На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Вастовсь ловныцятнень марто

Отяжбуень центральной районной библиотекасо теевсь паро коекс ютавтнемс эрьва кодат вастовомат. Неть читнестэ тесэ ютась эрзянь писателенть Е.В.Четверговонь марто вастовома. Тей сакшность райононь библиотекатнесэ важодицятне, школань тонавтницятне.

Кода пачтясь Отяжбуень библиотекань прявтось Г.Н.Тюргашкина,  иезэнзэ тенст сакшныть 13 тёжат ловныцят. Сынст туртов максовить малав 65 тёжат книгат. Эрьва ковсто библиотекась ютавты писателень юбилейть, экологиянь темас част, наркотиктнень а нолдамга кортамот. Кеместэ важоди школатнень марто. Свалшкане тесэ анокстазь книгань выставкат. Теде башка, библиотекась яви мель райононь ды республикань фестивальтненень, кенярксчитненень. Саемга, истяттнэнень, кода: «Паксянь чи», «Шумбрат, Мордовия!» ды лият. Нама, неень шкане од книгат сакшныть чуросто, ярмакт а сатныть. Тень лангс апак вано, ловныцятне а стувтнить кинть библиотекантень. Сынь ловныть эрьва кодамо литература, покш мель явить художественноентень. Отяжбуе ёнкссо весемезэ 23 библиотекат. Маласо шкане сынь киртявить…

Отяжбуень эрицятнень марто Е.В.Четвергов вастовсь васенцеде. Мельспаро, зярдо пурнавить весе эрзят ды сынь чарькодить, мезде кортат. Отяжбуе посёлкань 1№ школань эрзянь келень тонавтыцясь Е.В.Сергеева ёвтнесь Четверговонь эрямонь ды творчествань кидензэ. Атянтень 83 иеть. Сон те шкас сёрмады ды нолды книгат. Весемезэ нолдась 11 книга. Кода ёвтни Евгений Владимирович, зярдояк тензэ превс эзь сакшно, карми писателекс. Васенце сёрмадовксонзо алтазельть пертьпельксэнтень. Сон пек ризны, мекс ломантне тусть васов пертьпелькстэнть, апак лотксе рудазкавтыть весементь. Теде башка, Е.В.Четвергов кепеди эрямонь стакачитнень. Ней сон аноксты одс нолдамс «Сырнень човалят» книганть, ков совить кезэрень ды неень шкань валтнэ. Мелявты, кода кармавтомс ломантнень ловномо? Интернетэнть пингстэ минь допрок кадынек ловноманть.

Истя жо те вастовомасонть ульнесь МАССР-нь заслуженной артисткась Мария Матезиус, Четверговонь низэ, кона морась эрзянь ды рузонь содавикс моротнень. Сон пачтясь, Евгений Владимирович чинек-венек сёрмады, а соды кодамояк оймамо. Ловныцятнень марто истят вастовоматне кандыть тензэ пародояк паро ёжо.

Т.Маторкина,

«Эрзянь правда»



Течи «Эрзянь Мастор»-сь лиссь 500-цеде!

Подписка на II полугодие 2017 года

Н.Мокшин вчера и сегодня

Газета выступила. Что сделано?

«Велень Озкс»

Обращение к Президенту РФ В.В.Путину

Я спросил у Путина

В РПЦ предложили обучать школьников церковнославянскому языку

Неудобные вопросы в эфире прямой линии с Владимиром Путиным

И я спросила В.В.Путина:

Вопросы Президенту России Владимиру Путину

Новый способ рейдерского захвата

Коротко о многом

Вастовсь ловныцятнень марто

Книга Почета Эрзянь Мастор

«Руця» Фондось кевкстни эрзятнень: Кинень (мезнень) алтасынек 2018 иень эрзянь ковкерьксэнть?

«Покш Эрзянь Чи» в Пазелках

Фестиваль «ЭРЗЯНЬ ЛИСЬМАПРЯ- VII»

Од книгат

Валморот

Ракамонь кулят Толаень паргинестэ



главная новости архив номеров ссылки гостевая книга