На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


«СЫРНЕНЬ ЧОВАЛЯТ» - нень кист-яност

Те лементь марто книгантень-валксонтень комсьте ламо иеть. Нолдазель Мордовиянь книгань нолдамосо 1995-це иень кизна. Шкась аволь нардевель. Сюпавчинь лувось-капитализмась ансяк ушодокшнось стямо пильге лангс. Секскак нолдавкшнось вадрясто-беряньстэ мастор лангонь ярмак лангс. Те сестэ, ней...

Эрьва книганть, кода ломанентькак, кива ветиця сурезэ эсензэ, эсензэ уцясказо. Сон, те кись, эри эрьва кодамо, аволь свал савкшны эскелямс келей-валаня таркава. Кода а ледстямс, невтемань кис, мезень пачка савсь ютамс  Островской Николаень  «Как закалялась сталь» романонстэнь! Ды каня сон  ськамонзо, кона ютась толтнэнь-качамотнень пачка? Комсь иеть. Лиятнень коряс пек аламо. Мердяно, Куторкин Андреень романонзо «Раужо палмань».  Топодсть тензэ 83 иеть. Зняро,текекс, таштась Раптанов Тимофеень «Чихан пандо ало» романозо. Сынь лиссть 1934-це иестэ.

********

Те ульнесь, бути а ильведян, 1996-це иестэ. Ульнесь гай кизэ. Эскелясь мелявкссто пешксе аштемковось. Эрямо-важодема таркам ульнесь Кирьгизстанонь Кан  (кирьгизэкс  «ламбамо») ошось. Самай аштемковсто максть тень  оймсемаютко. Ков? А мезть кайсемс ноготнэнь  - Чачома масторов, Орданьбуев, кона Мордовиясо, тов, косо учи эйсэнь авам. Сынь  вокзалов. Невтие билетэм. Вагонсонть ульнесть монь шкань, ниленьгемень малава иень ава ды цёрыне. Путнинь котомкам ды озынь ваксозост.

Каршом цёрынесь стуворнэнть лангсо путнесь-аравтнесь колмо ниле книгат. Зярдо вейкень эйстэст путызе лангс ды оймась,  ютась пачкам тарск, тень сеске эзь кемеве – раужо велькс книганть ланга сёрмадозель… Евгений Четвергов! Каня те алкукс? Аволь онстом? Аволь аймельгадома? Те эдь велесэ ушкс шабранок – Ёгань Женя! Кода, кона ёндо, кие пачтизе  васолдояк васоло Кирьгизстанов сонзэ книганзо!? Седе алга сёрмадовксонть лемезэ – «Сырнень човалят».

Талнозевинь. Бызнозевсть превсэнь кевкстнематне ды ледстнематне одксшкадонок.  Ве велень, ловт, ялгань марто вастомась гувк вельмевтсь седейсэнь кенярксонь ёжот. Кадык апак нее, кадык вайгелень апак маря, ялатеке вастовома, вастовома тейтерьксшкам марто. Вастовома ламодояк ламо иень ютазь.

Лиссь истя: се самстон сёрмадыцянзо, Ёгань Женя марто, эзинь вастово.  Те топавтовсь  ламо-ламо иень ютазь, зярдо кадовкшнось тенек ледстнемакс  од шканок, велесэ умонь мелявксто пешксе эрямонок. Самай сестэ, уш  Сарансо эрямсто, ёвтнекшния мартонзо ды сонзэ «Човалянзо» марто вастовоман Кирьгизэнь Масторсо.

Биушкина Зоя, 

Саран ош

****************************

***

Аволь пек умок Ало ошсто (Нижней Новгородсто) автобуссо ардынь Пензав. Сарансо эрявсь тень озамс лия автобусс. Учомс эрявсь. Мезе теемс? Кода шканть ютавтомс? Мельс сынь тия-тува яксемс ошканть.

А.С.Пушкин лемсэ библиотеканть каршо  «учось» эйсэнь мазый  «письмаркай»-шкаф. Сонзэ вельде полавтневить эрьва кодат книгат. Шнамо, кие те меленть ёвтызе-топавтызе.

Сельмень икелев, кецнезевинь а содан кода, понгсь аволь эчке раужосто оршазь книга – «Сырнень човалят». Сон апак кевкстне ювк ютась  монь юдминес. Кие сёрмадыцязо – содатадо. Ваннынь эйсэнзэ ки лангонь перть.

Нина  Захарова,

Пенза



Итоги VI-го съезда

Дригань Толаень эрзянь аватненень Пшкадема

Ответ от Федерального Собрания

Цена памяти

Таланты не умирают...

Подарок победителям

СЛЕД ЭКЗОЭТНОНИМА

Крохоборство – удел слабых

Венеды и варяги. Следы на карте

КАК Я БЫЛ РЕПРЕССИРОВАН В МОРДОВИИ.И.С. СИБИРЯК (ПОЗДЯЕВ)

«СЫРНЕНЬ ЧОВАЛЯТ» - нень кист-яност

НЕВИДИМАЯ СТОРОНА…

«Тавлань лишмесь – Инешкипазонь казне» 

Явдано седейризкс!



главная новости архив номеров ссылки гостевая книга