На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Кавонь кирда шумбрачинь арсемат

Мертядо, пандя лавгамодо, каня истят тевть эрсить? А содан. Кода кинь, а монень те Од иестэнть састь мик кавто истят кеняркс арсемат. Васня гайгстась тень витницянок-редакторонок Нуянь Видяз:

- Лёфай, тон «Сяткостонть» Дригань Толаень «Злыдарень вастовома» ёвтнеманзо ловнык?

- Зярс эзинь кенере, леляй. Мекс истя кевкстнят?

- Сон тонеть алтазь, секс.

Эрязынестэ кадынь лия тевем. Каподия «Сятконть» (бульчом, тедеде сон таго совавтозь Россиянь СМИ-нь каталогтнес), седеень токнозь ловнан: «Алтазь Мацьказ Лёфайнень»… Те эно да! А уш кода мазыйстэ, пек чарькодевикс эрзянь кельсэ машты сёрмадомо Толай ялгам, теде кортамскак а эряви. Ловнан, кода овтось ды ломанесь карадо-каршо эшкевсть ярсамопелень вешнемстэ, ды абунгадынь, кода Толайнень летявсь невтемс истя домкасто эрямонь философиянть. Тенян, те эно тень шумбрачинь арсема, те кеняркс ёжонь Од иень казне! Сюкпря теть, мельвановикс ялгай, аволь весень Од иень каршо казнесызь истямо питневтеме казнесэ.

Я, эзинь кенере кенярксонь сельведем костямо, кода тень пачкодсь омбоце истямо арсема. Кучицязо СавканьСандур (Александр Николаевич). Чачома Эрьмиёв велестэ, конась вайси Шемешей ёнксонь виртнес-паксятнес. Санянень монь ладсо шкастонзо эзь саво школасо тонавтнемс чачома келенек ды сон колмошка иеде теде икеле пеняцясь тень, келя, а машты эрзякс сёрмадомо. А ней ванодо, кодамо сёрма тень кучсь тиринь кельсэ (энялдан печатамс апак витне):

Поздоровт теть, вечкевикс Алексей Лукьянович, пек вадря кенярксчи марто – Од иестэ! Арсян теть нардев оймемарямо ,сисемь ломанень седей вий, шумбрачи ды келей-кувака эрямонь валаня ки.

Аштек кевень пандокс эрзянь келенть кис.

Эрьмеёв веле,

Сандур

Кадык грамматикась аламнеде ёколды, тень кис мельтне кодат, мельтне! Кадык визькс ули сетненень, кить мерить: чачома келест тенст кодаяк а изняви.

Теде башка меремскак тень а мезть. Шумбрань-паронь Од иеть тенк, вечкевикс ялгат!

Мацьказонь Лёфай



"Масторава" на финском...

ДВУЛИЧИЕ И НАЦИОНАЛЬНАЯ БЕЗОПАСНОСТЬ

9 июля 2016 года - Раськень Озкс

Подписка на 1-е полугодие 2016 г.

Что для ненца в храме еси?

СОВЕРШЕННО СЕКРЕТНО

Мысли вслух.

Кулят Дригань Толаень пельде...

ОПРОВЕРЖЕНИЕ

РОДИТЕЛЬСКИЙ ДОМ...

«ОБЩЕМОРДОВСКИЙ» - НАДЁЖНОЕ СРЕДСТВО В ПРАКТИКЕ РУСИФИКАЦИИ

КОВКЕРЬКС - ЭРЗЯНСКИЙ КАЛЕНДАРЬ

Сынь лиссть изницякс

Кавонь кирда шумбрачинь арсемат

На стихи Марии Романовны Биушкиной



главная новости архив номеров ссылки гостевая книга