На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Арсинь эрзякс мон — сёрмадынь рузокс...

Маризь Кемаль

---

Эрзянь лемть

***

Пургаз,  Промза, Арис,

Валгуж, Кемай, Маризь –

Кезэрть покштянь лемтне,

Виевельть сынст тевтне.

Литава, Мазярго,

Кемаль ды Кастарго  -

Умок пингест прядовсть,

Лемест морос кадовсть.

Смустевть, гайтевть, мазыйть, -

Сокицянь, чинязонь, -

Лемтне ульнесть азорт,

Теке кучовкст Пазонь.

Эй, эрзянь од цёрат!

Эй, эрзянь од ават!

Мекс тынк эйденк Жорат,

Танюшат ды Слават?..

Косо эрзянь коронк?

Косо эрзянь чачонк?

Мекс тынк курго моронк

Ансяк: «Пекесь вачо»?

Кезэрень покштятне,

Покштянь покшаватне

Максост вий миненек

Ды пшкадест кисэнек.

Витава, Лияна,

Кастуша, Вияна,

Эрьгела, Артана,

Минь тынк учотано!

Саран ош

***

Дмитрий Таганов

Эрзянь масторонть

картасто вешнезь,

сизить сельметь -

прят майсевтьсак стяко.

Самолётсо а пачкодят

Тозонь,

Кона ёнксонтень

Илязат яка.

Монгак вешнинь...

Ды ламова ютынь.

Неинь мазыйстэ

Цитниця штелькст:

Аштить сравтозь

Масторлангонь келес,

Прок кудовтомо

Кудыкелькст.

Ансяк ули те масторось,

Ули.

Наяв содаса, те аволь он -

Неень тарказо аволь конёвсо.

Эрзянь масторось

Седейсэм монь.

***

Бугуруслан ош

---------------

Александр Учеваткин

***

А чарькодьсынь сеть эрзятнень,

Конат мерить: «Мон рузан!»

Стувтызь эрзянь обуцятнень,

Сынст кисэ визделгалян.

 

Кода стувтомс тиринь келенть,

Конасонть тетям-авам

Монень, вишка пингстэ саезь,

Тошкить лембестэ: «Цёрам...»?

 

Кода стувтомс тиринь келенть,

Зярдо онстомгак марян,

Вечка бабам тоначистэ

Пшкали эрзякс тень: «Нуцькам...»?

***

Саран ош

----------------

Числав Журавлев

---

Арсинь эрзякс мон – сёрмадынь рузкс,

Кортынь пупорькшнезь, човоринь валтнэнь.

Зярдо сылинь эсь ломантнень юткс,

Теке руз эрзякс кортамо снартнинь.

 

…Кувать ванстынек коенек минь, -

Эрзякс кортынек, эринек эрзякс.

Минь а эрзят ней… Чумондомс кинь?

… Кие келензэ аздасы – нузякс?..

 

- Иля музгорде, озак монь вакс, -

Бабам пшкадсь монень пазаванть алдо, -

Ульть тон, нуцькинем, ульть валдо прякс,

Содак, эсь келесь – удемень валдо!

Самара ош

-------------- Эрзянь тейтерь. Эрюш Вежай ******** Эрямось моли, теке чуди лейне, Пиземеть валыть, палыть маней чить, Сельмень икелем тон тундонь килейнекс Мастор лангонтень казят мазычить.   Тон - эрзянь тейтерь, тетерьксчинь иеват, Велева ютат - каят сиянь жойть, Панарот-руцят стазь-викшнезь котова, Тон оршамосот ванстат эрзянь койть.   Пулайнеть кутмори чова карксамот, Пря пангот сэрей менельга кандат... Кинень алтат кирви вечкемань самонть? Кинень учонь уцяскакс тееват?   Тон эрзянь тейтерь, луга-паксянь цеця, Мазычинь пусмо, маней-валдо мель! Седеем токны, кода тонь мон нетян, Истя виевстэ... Ва а сезевель! *** Мурман ёнкс --------- Монь эрямось. Юрий Исланкин **** эрзянь ёнкссо, Мерят саезь умонь ёвкссто. Секс неть стихтнень оймем марто, Эрзянь ёнкс мон тонеть алтан.  



КЕЦНЕВТЬ СЕДЕЙ, ЭРЗЯНЬ КЕЛЕНЬ ЧИ!

Подписка на II полугодие 2017 года

Лауреат премии им.Рябова - 2016

«ЭРЗЯНЬ ОЙМЕ-2017»

Эряви лездамс!

В СЕРДЦАХ ЛЮДЕЙ ПОСЕЯЛ СТРАХ

Нас сблизила «Эрьзянь Мастор»

«Викимедийцы, пишущие на эрзянском языке»

День эрзянского языка в Петербурге

Лёфай атя кецни ды мелявты...

Ломанть теиде паро тев!

Эрзянка спела на «Поле Чудес» частушки про Якубовича

«Од вий» в Саранске

«Предания старины» вновь прозвучат в Мордовии

Незрячие читатели Саранска отметили День эрзянского языка

Арсинь эрзякс мон — сёрмадынь рузокс...

Лавгаськин Охань эрямосто



главная новости архив номеров ссылки гостевая книга