На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Лемтне нарьгамс пряст а максыть

«Комсомолкасонть» президентэнек Путин палси дзюдосо призёронть, Тея Донгузашвили марто. Тейтеренть фамилиязо теевсь тюркань донгуз-«туво» ды грузинэнь швили-«пакша» валтнестэ.

Армянтнэнь ютксо сеедеть Авджян, Топчиян, Налбандянонь кондят фамилиятне, конатнень юрсо тюркань авджи—«охотник», топчи —«пушкарь» ды персэнь налбант—«кузнець» валтнэ. Комсешка иеде икеле пелькстнынь содавикс актёронок ды режиссёронок Армен Джигарханян марто, меринь тензэ, фамилиязо тюркань джигер – «сюлот-пекеть» ды персэнь Хане – «цех, мастерской» валтнестэ, нурькинестэ мерезь – «колбасник. Теде икеле кие-бути фамилиянзо толковизе, кода «модамасторонь азор», ансяк сестэ сон гайгевель лиякс Джихангарян (персэнь джихан – «модамастор» валстонть ды ~ гир,~гяр). Бульчом, тестэ азербайджанонь Джангир лемеськак. А умок «Итоги» журналсонть Армен лелясь витькстась, келя, сон фамилиясонзо джигархане валонть кисэ. *************************** Мекс валтнэ кельтнень эзга «злыдардить»? ********************************** Сайтяно башка-башка кельтнестэ валонь истямо керькс: саппи (фин.), соуп (англ.), савон (фр.), сапан (венг.), сапонь (эрз.), сабун (тюрк, араб.). Эли лия: гуркен (нем.), огурец (руз.), куяр (эрз.), хыяр (тюрк.), хыйяр (араб.). Эли куть истямо: Хауз (англ.), Хаза (венг.), хата (укр.), кут, закуток (руз.), кудо (эрз.), коду (эст.), хот (ненец.). Нетнень ванномсто сеске чарькодеви—рисьметнесэ валтнэнь ютксо ули раськексчи. Ансяк сеске а чарькодеви, кода, мертяно, арабонь ды англань кельтнесэ, конатнень явить ламо тёжат вайгельпеть, чачсть ды эрить пек малавикс истят валтнэ, кода соуп ды сабун, истя жо немецень ды арабонь кельтнесэ гуркен ды хыйяр валтнэ? Мезде те корты? Валтнэнь чачомадост ды эрямодост наукась, этимологиясь, тонавты, келя, вейке кельстэ омбоцес валтнэ ютыть, васняяк, сеть кельтнесэ кортыця раськетнень малацекс эли мик вейкетьстэ эрямстост. Содави, те ульнесь умоньдеяк умонь шкатнестэ, зярдо индо-европань кельтне зярс эзть явовкшно славянскойкс, германскойск, романскойкс; а урало-алтаеньсетне-финно-угорскойкс, тюркскойкс ды монгольскойкс. Лингвситнэнь ловомаст коряс, те лиснесь минек эрадонть кемень тёжат иеде а седее мейле (вант Дж.Киекбаев «Введение в урало-алтайское языкознание», Уфа, 1972, стр.24). Самай сестэ кельтнень эзга срадсть истят валтнэ-раськетне, кода мерьтяно, седе вере лецтязь «кудось», «дом» валось (конаньстэ минек «утом» ды «каштом» валонок), «тейтересь» (фин.-«тютярь», нем.- «доттер», англ.- «дётэ», «сазор-сисгэр» ды зярыя лиятне. Содави, сеть шкатнестэ куярдо ды сапоньде кортамскак а мезть, сестэ покштянок-бабанок аволь ансяк куярт-мезть эзть путне, чамаст-рунгосткак ёрвализь сапонтеме. Неть валтнэ совасть келезэнек ков седее мейле, минек таркатнес эсест, куяртнэнь-сапонтнень пачкодемаст марто. Тестэ чарькодеви, этимологиясь лезды раськенть историянзо тонавтнемантень, сонзэ вельде содави, мезесь косто сась. Мертяно, минек ледс тявт куярось ды сапунесь сась тенек аволь Англиясто эли Германиясто, а чилисема пельде, Аравиясто. Видеяк эдь, тосонь псись куяргак касты, ломанентькак сапоньсэ шлявтсы-илязо чиния. Лингвистикасо истят снартнемат, кемеви, теевить эстензэ ловныцянтеньгак. Ансяк тень теемстэ эряви содамс ды а стувтнемс грамматикань истямо койкирданть: куть вайгельсэ, куть вайгельтеме (гласные и согласные) гайтевкстнэнь ютксо свал эрсить таркаперьгедькст (чередование), сехте пек валтнэнь ве кельстэ омбоцес ютамсто: нурдо—нарты, кудо—коду и т.д. Эрьга, снартсынек, ялгат! ******************************* Апак сока изатано! ******************************** Содавикс ды вечкевикс филологонок Р.Н.Бузакова «Эрзянь-рузонь валксонтень» (М.,1993) материалонь пурнамсто, маряви, токшесъ Пенза енкссо минек Шемышеень пельксэньтеньгак. Эдь самай тосонь Наксафтум (официальна – Наскафтым) велесэ маризе ды сермадызе «курянчкесэ» (прятки) валонть. Янксян, мекс сон эзь юта Наксафтум вирент трокс ды эзь пачкоде монь тиринь Эрьмеев велезэм… Эдь наксафтумтне эрьмеевтнень коряс аламнеце седе мокшлгадозть, а «курянчкесэ» валост кодамояк кель вельде а этимологизировави—а эрзяньсесэнть, а мокшоньсесэнть. Эрьмеевсо жо «курянчкесэ» меремантъ таркас тензэ пшкадевильть «курямнесэ» валсонть. Виде, сонгак мокшонь, эрзянь кельтнень вельде а этимологизировави, лиякс меремс, зэмезэ лангс а лив-теви. А оно татаронь келенть вельде те тевесь тееви! Татарокс «куреме» валонть зэмезэ - а неявикс, а неявома. Шкастонзо покштянок-бабанок те валонтень поладызь «н» суффиксэнть ды истя чачсь «курямнесэ» (прятки) валось. Тестэ «курямс»- аволь «курить»(таргамс), а «водить». «Киньгак а муевемадонзо Колянень савсь курямс пецек кавксть». «Курямнесэ» валонть таркас эрьмеевтне лиясто мерить «кекшкесэ»- чарькодеви, те уш эсенек, эрзянь! «Курямнесэ» валонть питнезэ сеньсэ, мекс сон корты седикеле эрзятнень юткс тюркатненъ (буртастнэнь?) ассимилировавомадост (човорявомадост). Валоськак тенек мартост сась, казизь тенек. Ансяк минек ученоенек теде сермадомо мекс-каня а пек бажить. Ловнат сермадовтост ды абунгалят - сынст коряс лисни, теке весемесь сась тенек ансяк ды ансяк рузтнэнь вельде: каштомоськак, кудоськак, сокаськак... Сестэ изамосъ тенек косто прась? «Рузонь» сокавтомо мезекс сон эрзятненень эрявкшнось? Секс мерянгак, пачк пароль вечкевикс Раиса Николаевнанень Эрьмеевонтень пачкодемс, варштамс, паряк тосоньсетне, видеяк, маштыть апак сока изамо? Мацьказ Лёфай, Москов ош



К 350 ЛЕТИЮ ЗАВЕРШЕНИЯ ОТЕЧЕСТВЕН-НОЙ ВОЙНЫ ЭРЗЯНСКОГО НАРОДА

ОД ИЕ МАРТО, ОЯТ-ЯЛГАТ ! С НОВЫМ ГОДОМ !

Великому Сталину 126 лет

Литературная премия Общества М.А. Кастрена 2005 года

О СМУТАХ И ПРАЗДНИКАХ. А КУЗЬМА МИНИН —ВСЁ-ТАКИ ЭРЗЯ

ВЛАСТЬ и ПРЕССА. Передача радио "Свобода".от 10.12.2005

ЛИЦЕДЕЙСТВО И ЛИЦЕДЕИ из Консультативного комитета Финно-угорских народов

Лемтне нарьгамс пряст а максыть

Лиссь "Сятко" журналонь од номерезэ.

Пеедькшнемат

ЭРЗЯНЬ БУЕЛЕМТЬ (ФАМИЛИЯТ). ЭРЮШ ВЕЖАЙ



главная новости архив номеров ссылки гостевая книга