На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


«Тавлань лишмесь – Инешкипазонь казне» 

Эрзянь ды мокшонь раськень культурань музейсэ панжовсь «Тавлань лишмесь – Инешкипазонь казне» лементь ало выставка. Сон алтави чувтосто керсицянть, раськень мастерэнть П.В.Рябовонь 55 иетненень. Пётр Владимировичень содасызь ламо ломанть. Сон пурнызе «Эрьмезь» чувтосто керсиця вейсэндявксонть, мелензэ коряс Вирь ало Тавласо панжозель В.Ромашкин лемсэ Этно-кудось, теде башка, сонзэ содасызь республикань томбале ды омбо масторсо кода кедьчелькев ломаненть.

П.В.Рябов чачсь Кочкурбуень Вирь ало Тавласо покш семиясо. Сон нейгак мельспаросо ледстни, кода котоце классо тонавтнемстэ сынст школав сась чувтосто керсицясь Николай Иванович Мастин. Самай сестэ весе ушодовськак. Велень малав весе эйкакштне кармасть явомо мель чувтосто керсемантень. Армиясо служамстояк Пётр Владимирович эзизе кадно вечкевикс тевензэ. Сон теевсь содавиксэкс чувтосто керсицянть Р.Я.Иванченконь марто, кона тонавтсь эйсэнзэ. Армиядо мейле од цёрась кармась важодеме школасо, тонавтсь эйдетнень чувтосто керсеме. 

Од выставкась ашти зярыя пельксстэ. Тесэ невтевить малав 100 важодемат, аволь ансяк Рябовонь, истя, текекс тонавтницянзо. Неявикс тарка, мерема, явови лишментень. Мастерэсь кувать арсесь, кодамо карми республиканть чувтосто керсемань коряс прявт сувенирэсь, кодамокс карми брендэсь. Кочказель лишмесь. Те ракшась пек малавикс ломантненень. Ней апак кавтолдо эряви меремс, Тавлань прявт сувенирэсь – лишме. Улить лишметь-салдырькст, стилизованной лишминеть. Сынст лангс ванозь ды эйсэст токшезь, маряви лембесь, конань кадызе сонзэ теемстэ мастерэсь. 

– Косо ансяк арась лишмень тешксэсь, сон мазылгавты авань оршамотнень, ули буень тешкссэ, кудонь мазылгавтомасо. Эйкакшонь трямосояк-кастомасояк тевс нолдавить лишмень тешкст. Эйкакшось мазычинтень тонадсь налкшкетнень вельде. Лишменть вельде невтеви домкачи, смусть, моли энергетика. Весе те парсте редяви фольклорсто саезь, – кортась Пётр Владимирович. 

Выставканть панжомо сакшность П.В.Рябовонь малавиксэнзэ ды содыцянзо. Сындест пурнавкшность истя ламо, марявсь, эль кельгстявсть весе музеентень. 

– Зяро содаса Петянь, зяро дивсян лангозонзо. Апак лотксе лакси ды лакси, прясонзо свал од мельть-бажамот. Мартонзо эрьва косо ульнинек, лия ёнкссо, ардтнинек выставка марто ламо регионга. Эрьва косо сонзэ содасызь ды вечксызь. Свал кевкстнить сась-эзь Рябов, бути сась – арсезесь юты парсте. Бути масторсонок кадови вейкешка Петянь кондямо – эрзятне а ёмить, – кортась Пенза ёнксонь чувтосто керсицясь А.П.Туркичёв.

Алкукскак, П.В.Рябов чувтосто керсевксэнзэ невтнесь финнэнь-угрань малав весе регионтнэсэ, омбо масторсо, ютавтнесь чувтосто керсемань мастер-класст. Эрьва выставканть анокстамсто сон свал мелявты, кода весе юты.

Неень выставкась карми важодеме эйзюркоовнь 27-це чис, моледе ваномо! 

Т.МАТОРКИНА,

Саран ош



Итоги VI-го съезда

Дригань Толаень эрзянь аватненень Пшкадема

Ответ от Федерального Собрания

Цена памяти

Таланты не умирают...

Подарок победителям

СЛЕД ЭКЗОЭТНОНИМА

Крохоборство – удел слабых

Венеды и варяги. Следы на карте

КАК Я БЫЛ РЕПРЕССИРОВАН В МОРДОВИИ.И.С. СИБИРЯК (ПОЗДЯЕВ)

«СЫРНЕНЬ ЧОВАЛЯТ» - нень кист-яност

НЕВИДИМАЯ СТОРОНА…

«Тавлань лишмесь – Инешкипазонь казне» 

Явдано седейризкс!



главная новости архив номеров ссылки гостевая книга