На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Дригань Толаень эрзянь аватненень Пшкадема

Шкась, кона весементь велькссэ азор, кенярксчинь казнекс кучизе тыненк эйзюрковонь 8-це Чинть!

Ламо раськеть эрить вейсэнь Моданть лангсо, ансяк эрзянь аваломанесь свалшкас кадови сехте мазыекс, эрьва кодамо шкинемасо содыцякс-важодицякс, сехте веркасто ялго якицякс (Ольга Каниськина), менельвасолксонь изницякс (Литюшкина), тиринь модань ды раськень кис тюрицякс (Эрзямасонь Олёна)... Ды вана сась ледстязь Оленатнень вейсэнь тевень поладыцякс минек шкань Кузоватонь Оля – Олёна!

Сон поладызе Нуянь Видязонь тевензэ ды ней минек Олёна – «Эрзянь Мастор» сырнень кулялопанть прявтнолдыця!

Мазый ды превей эрзяват! Пек умонь шкатнестэ минек раськесь аволь вейке пинге эрясь тынк превсэ ды ветямосо. Ды вана тынк мереманк коряс эрзякс пейдемань лувсо лемдяса мон шканть – Матряархат (матриархат)!

Яволявтан масторонь келес: эряви вельмевтемс Матриархатонь пингстэ эрямонь коенть ды тень топавтомга васенце тевекс тыненк улезэ Кузоватонь Оля – Олёнань перька, «Эрзянь Мастор» кулялопанть перька тынк пурнавомась!!! Сёрмадстодо кулялопанок лангс, тынсь сёрмадодо-пачтядо весемеденть, мезесь седеенк скири эрзянь раськенек вельмевтемань тевенть лувсо-мелявкссо... Маризь Кемаль, Шуляна, Ларина Татю, Жегалина Римма ды лият содавикс эрзянь ават, пурнаводо вейсэнь арсемасо. Тыненк ламо тееви. Вана Римма ковозонзо весть максоволь «ЭМ»-с эйкакшонь ды од ломанень мельс туиця сёрмадовкст, превс путомат, ёвкст ды седе тов весементь, мезесь лезды эрзянь пакшань  трямсто-кастомсто... Тынк, арневикс ават, содавтыдизь Эрзянь Масторонть ды весе масторпурнавксонть келес!

Ютазь раськеютконь кенярксчинть марто, эрзянь сэнь сельме тейтернеть, од тейтерть, ават, покшават, вечкевикст, мазыйть ды малавикст!!!

Улезэ тыненк вечкемань чансть,

Од Матряархатонь кемекстамонь тансть!

Кургонь автезь цёратне пек вансть –

Олёнань перька откерьаватне пурнавсть...

 

Эрзянь аватне весе мазыйть!

А виздян тень коряс весенень рангстамо.

Седеем вечкемань мари зыйть,

Ансяк онстон сакшнат монь паламо...

 ********************

Ракамонь пусмо...

--------------

- Мон, цёрат, омбоце авантень-низавантень эйзюрковонь 8-це чистэнть казинь кедгеть-муськемапельть.

- Паряк, ламо ярмакот нардавсть?

- Аволь, овсе аламо, леляй...

- Те тон кодамо «техника» казить?

- Кшинь очко ды толкун марто кшнинь лазнэ, вете покольть муськемасапонь ды нардев пикс...

***

- Эйзюрковонь 8-це чистэнть тейтерьаватненень питней казнеть, шоколад марто тантей чай ды кофе. Миненек, цёратненень, таго сави чапамо ченькс марто кедьгетне чамдомс!!! Теньгак лемезэ – демократия?!

***

- Вечкевикс «ЭМ», тон эйзюрковонь 8-це чинтень анокстыть монень казне?

- Умок, монь вейкинем, умок...

- Казнесь монь мельс туи?

- А туи – одов монень венстясак – истямо ульмам зярдояк арасель...

***

Тейтересь корты од цёрантень:

- Ней монень мереви урныгай ветнемс – ярмаконок улить. Путомак превс, кодамо урныгай монень эряви рамамс?

- Васня эряви тонеть монь экшс мирденень лисемс – сеске монсь раман теть муськемань урныгай, сонзэ седе шожда ветямозо ды тротуарга сон а ардни...

***

Гайневтсть ашосо оршазь пичкавтыцятненень:

- Ардодо миненек шкань апак таргсе. Монь нинть эйзюрковонь 8-це чинть тешкстамодо мейле куродызе мамштамодонть ашо ормась!

- Мекс истя талакадыть, мелявтыця мирде?

- Кода мекс?! Кудонок пешкедсь идемевсень левкскесэ – монь пиштяка нись вейкеяк эйстэст а реди...

Дригань Толай,

Самара ёнкс



Итоги VI-го съезда

Дригань Толаень эрзянь аватненень Пшкадема

Ответ от Федерального Собрания

Цена памяти

Таланты не умирают...

Подарок победителям

СЛЕД ЭКЗОЭТНОНИМА

Крохоборство – удел слабых

Венеды и варяги. Следы на карте

КАК Я БЫЛ РЕПРЕССИРОВАН В МОРДОВИИ.И.С. СИБИРЯК (ПОЗДЯЕВ)

«СЫРНЕНЬ ЧОВАЛЯТ» - нень кист-яност

НЕВИДИМАЯ СТОРОНА…

«Тавлань лишмесь – Инешкипазонь казне» 

Явдано седейризкс!



главная новости архив номеров ссылки гостевая книга