На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Кавто одирьват. ЁВТНЕМА. Дригань Толай

Аватнеде минек масторпурнавкссонть цёратнень коряс кемень миллиондо седе ламо. А вана снартт те аваломанень ушмостонть эстеть пола вешнемс - сеске а муят. Ансяк эрси истяяк, кода лиссь эсень марто.

Лия буень эрзянь велестэ энялдома марто ардсь тень ашо «Тойотасо» содавиксэм - эрзянь алясь Сёрмав Михал.

- Толай леляй, - мери, - тонеть эряви Пронявелень клубсо вастовомс минек эрицятнень марто, ёвтнемс эрзянь раськенть эрямодонзо, ловномс тенст чачома кельсэ эсеть ёвтнемат, эсеть эйстэяк ёвтнят. Пек кецявтымим тердема-зо, сюкпрянь ёвтазь, кутмордыя Михалонь:

- Ялакскем, мон нейке пурнан, ды сыргатано. Вана теть «Сятко» журналт, ловнок. Паряк, мейле тонськак сёрмадстат лангозонзо.

Часонь трокс мон, эрзянь панарсо, кирдинь вал пуромозтнень икеле ды мик морынь тенст цикань кельстэ ютавтозь моро - «Расцвела под окошком...»:

Вальмало атямаресь

Ловонь цецинекс панжовсь.

Васоло пельненть алдо

Невтни прянзо ковось.

Эсест алужост марто

Сралесть весе монь оян,

Ансяк мон эрьва чокшне

Ськамон яла майсян...

Содазь, мон умок эрян ськамон, секс ютавтыяк те моронть ды текень кувалма, маряви, апак учо пшкадиньгак секе лужаня вайгельсэнь пуромозь эрзянь аватненень:

- Монгак, ават, эрян ськамон. Секс энялдан тенк: кить истя жо ськамост печтить пингест, кадык стить. Мон кочкан юткстонк одирьва! Омбоцеде энялдома илядо учо. Инескеть, стядо!

Вечки эрзянь ломанесь паро мельсэ пейдеме, кежтеме раксеме... Весе вансть вейкест-вейкест лангс, сельведьс пачкодемс пейдсть; мейле кой-кона авинетне кармасть вийсэ стявтомо таркастост шабраст.

- Валя, стяк, иля удо! - пижни вейкесь. - Зярдо уш эрят ськамот... Вант, кодамо паро эрзянь аля сась одирьва мельга...

Эрьва ёндо кайсететсь:

- Панжить сельметь! Вант, кодамо алясь! Ансяк монь иесэ эзь стя вейкеяк нардев ава. Тень кис, охаезь ды пувсезь, вейке-вейкенень лездазь, мандо лангс нежедезь, сех икеле озамотнень лангсто стясть кавто сырькайть ды учиця вановтост пезнавтызь монь сельмс. Те шкантень мон уш кенерекшнинь валгомо алов ды сеске эскельдинь стицятнень малав.

- Мезе тыненк, мельвановикст? - пшкадинь сырькайтненень.

Ней уш цяхасть весе пурнавозтне. Монь кевкстеманть пандызе сырькайтнень вакссо озадо авинесь:

- Окся патяй, Маря уряж! Озадо тарказонк! Писателесь эстензэ одирьва вешни, сонензэ кодгемень вейке ие топодсь, тыненк жо кавоненк туртов сядо кодгемень пурнавить! - сонсь верьга вайгельть раказевсь.

Лоцьк озасть монь «одирьватне». Маря патясь невтсь тень мокшна, Окся патясь кежейстэ вачкодсь мандосонзо кияксос. Лиссь истя: стямонь тувталонть сынст камажа пилетне овсе эзизь маря, ансяк «стядо» валось пачкодсь тенст. Мон таго эс-кельдинь малазост, кундынь лембе кедест ды энялдозевинь, берянекс прям марязь:

- Илямизь чумондо, Оксят-Марят! Мон колияк тынк а стувттадызь, свал карман ледстнеменк паро валсо. Уледе шумбрат! - Эзинь кирдеве ды эрьванть палыя чамаумарьс.

Неицятнень-кунсолыцятнень вейсэнь цяпамось ульнесь минек туртов казнекс; монь «одирьватнеяк» мизолдозевсть, сынсь эсь ютковаст мезть-бути тошкасть.

Теде мейле монгак озынь кунсолы-цятнень юткс. Икеленек ушодсть тиринь кельсэ морсеме, эрзянь палясо киштнеме. Ламотне састь тей лия велестэ, натой шабра буень ломантькак ульнесть.

Вана прядовсь концертэськак. Монь перька пуромсть сеть, кинь ульнесть башка кевкстемаст монь туртов, кой-кить бажасть теевемс мартон содавиксэкс.

Апак учо кие-бути токизе кенере-пакарем. Эрязасто велявтынь: ёжовсто мизолдозь, лангозон вансть «одирь-ватне». Аламодо аймельгадозь, мон кевкстинь сынст:

- Тынь мезе, пальдямо монь эйс ушодыде? Кунсолан, «одирьват»...

Перьканок аштицятне стявтызь пилест, општ теевсь, ды оно мезе арсесть теемс сырькайтне.

- Минь вана тошкинек-кортынек... Ней тонеть, цёрам, минек кавонек сави саемс никс. Вейкень-вейкень минь а цидярдтано. Окся мондень шумбра, карми пиресэ ды кардазсо котьмамо, мон седе дошуз кудоютконь тевсэ, - ёвтызе вейсэнь мелест Маря.

- Течи сыргатано? - поладсь омбоцеськак.

- Мезе?! - пес аймельгадынь мон.

Кунсолыцятне ракамодонть кавтов мендявсть, цяхасть пекень ёзазь ды сельведень нардтнезь. «Одирьватнеяк» цихельдсть, сынсь мельспаросо ванкш-ность весень ланга. «Парсте алужонть керинек?.. Вансынек, сайсамизь-арась...» - кортасть сельмест.

Журналон-конёвон прасть кедьстэнь масторов. Умок истя эзинь раксе. Сель-мукшонгак эль эзть нолажто сельведьсэ начтозь судонть лангсто. Вана тевть!

Те шкане ваксозонок сась Михал, сельмечирькензэ кепедезь верев.

- Мезть истя цяхатадо?.. Ушосо, нать, марявтадо... - Сонсь ванны пертьпельга.

Мон каявинь эйзэнзэ:

- Ялакскем, кода улемс? - Невтнян пацясотнень лангс. - Вана кавонест ёвтызь мелест монень одирьвакс молемс... Кельгить мартонок?

- Эно кода, сайсынек, ансяк Маря патянть багаж¬никс сави эцемс - вейсэ тюрьгадыть, - келейстэ пейдезевсь урны-гаень азорось, кутмордынзе сырь-кайтнень ды лиссь мартост ушов.

Оршамон полавтомадо мейле монгак сыргинь мельгаст. Мишань ардомапелен-зэ вакссо аштицятнень ютксо сырькайтне эзть неяво.

Косот «одирьватне»? - пшкадинь монь ускицянтень, монсь, койсэнь, пря невтян - мелявкссо копачазь чамасо кортан.

- Мон сынст кудов кучинь - парочист пурнамо, - раказевсь Михал. - Озак, Толай леляй, шка оргодемс!

Ды минь оргодинек - вейсэнь ярсамкудонь стувор экшс.

Саезь Дригань Толаень «Седейвал» пусмостонть, 2016-це ие.

------------------------------

Мельвановикс ловныцят! «Эрзянь Масторонь» редакциясо кадовсть 2 истят пусмот. Кинь ули мелезэ ловномс, рамамс те мельс туиця пусмонть: гайнеде, совадо редакцияс.



Ёмавкс раськенек туртов...

Раужо куля копачимизь минек...

ИСКОВОЕ ЗАЯВЛЕНИЕ

ОБЪЕДИНЕННЫЕ АРАБСКИЕ ЭМИРАТЫ.

*СЁРМАДСТОМА * CЁРМАДСТОМА*СЁРМАДСТОМА*

ПОЧЕМУ САМАРА – НЕ САРАНСК

РЕСПУБЛИКА КАРЕЛИЯ - В КНИГУ РЕКОРДОВ ГИННЕСА

«Эрзянская Родина - Эрзянь Мастор!»

ЧЕМУ УДИВИЛИСЬ ЭСТОНЦЫ

Фестиваль финно-угорской кухни в Удмуртии

Кавто одирьват. ЁВТНЕМА. Дригань Толай

КОДА ПОПОНТЬ ЛИКШАЗО МЕКЕВ СТЯСЬ

Пеедькшнемат

Стихи. Александр Шаронов



главная новости архив номеров ссылки гостевая книга