На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


КОДА ПОПОНТЬ ЛИКШАЗО МЕКЕВ СТЯСЬ

(Эрзянь ёвксонь коряс налксема)

****

НАЛКСИЦЯТНЕ:

Поп, попава, важо, ледиця.

----------------

П о п о с ь. Осподи-Сусе, ликшам кенерсь, эряви седе курок ледемс, вармась илясо чука. Костояк ломань сиведема. (Серьгеди важонтень.) Петра, совака, кармавтомам ули. (Важонть совамодо мейле). Мук тон монень ледиця ломань.

В а ж о с ь. Муян, бачка, мекс а муян. (Туи ды сы ломань марто).

П о п о с ь. Тон маштат ликшань ледеме?

Л е д и ц я с ь. Эль эно а маштан? Тезэнь ламо превть а эрявить.

П о п о с ь. Кавоненк 100 соткатне чоп ледевить?

Л е д и ц я сь. Мекс, бачка, чоп? Минь пельчис ледьсынек. Кавонеть 100 соткатнесэ чоп мезть тейнят?

П о п о с ь. Коли вадрясто ледьсынк, тонеть мон раман кавто суликат вина ды максан калаця, ансяк парсте теинк.

Л е д и ц я с ь. Ды уш иля мелявто, бачка, тейсынек!

Важось ды ледицясь пелюмаст марто састь паксяв, кавксть-колмоксть юхадсть ды озасть.

Л е д и ц я с ь. Ярь, эно ледемадо икеле симтяно пенчень пенч. (Нуртясть, симсть.)

В а ж о с ь. Те та-мекс ковгак эзь пачкоде, аламо, каяк таго. (Симить.)

Л е д и ц я с ь. Попось тунь превстэ лиссь: кавтонеть чоп 100 соткат ледевтевель! (Симить.) Ней ёжось седе вадрялгадсь! (Ушоды морамо).

Толбандинем гувнозь палы,

Сятктнэ ливтить ды мадить.

Вармань ялткесь мором салы,

Валтнэ менельга срадыть.

В а ж о с ь (мородонть мейле). Эх, паро морось! Ансяк вана эштё мезе-бути а саты (ванны чаво суликатнень).

Л е д и ц я с ь. Ней мадтяно. Ликшанть мезеяк а сэвсы, кадык эште аламос кенери. (Корныть паксянть келес).

В а ж о с ь. (сыргози). Эй, стяка, чизэ эль валги!

Л е д и ц я сь. (кургонь автнезь). Кадык валги. Минь мольтяно ды мертяно: ледевсь. (Ванкшны чаво суликатнень). Петнявксак эзь кадово, прясь, секень вант, лазови. Адя кудов. (Туить.)

П о п о с ь (моравты). Отче наш, иже еси...

Те шкане совить важось ды ледицясь.

В а ж о с ь. (тошки). Марясак, пиже, келя, весе. Паряк, мер¬тяно, эзинек леде, эзь кенере?

П о п о с ь. (рединзе). Ледевсь ликшась?

Л е д и ц я с ь. Анок, бачка!

П о п о с ь. Паро, Осподи-Сусе! Ней вана ярмакткак пандтано, калацяяк макстано. (Максы.)

Л е д и ц я сь. Бачка, ледемкась ламоль. Сизинек пек. Тувонь сывельне а берянь улевель аламнешка максомс.

П о п о с ь. Ужо матушканть кевкстьса. (Важонтень.) Тердика сонзэ. (Сови попавась). Ледицясь тувонь сывель веши, макстано?

П о п а в а с ь. Мезень кис?! Мезень кис макссак сывеленть!

Зяро ярмакт максыть, калаця пряка, вина ды мик сывель веши! Иля максне мезеяк, туи истякак!

Л е д и ц я с ь. Я, бачка, коли эзить максо сывель, паз мерезэ ликшантень мекев стямс. (Туи).

П о п о с ь (важонтень). Мезть истя баси те ломанесь?

В а ж о с ь. Ох, бачка, сон паро орожия. Мезе мери, весе истя лиси.

П о п о с ь. Адяка ликшанть вансынек!

Туить. Be ёндо маряви попонть вайкснемазо: «Вай, вай, мезе теинь! Максомаль тензэ тувонь сывелесь!» Попось сы кудов, каяви попаванть лангс.

П о п о с ь. Шайтян тонь кевкстни эйсэть! Омбоцеде торла кунсолотан! Вана эзинек максо тензэ сывель, ликшась мекев стясь! (Дуци попаванть удалксонть ланга).

-------------

Маризь Кемаль «Масторов нолдасынек

сюкпрянок...»



Ёмавкс раськенек туртов...

Раужо куля копачимизь минек...

ИСКОВОЕ ЗАЯВЛЕНИЕ

ОБЪЕДИНЕННЫЕ АРАБСКИЕ ЭМИРАТЫ.

*СЁРМАДСТОМА * CЁРМАДСТОМА*СЁРМАДСТОМА*

ПОЧЕМУ САМАРА – НЕ САРАНСК

РЕСПУБЛИКА КАРЕЛИЯ - В КНИГУ РЕКОРДОВ ГИННЕСА

«Эрзянская Родина - Эрзянь Мастор!»

ЧЕМУ УДИВИЛИСЬ ЭСТОНЦЫ

Фестиваль финно-угорской кухни в Удмуртии

Кавто одирьват. ЁВТНЕМА. Дригань Толай

КОДА ПОПОНТЬ ЛИКШАЗО МЕКЕВ СТЯСЬ

Пеедькшнемат

Стихи. Александр Шаронов



главная новости архив номеров ссылки гостевая книга