоиться) костр.  постель, ложе; арх. кровать, лавка (вастневи допрок лия питнечисэ).

С.Ожеговонь валкссо сёрмадозь:

ПОД, -а, о поде, на поду, м.нижняя поверхность в печи.

Ожеговонь валкссо подмарь валось арась, арась марь валоськак. Те кадык чирьстэ-чирестэ ледстни: валось аволь рузонь. Эрзякс подось каштом киякс,  суоминь кельсэ каштом киякс- arina, uuninpohja. Совсинь интернетс. Дальде башка лия мезеяк эзинь муе. Эряви сокарямс-вешнемс лия валкстнэва. Ваннозь таркатнень лангс нежедезь истя мерян: подмарь валось педе-пес а мерят эрзянь, теке марто, аволь рузоньгак. Вешнеде, ялгат! Паряк, Фасмер мезеяк ёвты?

Нуянь Видяз



ЧТО ДАЛ ЭРЗЯНАМ СЪЕЗД ПРОШЕДШИЙ?

Каталония...

Подписка на 1-е полугодие 2018 г.

Назначение боярина Волкова

Лапша на уши!

ПОДМАРЬ – рузокс «булочка»?

Ономастика – это часть нашей истории

Власти Марий Эл не знают, на что содержать маркеловские храмы

Филатов – продолжатель дела Степана Эрьзи

Арсемам, монь арсемам… Нуянь Видяз

Кода эрить минек ломантне Финляндиясо?

«Азор» - васенце эрзянь кинофильма!

Эрзянь кельсэ васенце кино

Мелень ёвтамо.



главная новости архив номеров ссылки гостевая книга