На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


«Эрзянь келень чись» Покш Игнатвелень школасо

Зярос гайги эрзянь валось -

Семс монгак эрян,

Ялгатненень - шабратненень

«Шумбрачи» мерян.

А.Лежиков

Эрьва ие чадыковонь 16-це чистэ Мордовия Республикась ды Россиянь регионтнэ, косо эрить эрзят, тешкстыть Эрзянь келень чи. Те чистэнть чачсь эрзянь ине учёноесь Анатолий Павлович Рябов. Те ломаненть а онкставишка путовксозо минек тиринь эрзянь келенть вельмевтемантень, кастомантень, сюпалгавтомантень.

Минек Покш Игнатвелень школасо «Эрзянь келень чись» ютавтовсь чадыковонь 20-це чистэ. Те покшчинтень ульнесь тердезь Игнатбуень администрациянь прявтонь полавтыцясь Юрий Васильевич Максимов. Сон ёвтась лембе арсемат те чинть кувалт эйкакштненень ды инжетненень, арсесь тенек валдо шожда эрямо, уцяска, покш вечкема тиринь масторонтень ды келентень. Юрий Васильевич мерсь, кадык пингеде пингес гайги мазый эрзянь келенек эрьва масторсо, косо улить эрзят. Текекс те покшчинтень ульнесь тердезь минек буень «Пизёлнэ» моронь курось.

Эрзянь келень чись ушодовсь Серафимова Марковна Люлякинань «Эрзянь кель» моросонть. Мейле ветицятне – Куликова Ульяна ды Гришенкова Диана кармасть седе тов ветямо покшчинть. Эйкакштнэ морасть зярыя эрзянь морот ды нурька морот, ловность стихотвореният, киштсть киштемат. Пек вадрясто морызе Ульяна Куликова «Чуди лей» Н.Ф.Мокшинэнь валтнэнь коряс моронть, Надя Абросимова ёвтнизе Р.Д.Жегалинань «Монь мастором» валморонть. Омбоце классонь тонавтницятне ловнызь «Эрзянь мастор» стихотворениянть. Вишка классонь тонавтницятне, оршазь мазый эрзянь оршамосо, морызь «Уить шожда венчкетне», «Куля баба», «Пельне» ды «Тол палы» моротнень. Ветеце-котоце классонь тонавтницятне киштсть эрзянь киштема. «Пизёлнэ» фольклоронь ансамблясь морасть «Айдо, ялгат, паро, ялгат», «Велесэ киньгак эйстэ а кекшеват», «Иеть, иеть» (Е.Самаркинэнь) моротнень.

Р.Д. Жегалина – Мордовия Республика заслуженной учителесь, ёвтнесь Анатолий Павлович Рябовдо - эрзянь учёнойденть ды морызе эсензэ «Чачома келем» моронть. Покшчись прядовсь «Кадык свал ули чипай» ды «Тиринь ёнксом, теке ёвкске» вейсэнь моротнесэ.

Кенярксчись лиссь пек мельстуиця. Концертэнь ветицятне, невтицятне, ваныцятне ды кунсолыцятне кадовсть покш мельспаросо.

Илинк стувто, ялгат, тиринь келенк! Зярдояк илядо визде кортамо эсенк кельсэ. Содадо: сон сехте питней ды сехте мазый!

Н.А.Чучадеева,

МБОУ «Большеигнатовская СОШ» школасонть эрзянь келень тонавтыцясь



Подписка на II полугодие 2017 года

Первые подписчики!

СЮКПРЯ, МИКИТАНЬ ШУРА!

Эрзянь келень чи Саран ошсо

Обращение к эрзянам!

Вести с Красноярска!

Парламент Ингушетии впервые провел заседание на ингушском языке

Чувашские активисты потребовали изменить школьные программы ради чувашского языка

КТО ЕСТЬ КТО

Открытое письмо

ЭРЗЯНЬ КЕЛЕНЬ ЧИСЬ ЛИВТИ МОДА-МАСТОРГА

«Эрзянь келень чись» Покш Игнатвелень школасо

Эрзянь келесь эсь койсэнзе мазый, эрявикс, питней!

Доронина Любовь Петровна занесена в Книгу Почета Эрзянь Мастор

ВикиВесна—2017 интернет марафон статей приурочен ко Дню эрзянского языка

Стихи. Виктор Баркин



главная новости архив номеров ссылки гостевая книга